1 Epilli 5:2 - Mawu a Mulluku

² Koma a nlloko na Yuda yaari amasiva variyari va malloko a Israele nave mwene avenyenre wa alliwa naari ottekweene waari wa Yosefe.

1 Epilli 5:2 ပူးပေါင်းရင်းမြစ်များ

Mateyu 2:6

‘We Betelehemu mu echigawo ya Yudeya, ori muullupalli variyari va matawoni a mu Yudeya. Oohoollella anawa avenyera mwa weyaano, oyo anaahoollelle athwaaka Aisraele wonanko mbusa.’ ”

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Aheberi 7:14

Tti ddoodduwanyeya phaama wi yayariwelle o nlloko na Yuda. Nave Mose khaaromonlle dda nlloko nenna ovenyera khalle voollotani dda allupa mukutho.

Masalimo 60:7

Giliyadi tti aaka, Manase tti aaka, Efuremu tti echipewaaka yookiteteza, Yuda tti ekopwaaka yoomwene.

Masalimo 108:8

Giliyadi tti aaka, Manase tti aaka. Efuremu tti echipewaaka yookiteteza Yuda tti ekopwaaka yoomwene.

Yawuupullulla 5:5

Vano mmodda a attekweene aallota ni miyaano wi, “Ohinlle. Ngoona, edduullu ya Davide, mukango woovenyera o mulloko wa Yuda, oopambana nave aneerowora omarulla ddoomarella dditthanu ni piilli navettho okhunuulla nibukhunno.”

Aroma 8:29

Athu ayo Mulluku aatthoonlleeye khalle, aaweera wi ekhalle wonanko Mwanaye wi Mwaanooyo akhalle awaamba mu nibanja nuullupalli.

2 Samuele 8:15

Vano Davide aalamulella ellapo ettheene ya Israele nave aaneetiha ddittheddene mweechilungamo ni moohiweha ekhove.

1 Samuele 16:12

Vano yaamuruma muthu amukusa, awaana. Aari oofiira ni mooneyellwaaye yaari ooreera mookusa murima. Apwiya yaallota wi, “Timulla wamuzoze.”

1 Samuele 16:10

Yese ahaarumiha anaaye aallopwana atthanu ni eelli mmodda mmodda wa Samuele. Koma Samuele aallota wi, “Apwiya kheyaatthoonlle yaalla.”

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

Oweeruza 1:2

Apwiya yaawaakhulla wi, “Nlloko na Yuda sika ninaawaambe oyaawo. Kohaavaha ellapweeyo wi eyilamulelle.”

Yoswa 14:6

Athu a nlloko na Yuda yaawa wa Yoswa o Giligala. Kalebe mmodda a alliwaayo, mwaana a Yefune a o Kenizi aamulleella Yoswa wi, “Munnadduwella nnddo Apwiya yamulleelliiwa Mose muthu a Mulluku dda miyaano mu Kadeshi Baranea.

Numeri 7:12

Nashoni mwaana a Aminadabu, a nlloko na Yuda aavelleella ddoovelleella ddaye nllapo nawaamba.

Numeri 2:3

“Enaakhalle wookhuma nndduwa ekhalle ayo eri ni embendela ya misasa dda nlloko na Yuda, milloko milloko. Oohoollella nlloko na Yudanno tti Nashoni, mwaana a Aminadabu,

Genesis 49:26

Madaliso a attiittho tti amasiva okhwaranya madaliso a miyaango ddoohimalla, okhwaranyattho ddaphaama dda o miyaango dding'onong'ono ddoohimalla. Ddenndda ddinaakhalle vamuruni va Yosefe, vamuruni va oohoollella oyo amutthoollilleeye khalleve variyari va asinne.”

Genesis 35:23

Anamwani aallopwana a Leya yaari Rubeni mwaana awaamba a Yakobo, Simeoni, Levi, Yuda, Isakara ni Zebuloni.

Genesis 25:31

Koma Yakobo ahaakhulla wi, “Waambeelle okikullihella ottekweenaawo, kihinuuvahe yoocheella.”

Genesis 48:5

“Sika vano anaawo eelli waayarilleewe o Iguputo wuno, miyaano kihinawe, yaayottho tti anaaka. Efuremu ni Manase enaakhalle anaaka, wonanko ekhallelle Rubeni ni Simeoni.

1 Epilli 28:4

Koma Apwiya Mulluku a Israele aakitthoolla variyari va attheene a mu nibanja mwahu wi kikhalle mwene a Israele wa enthawi yoohimalla vawi yaamutthoolla Yuda wi akhalle oohoollella a malloko mattheene nave ovenyera o nlloko na Yuda yaatthoollawo nibanja na attiitthaaka. Nave variyari va anamwani a attiitthaakaayo ddaamuhakallalliha Mulluku okitthoolla wi kikhalle mwene a Israele muttheene.

Deuteronomo 21:17

Mwanaye awaamba amukawelle ezigawo piilli vawi olliye tti mwaana awaamba, awiimellella masiva a ellopwana ya attiitthinnya vawi tti lamulo na mwaana awaamba.

Deuteronomo 33:17

Yosefe ookhalla ni masiva wonanko nankhoro a eng'ombe, manyakaaye tti wonanko a enari, manyaka awiikarihella mitundu ddimodda, oddiikarihella woomallihella wa ellapo. Manyakaaye tti akhoto ooheerengeya a Efuremu, navettho akhoto anchichi a Manase.”