1 Epilli 28:9 - Mawu a Mulluku

⁹ Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

1 Epilli 28:9 ပူးပေါင်းရင်းမြစ်များ

Yeremiya 29:13

Muneerokaashaasha nave muneerokiphwanya. Ddawoona, mwakaashaasha ni murima muttheene,

Yeremiya 24:7

Kineerewaavaha murima wookidduwella wi mi tti Apwiya. Alliwa enaakhalle athwaaka, mi kinaakhalle Mullukwiiwa vawi eneerohokollweella wa mi ni murimiiwa muttheene.

1 Mamwene 8:61

Sika mirima ddanyu ddikhalle ddawiivelleella wa Apwiya Mullukwaahu nave mwiiwellelleke mawiiwa ni othwara malamulwiiwa monga muneerelleenyu ollellova.”

2 Epilli 15:2

nave aakumana ni Asa allota wi, “We Asa, kaapelle maaru, nyu Ayuda ni Abenjamini attheene, Apwiya eri ni nyuwaano enthawi ddittheddene mwaawaaroromellaka. Mwaawaashaashaka muneerewaaphwanya koma mwaahiya eneerewuuhiyani.”

Masalimo 9:10

Apwiya, ayo enuudduwellani ennuuroromellani, khamunamuhiya muthu oyo anawaashaashani.

1 Samuele 16:7

Koma Apwiya yaamulleella Samuele wi ohinawehaka oreera apaalle orekama waye vawi yooyo koomukhoota. Apwiya khenoona wonanko athu enoonelliiwa. Athu enaweha dda otte koma Apwiya enaweha dda m'murimani.

Yohane 4:24

Mulluku tti Munepa nave ayo enamullapella enaphwanella emullapelleke m'masivani a Munepa Waweella ni mwawoona.”

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Masalimo 139:2

Munnadduwella kaakeraatthiki, kaavenyaka, munnadduwella maganizwaaka muri wuuteete.

Yeremiya 9:24

Koma oyo aapaalla wiitukhulla, iitukhulleke wi annakidduwella ni okiiwesesa mi, annadduwella wi mi tti Apwiya eechikondi yoohisintheya, eechilungamo ni echiweruzo va ellapo yavatthi. Va ddenndda sika viri murimaaka.”

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Hoseya 4:1

Nyu Aisraele, iwani mawu a Apwiya vawi aakhalla ni mullatu ni ookhalla mwiillaponi. Mullatweene tti wawi mwiillaponi khamuri ororomelleya apaalle oreera murima nave khenamudduwella Mulluku.

Yeremiya 31:34

Va enthawi yeeyo khavikhallattho muthu oomuhuddiha mukhwaaye apaalle mbalaaye wi aadduwelle Apwiya. Vawi attheenaayo, anamwani ni attekweeneene, eneerokidduwella. Kineerokhululukella machimwiiwa nave ngiwa kuupuwellattho. Mi Apwiya koollota.”

Yesaya 45:19

Ngaallotille mwawiipitthiha vanipuroni noovittheya mu ellapo yeepiphi. Ngaaddilleelle edduullu dda Yakobo wi ddikaashaasheke o ellapo yoohikhalliwa. Mi Apwiya kinallota ddawoona, kinallalleya ddoolungama.”

2 Mamwene 20:3

“Nyu Apwiya, upuwellani wi kaanuurumeyellani moororomelleya ni mwawiivelleella nave kaaneera ddawuuddivellani.” Eerille ddiiddo ahaamba winlla moovoreyiwa murima.

Yeremiya 22:16

Yaanaateteza athu avatthi ni oohoowa, ddittheddene ddaanaweetella phaama. Ethiyo ddenndda khaddoonihalle wi yaanakidduwella? Mi Apwiya koollota.

Eksodo 15:2

Apwiya sika masivaaka ni ekophollo ddaka, alliwa tti oovullusaaka. Alliwa tti Mullukwaaka nave kineerewaatitimiha, tti Mulluku a attiitthaaka nave kineerewaatthamalla wunchichi.

