1 Epilli 28:20 - Mawu a Mulluku

²⁰ Vano Davide aallota wa Solomoni mwanaye wi, “Llipa murima nave phara muttekooyo. Ohoove nave ohitathille murima vawi Apwiya Mulluku oyo tti Mullukwaaka ari ni weyaano. Kheyuukukureyiha navettho kheyuuhiya weekha ophiyera mutteko muttheene woomaka enyumbiiwa omanlle.”

1 Epilli 28:20 ပူးပေါင်းရင်းမြစ်များ

1 Epilli 22:13

Vano wiiwellella malamulo ni malangizo mattheene Apwiya yamulamulalliiwa Mose wi aalleelle Aisraele oneeropambana. Llipa murima, ohoove navettho ohikhupanyeke.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Aheberi 13:5

Murimaanyu ohinakondaka makobiri, mukwanihiweke ni nnddo muriinyuna. Vawi Mulluku aallota wi, “Nguuhiyani apaalle wuuthawani.”

1 Akorinto 16:13

Chenjerani, khallani oohitikheya mu echikhulupililo, khallani oohoova nave khallani amasiva.

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

Yesaya 41:13

Mi Apwiya Mullukwaawo kinnuuphara nnatta, kinuulleella wi, ‘Ohoopopiheye, kineerewuukavihera.’ ”

1 Epilli 28:10

Odduwelle wi Apwiya ahuutthoolla wi waamakelle enyumba yaweella mmo enaakhallekeewamo. Vano ollipe murima nave ophare mutteko.

Deuteronomo 4:31

Vallethi Apwiya Mullukwaanyu tti Mulluku eechifundo sika wi kheyuutathillani apaalle owoonongani apaallettho otiwalla echipangano ya makhollwaanyu eyo allupenlleeye ni alliwa.

2 Epilli 19:11

Nave ngoonani, Amariya mullupa mukutho muullupalli sika anuuhoollellekeni mu ddaweereya ddittheddene dda Apwiya. Nave Zebadiya mwaana a Ishmaele enduna ya Yuda sika anaawehereke ddittheddene dda mwene. Nave Alevi eneerewuurumeyellani monga akapitawo. Mweereke ddenndda moollipa murima nave Apwiya eneerokhalla ni oolungama.”

Hagai 2:4

Komave mi Apwiya Amasiva Mattheene kinallota wi, we Zerubabele ohinatathilla murima, weyaano Yoswa mwaana a Yehozadaki, muullupalli a mullupa mukutho ohitathille murima, nyu attheene muhitathille murima. Virellellani ni mutteko vawi kiri ni nyuwaano.

Deuteronomo 31:6

Khallani amasiva ni oollipa murima. Muhiwoove athu yaalla apaalle otathilla murima kaambiiwa Apwiya Mullukwaanyu eneerewuuhoollellani nave kheyuuhiyani nyookha apaalle wuutathillani.”

1 Mamwene 6:38

Nave muyakha waneekhumi ni mmodda wa mweeri wa Buli, mweeri waneetthanu ni raru, enyumba ettheene yaamaalla omakiwa moollikana ni mmo yapaallelliiwa. Enyumbeella yamakiwe miyakha mitthanu ni miilli.

Ezara 10:4

Venyani vawi yoolla sika odindwaanyu nave niri ni nyuwaano. Llipani murima nave pharani mutteko.”

Hagai 1:13

Vaavo Hagai, amithenga a Apwiya ahaalleella mawu a Apwiya awi, “Mi Apwiya kinuulleellani wi kiri ni nyuwaano.”