1 Epilli 28:2 - Mawu a Mulluku

² Vano mwene Davide ahiimella allota wi, “Nyu asinnaka ni athwaaka, kaapelleni maaru. Kaakhalla ni maganizo m'murimani mwaka awi kimake enyumba yoohiyamo nibokosi na echipangano na Apwiya nno ninaakhalle wonanko nipuro noonyingallavo Apwiya Mullukwaahu. Nave kaakhozekella khalle ddoomaka enyumbeeyo.”

1 Epilli 28:2 ပူးပေါင်းရင်းမြစ်များ

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

Masalimo 99:5

Atitimiheni Apwiya Mullukwaahu, kokhorellani voonyingalla manyallwiiwa, alliwa tti aweella!

Maliro 2:1

Apwiya aasha murima wunchichi, ngoonani amukhuneellelleeye mwaana aamutthiyana, Ziyoni ni epiphi. Aawutathillella vatthi oriiheya wa Ziyoni ovenyera oddullu. Va nllapo na osha murima wiwa kheyaawupuwenlle wi Israele aari wonanko voonyingallavo manyallwiiwa.

Mitteko 7:49

Apwiya enallota wi, ‘Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

Masalimo 132:14

Yaallota wi, “Nenna sika nipuro naka nawiithuuwellamo wa enthawi yoohimalla, kinaakhalle weewuno kaambiiwa koopaallesesawo.

Masalimo 22:22

Kineerewaatthopoollella abalaaka dda nyuwaano, kineerewuutitimihani vamutthukumanoni wa athwaanyu.

1 Epilli 22:14

Ngoona, oyeella mu masivaaka kookhozekella dda enyumba ya Apwiya mataani 3,400 a golide, 34,000 a siliva navettho mukuwa ni mukoko ddoohilingeya vawi ddohaatesa. Kootthukumanihattho matabwa ni malluku nave va ddenndda waanjererevottho.

1 Epilli 6:31

Alla sika athu ayo Davide aatthoollilleeye wi ehoollelleke machipo mu enyumba ya Apwiya nibokosi na echipangano nihiyiwemo.

1 Mamwene 1:47

Navettho oomurumeyella mwene yaamuriiha pwiihu mwene Davide voollotani wi, ‘Mullukwaanyu avuwihe nnddina na Solomoni okhwaranya naanyu nave mpandwaaye woomwene wunnuwe okhwaranya waanyu.’ Nave mwene aakokhora vabedini vaye avekella wi,

Deuteronomo 17:20

Ddenndda ddineeromukavihera odduwella wi olliye khanaphwanella wiitukhulla variyari va Aisraele navettho iiwellelleke malamulo, oohirukunuwella onnattanatta apaalle wuunyotthoni. Sika wi olliye vamodda ni edduullu ddaye ddene aneerolamulella enthawi yoorekama.

Deuteronomo 17:15

Vano mwenooyo anaphwanella akhalle muthu ootthoolliwa ni Apwiya Mullukwaanyu nave akhalle muthu a mutundwaanyu. Nave muhimutthoolle mulleto wi akhalle mwenaanyu vawi olliye khe mbalaanyu.

Genesis 48:2

Yakobooyo alleelliwe wi, “Mwaninyu Yosefe oowa wi awooneni,” ahiillipiha nave aavenya, akeraatthi vabedini.

1 Mamwene 5:3

“Munnadduwella wi attiitthaaka Davide kheyaawonre omaka enyumba yowaallapellellamo Apwiya Mullukwiiwa ekaamba ya ekhoto dda adaniiwa nnddo ddawaaphenlle. Koma voomallihellani Apwiya yahaagonjihella adaniiwa.

1 Epilli 17:4

“Khawe wamulleelle oorumeyellaaka Davide wi mi Apwiya kinallota wi, ‘Ohikimakelle enyumba wi kikhallekemo.

2 Epilli 6:7

Nave Solomoni aavirellella wi, “Attiitthaaka Davide yaaganiza ddoomaka enyumba ya Apwiya mowaallapellellamo Apwiya Mulluku a Aisraele.

Yesaya 60:13

Oriiheya wa otthako wa Lebanoni oneerewuuweella, wa mitundu miraru dda paini, eneerowaana wi ereerihelle enyumbaaka wi vaatte vaka viriiheye.

1 Epilli 22:6

Vano aamwiithana mwanaye Solomoni amulamula wi amake enyumba ya Apwiya Mulluku a Israele.

1 Epilli 22:7

Davide aallota wa Solomoni wi, “Mwanaka, mi kaganiza m'murimani mwaka wi kaamakelle enyumba Apwiya Mullukwaaka.

Masalimo 110:1

Apwiya yahaalleella apwiyaaka wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Masalimo 132:2

Aallupella wa Apwiya, aalonjeza wa Amasiva Mattheene a Yakobo wi,

Ezekiele 43:7

Aakilleella wi, “We mwaana a muthu, nipuro nenna tti na mpandwaaka woomwene mvo kinanyingallihaamivo manyallwaaka. Wuno sika kinaakhalleemi ni athwaaka Aisraele wa enthawi yoohimalla. Alliwa naari mamweniiwa khewa eripihattho nnddina naka naweella vooraruwani apaalle voovitthani mitembo dda mamweniiwa o mapuro oollapellawo.

Mateyu 25:16

Mullupa mutteko aakhenlle makobiri matthanoolle aaya eetellana malonda, aapindulavo makobiri matthanu mamodda.