1 Epilli 29:9

Vano athu yaahakallalla kaambiiwa yaavelleella wa Apwiya mwa opaalla wiwa ni murimiiwa muttheene. Nave mwene Davide aahakallallattho wunchichi.

1 Mamwene 8:39

mwiiwe mavekellwiiwa oddullu munakhalleenyuwo, mwaakhululukelle ni waakavihera. Mumweerelleke arive muthu moollikana ni makhallellwaaye vawi nyuwaano munnadduwella murima wa arive muthu.

Mitteko 17:30

Mulluku khalle ahaahiya athu oohaallaka vawi kheyaamudduwella koma vano annaalamulella athu attheene orive weko wi erukunuwe murima.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Masalimo 101:2

Kineerothwara mweezeru ettilla yaphaama. Vano munaakiweelle niini? Kineereweeta mu enyumbaaka ni murima waphaama,

Masalimo 7:9

Pepaani, mallihani ddoonanara dda oochimwa, koma aphaama mwaakeraattheyihe. Munnadduwella maganizo ni mirima ddene, nyu tti Mulluku oolungama.

Deuteronomo 31:21

Sika ddoohoosa ddawoopiha ddaamorella, nchipo nenna ninaakhalle wonanko omboni wowaavaanyiha ekaamba yawi edduullu ddiwa ddineerekewiipave. Vawi kinnadduwella nnddo enaganiziiwa naari kihinaavollochihe mu ellapo eyo kallupenlleemi wi kineerewaavaha.”

Aheberi 12:28

Vawi nohaakhella omwene woohitikheya nimuthokozeke Mulluku nave nimullapelleke moophwanellella, moolemu ni mwawoova.

2 Mamwene 22:2

Olliye aheera ddoolungama vamiitthoni va Apwiya, aanathwara echisanzo ya Davide nikhollo naye mu ddittheddene, oohirukunuwella onnattanatta apaalle wuunyotthoni.

Mitteko 1:24

Yaavekella wi, “Apwiya, nyuwaano sika munadduwella mirima dda athu attheene. Vano munoonihe oyo mumutthoonlleenyu va eellaalla

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Yohane 2:25

Khavaapaalleyattho wi mmodda amulleelle dda yaayo kaambiiwa olliye yeekhaaye aadduwella mirima ddiwa.

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.

Deuteronomo 4:35

Apwiya yaawoonihani ddenndda wi nyuwaano mudduwelle wi Apwiyave sika Mulluku nave wi khaavottho mmodda.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

Ezekiele 38:10

“Mi Apwiya Mulluku kinallota wi, ‘Va nllapo nenno m'murimani mwawo muneeroowa maganizo oopaalla okhozekella weera ddoonanara.’

Yeremiya 11:20

Sika kaavekella wi, “Nyu Apwiya Amasiva Mattheene ayo muneeruza moolungama, ayo muneesa murima ni maganizo, onesesani wi mohaahokollosella ddoonanara vawi kahiivelleella m'mattani mwanyu!”

Miyambo 17:3

Siliva aneekiwa mwiipalleni nave golide ni munllo koma murima wa muthu oneesiwa ni Apwiya.

Ezara 8:22

Vawi kaawulliwa muru wi kaaveke amwene wi enivahe mulloko wa akhoto ni athu oowella va akavalo wi eniteteze wa adanaahu va olendwaahu vawi naamulleella mwene wi, “Nnatta naphaama na Mullukwaahu ninnaadalisa attheene enamwaasha olliye nave masiva a ollutuwa waye onnaamorella ayo enamuhiya.”

Eksodo 3:16

Khawe waatthukumanihe oohoollella attheene a Aisraele, waalleelle wi, ‘Apwiya Mulluku a makhollwaanyu, Mulluku a Abrahamu, Isaki ni Yakobo, aakooneyella nave aakilamula wi kuulleelleni wi oowa wa nyuwaano nave ohoona ddittheddene enaweerellani Aiguputo.

