1 Epilli 28:7 - Mawu a Mulluku

⁷ ‘Kineerokeraatthiha omwenaaye wa enthawi yoohimalla avirellella wiiwellella malamulwaaka ni malangizwaaka monga aneerelleeyeemmu.’ ”

1 Epilli 28:7 ပူးပေါင်းရင်းမြစ်များ

1 Epilli 22:13

Vano wiiwellella malamulo ni malangizo mattheene Apwiya yamulamulalliiwa Mose wi aalleelle Aisraele oneeropambana. Llipa murima, ohoove navettho ohikhupanyeke.

1 Mamwene 8:61

Sika mirima ddanyu ddikhalle ddawiivelleella wa Apwiya Mullukwaahu nave mwiiwellelleke mawiiwa ni othwara malamulwiiwa monga muneerelleenyu ollellova.”

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Masalimo 132:12

Edduullu ddawo ddasunga echipanganwaaka ni malamulwaaka ayo kinaddihuddiheemi, edduullu ddiwattho ddineerokhalla va mpandwaawo woomwene wa enthawi yoohimalla.”

1 Epilli 28:10

Odduwelle wi Apwiya ahuutthoolla wi waamakelle enyumba yaweella mmo enaakhallekeewamo. Vano ollipe murima nave ophare mutteko.

1 Mamwene 11:4

Vano Solomoni uulluvanlleeye awariyaayo yaamurukunusa murima wi allapelleke milluku ddimodda. Olliye khaari oororomelleya wa Apwiya mullukwaaye wonanko Davide attiitthinnya.

1 Epilli 28:8

Vano vamiitthoni va Aisraele attheene, mutthukumano wa Apwiya, nave vamiitthoni va Apwiya kinuulleellani wi musungeke ni wiiwellella malamulo a Apwiya Mullukwaanyu wi mukhalle ni ellapo yaphaameella monga yoohallanaanyu ni edduullu ddanyu wa enthawi yoohimalla.

1 Mamwene 3:14

Nave waathwaraka ettilla ddaka vawiiwellellani malangizwaaka ni malamulwaaka monga attiitthaawo Davide, kineerewuuvaha okumi woorekama.”