1 Epilli 25:6 - Mawu a Mulluku

⁶ Alliwa yiipesa ni misangwa, magitala ni azeze voorumeyellani o enyumba ya Mulluku moohoollelliwa ni attiitthiiwa. Asafu, Yedutuni ni Hemani yalamulelliwa ni mwene.

1 Epilli 25:6 ပူးပေါင်းရင်းမြစ်များ

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Aefeso 5:19

Mwatthukumana vamodda mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Masalimo 68:25

Oowiipa machipo eri vahoollo, oowiipa ni ezipangizo eri mutulli, anamwalli awiipa asikoma eri variyari.

1 Epilli 23:5

4,000 enaakhalle alonda avamullakoni nave 4,000 enaakhalle owaallapella Apwiya voopharihani mutteko ezida ddawiipella nnddo kiddipangilleemi.”

1 Epilli 15:22

Kenaniya, oohoollella a Alevi vawiipani machipo sika aahoollella wiipanko vawi aari eeruso.

1 Epilli 15:19

Athu awiipa, Hemani, Asafu ni Etani sika yiipa misangwa ddamukuwa.

1 Epilli 15:16

Vatulli viwa Davide ahaalamulattho oohoollella a Alevi wi yaatthoolle amodda mwa abaliiwa wi yiipeke ni murimiiwa muttheene voopharihani mutteko azeze, magitala ni mapallapata wi mawu eehakallallo yiiweyeke phaama.

2 Samuele 6:5

Vano Davide ni Aisraele attheene yaari ehakallallaka ni murimiiwa muttheene vamiitthoni va Apwiya, enawiipella machipo ni azeze, magitala, ekoma, misangwa ni eziwaya dda malipenga.

2 Epilli 29:25

Vano ahaahiya Alevi o enyumba ya Apwiya ni ezida ddawiipella machipo moollikana ni lamulo na Davide ni namallotella Gadi, oollohella a mwene, ni namallotella Natani. Vawi lamulo nenno tti na Apwiya oyeella mwa anamallotelliiwa.

1 Mamwene 10:12

Nave mwenooyo aapangella miteekho ddampawannddo apoto a enyumba ya Apwiya ni enyumba ya mwenooyo. Miteekhonnddo aapangellattho gitala. Ddawi ddiidda kheddiniiweyeke apaalle wooneya ovenyera khalle.

2 Epilli 20:28

Yaaphiya o Yerusalemu yiipaka magitala, azeze ni mapallapata eyaaka enyumba ya Apwiya.

2 Epilli 23:13

Awehille, aamoona mwene iimenlle vanttatthani naye moothwara mutetho wa omwene, oohoollella ni athu awiipa mapallapata emwaaphenlle. Athu attheene a mu echigawommo yaanahakallalla yiipaka machipo ni ezida ddiwa. Sika Ataliya ahaahulla ddoowara ddaye nave mookhuwa ni moosha murima aallota wi, “Owukila! Owukila!”

2 Epilli 29:13

A mu nibanja na Elizafani yaari Shimiri ni Yeuwele. A mu nibanja na Asafu yaari Zekariya ni Mataniya.

Nehemiya 11:17

Vaakhallattho Mataniyo mwaana a Mika, mwaana a Zabidi, mwaana a Asafu oyo aari oohoollella wiipa machipo oothokoza mu enyumba ya Mulluku navettho Bakibukiya oyo aari oohoollella aneepiilli variyari va abalaaye. Vaakhallattho Abida mwaana a Shamuwa, mwaana a Galali, mwaana Yedutuni.

Nehemiya 12:24

Oohoollella a Alevi, Hashabiya, Sherebiya ni Yeshuwa mwaana a Kadimiyele ni abaliiwa yaakaviherana vawiipani machipo oollapella ni oothokoza moollikana ni mmo Davide muthu a Mulluku alamulalleeye wi mulloko wiipeke moowaakakhana.

Nehemiya 12:46

Vawi khalle mu enthawi ya Davide ni Asafu waakhalla oohoollella a awiipa machipo oomutitimiha ni oomuthokoza Mulluku.