Yeremiya 20:12

Nyu Apwiya Amasiva Mattheene, munnaweeruza athu moolungama. Kinnavelleella mullatwaaka wa nyuwaano wi mwaahokolloselle ddoonanara adanaaka.

Masalimo 18:2

“Apwiya sika nlluku naka, mpandaaka ni oovullusaaka. Alliwa tti Mullukwaaka, nlluku naka kinathawelleemiwo. Sika echishangwaaka, masiva ookivullusa ni yookiipitthihaaka.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

1 Petro 5:2

muwehereke phaama mpingo wa Mulluku wonanko mbusa anachihelleeye mulloko wa enkhosa. Woohikhalla moowatiheriwa koma moopaalla. Pharani muttekwaanyu ohiri ekaamba yookonda makobiri koma ekaamba ya murima woopaalla ophara mutteko.

Mitteko 17:23

Vawi keetilleemi m'muzindani mwanyummu, koona mapurwaanyu oollapellella, kaaphwanya nikuwa noolembiwa wi, ‘Wa mulluku oohidduwanyeya.’ Vano oyo munamullapelleenyu naari muhimudduwellaka, tti oyo kinamullalleyeemi wa nyuwaano.

Yohane 8:55

Nave nyuwaano khamunadduwella koma miyaano kinnamudduwella. Nave kallota wi nginamudduwella kinaakhalle awoottha wonanko nyuwaano. Koma miyaano kinnamudduwella nave kinnasunga mawaaye m'murimani mwaka.

Yohane 1:47

Yesu amoonilleeye Natanaele awaaka wa olliye, aallota dda olliyooyo wi, “Olla sika mu Israele awoona, mwa olliyooyo khamuri woottha.”

Masalimo 89:26

Olliye aneerokilleella wi, ‘Nyuwaano tti attiitthaaka, Mullukwaaka.’ Nyuwaano tti nlluku naka, oovullusaaka.

1 Mamwene 3:6

Nave Solomoni ahaakhulla wi, “Mwaahooniha echikondi yuullupalli ni yoohisintheya wa attiitthaaka Davide, oorumeyellaanyu kaambiiwa yaari oororomelleya, eechilungamo ni aphaama vamiitthoni vanyu. Nave mwaavirellella owooniha echikondi yuullupalli ni yoohisintheya vawaavahani mwaana oyo vano akeraatthille va mpandwiiwa woomwene.

Yesaya 1:28

Koma oowukila ni oochimwa enaawoonongelle nimodda. Athu owaahiya Apwiya eneerotthollosiwa.

Genesis 28:13

Nave Apwiya yahiimella vakhwipi ni olliye emulleella wi, “Mi tti Apwiya Mulluku a nikhollo nawo Abrahamu ni attiittho Isaki. Ellapo onakoneewemweella kineerewuuvaha weyaano ni edduullu ddawo.

2 Akorinto 8:12

Mwakhalla ni ntthitti noovelleella, Mulluku aneerewaakhella emphaso ddanyu moollikana ni nnddo muriinyuna ohiri moollikana ni nnddo muhiinnaanyu.

1 Akorinto 15:34

Muhokollweelle o makhallellwaanyu aphaama nave muhiye ettilla ddanyu ddoochimwa. Kinallota wi kuuwulliheni muru kaambiiwa amodda a nyuwaano khamunamudduwella Mulluku.

Genesis 6:5

Apwiya vawoonani wi athu a va ellapo yavatthi aananara mwawoopiha navettho wi mirima ddiwa tti ddooddalla ni maganizo oonanara,

2 Akorinto 9:7

Vano munaphwanella muvelleelleke eyo muganizalleenyu m'murimani mwanyu, moohikhupanya apaalle moowatiheriwa vawi Mulluku anakonda oyo anavelleella moohakallalla.

1 Mamwene 8:43

nyu mwiiwe oddullu munakhalleenyuwo nave mweere nnddo mulletooyo uuvekilleeyeni. Mweere ddenndda wi athu attheene a va ellapo yavatthi edduwelle nnddina nanyu nave ewoovekeni monga eneerella Aisraele athwaanyu nave edduwelle wi enyumba ella kiyimankeemi enadduwanyeya ni nnddina nanyu.

