1 Epilli 28:5 - Mawu a Mulluku

⁵ Sika Apwiya aakivaha anamwani anchichi nave mwa attheenaayo aamutthoolla Solomoni wi akhalle va mpando woomwene wa Apwiya wi alamulelle Israele.

1 Epilli 28:5 ပူးပေါင်းရင်းမြစ်များ

1 Epilli 23:1

Davide uulluvanlle aamukeraatthiha mwanaye Solomoni okhalla mwene a Israele.

1 Epilli 29:23

Sika Solomoni aakeraatthi va mpando wa Apwiya monga mwene munipuroni mwa Davide attiitthinnya. Ddaanamweetella phaama nave Aisraele attheene yaanamwiiwellella.

1 Epilli 29:1

Mwene Davide aallota wa mutthukumano muttheene wi, “Mwanaka Solomoni oyo Mulluku amutthoonlleeye tti mung'onong'ono nave khanadduwella ddinchichi. Vano muttekoolla tti muullupalli vawi enyumbeella khekhalla ya muthu koma ya Apwiya Mulluku.

1 Epilli 17:14

Koma kineeromukeraatthiha mu enyumbaaka ni mu omwenaaka nave omwenaaye onaakhalle wa enthawi yoohimalla.’ ”

1 Mamwene 2:15

Vano Adoniya aallota wi, “Munnadduwella wi omwene yoolla waari waaka nave arive muthu mu Israele aakaakhullella wi kilamulelle. Koma ddeko ddoosintha vawi Apwiya aamuvaha omwenoolla mwanamunnaka moollikana ni opaalla wiwa.

1 Mamwene 8:20

Solomoni aallota wi, “Vano Apwiya aakwakhwaniha nnddo yalonjezilliiwa vawi koovollowa omwene wa attiitthaaka Davide nave kiri mwene a Aisraele. Nave koomaka enyumba yoollapellellamo nnddina na Apwiya Mulluku a Aisraele.

2 Epilli 9:8

Oodalisiwa tti Apwiya Mulluku ayo ehakallanlle ekaamba ya nyuwaano ni wuukeraatthihani va mpando woomwene vamiitthoni viwa. Ennamukonda Israele nave annapaalla omukeraatthiha wa enthawi yoohimalla sika aaweerani wi mukhalle mwene wi mwalamulelle mwa echiweruzo ni mwa echilungamo.”

Deuteronomo 17:15

Vano mwenooyo anaphwanella akhalle muthu ootthoolliwa ni Apwiya Mullukwaanyu nave akhalle muthu a mutundwaanyu. Nave muhimutthoolle mulleto wi akhalle mwenaanyu vawi olliye khe mbalaanyu.

1 Mamwene 1:13

Khawe veneva wa mwene Davide wamukohe wi, ‘Nyu apwiyaaka ni mwenaaka, ethiyo khamwaakilonjezille moollupella mi oorumeyellaanyu wi mwanaka Solomoni sika anaavollowe omwene munipuroni mwanyu ni okhalla va mpandwaanyu? Vano kaambiiwa tini Adoniya avollowilleeye omwene?’

1 Mamwene 1:20

Vano nyu apwiyaaka ni mwenaaka, Aisraele attheene ennuuwehani wi mwaalleelle oyo anaavollowe omwene munipuroni mwanyu.

1 Mamwene 1:35

Vano mumuthwareke voohokolleellani wuno wi akeraatthi va mpandwaaka woomwene vawi olliye sika anaakhalle mwene munipuroni mwaka. Nave koomutthoolla wi akhalle oolamulella Israele ni Yuda.”

1 Epilli 29:28

Vano aakhwa uulluvanlle phaama. Aakhalla ni mallapo manchichi, eyuuma ni olemu nave Solomoni mwanaye aavollowa omwene munipuroni mwaye.