2 Mamwene 21:22

Ahaakhoota Apwiya Mulluku a makhollwaaye nave khiiwellelle malamulwiiwa.

1 Epilli 22:19

Sika waashaashekeni Apwiya Mullukwaanyu ni murimaanyu muttheene. Vano venyani mwaambe omaka enyumba ya Apwiya Mulluku wi muhiyemo nibokosi na echipangano na Apwiya ni eziwiya ddittheddene ddaweella ddoopharihiwa mutteko vawaallapellani.”

1 Epilli 28:8

Vano vamiitthoni va Aisraele attheene, mutthukumano wa Apwiya, nave vamiitthoni va Apwiya kinuulleellani wi musungeke ni wiiwellella malamulo a Apwiya Mullukwaanyu wi mukhalle ni ellapo yaphaameella monga yoohallanaanyu ni edduullu ddanyu wa enthawi yoohimalla.

2 Epilli 6:30

mwiiwe mavekellwiiwa oddullu munakhalleenyuwo, mwaakhululukelle. Mumweerelleke arive muthu moollikana ni makhallellwaaye vawi nyuwaano munnadduwella murima wa arive muthu.

Masalimo 89:38

“Koma vano moomutatthilla ni omuruna oozoziwaanyu,* olliye moomushella murima.

Miyambo 3:6

Owaakhullelleke Apwiya mu erive ello nave eneerewookolla ettilla ddawo.

Yesaya 38:3

“Nyu Apwiya, upuwellani wi kaanuurumeyellani moororomelleya ni mwawiivelleella nave kaaneera ddawuuddivellani.” Eerille ddiiddo ahaamba winlla moovoreyiwa murima.

Deuteronomo 10:12

“Vano nyu Aisraele, ngiiwani nnddo Apwiya Mullukwaanyu enuulleelliiwani wi muwooveke ni weeta ettilla ddiwa ddittheddene, mwaakondeke nave mwaarumeyelleke ni murimaanyu muttheene ni okumaanyu muttheene.

1 Samuele 12:20

Samuele ahaalleella wi, “Muhoove, ochimwa moochimwa koma muhinahiya waathwara Apwiya. Mwaarumeyelleke ni murimaanyu muttheene.

2 Epilli 12:5

Vano namallotella Shemaya aawa wa Rehobowamu ni wa oohoollella a o Yuda ayo yatthukumanille o Yerusalemu ekaamba ya Shishaki nave ahaalleella wi, “Apwiya enallota wi, ‘Nyu khemunakipwatha miyaano, vano nameenettho nguupwathani nave kinuuvelleellani m'mattani mwa Shishaki.’ ”

Masalimo 7:10

Mulluku sika echishangwaaka, annaavullusa athu oolungama.

Masalimo 17:3

Naari mweese murimaaka, khaya okiwehesesa mahiiyu, naari mukitthurumelle mwawiidde, khamukiphwanya ni mullatu, vayanoni vaka khavinallota yoonanara.

Miyambo 4:4

attiitthaakaayo yaakihuddiha mawu awi, “Osunge m'murimani mwawo malangizwaaka nave ovitthe malamulwaaka wi okhalle ni okumi.

Yeremiya 29:14

muneerokiphwanya. Kineerewuuhokollosellani ddaphaama ddanyu ni wuutthukumanihani ovenyera o mitundu ddimodda dda athu ddittheddene ni orive nipuro nko kawiikarelleniimiwo. Kineerewuuhokollosellani o nipuro nko mwakhalleenyu kihinawiikarelleni wuukaporoni. Mi Apwiya koollota.’

Ezekiele 11:5

Vano Munepoolle aakiphara akilleella wi, “Ollote wi Apwiya enaallota wi, ‘Nyu a munibanjani na Israele, kinnadduwella nnddo ddiri m'murimani mwanyu.