1 Epilli 25:2 - Mawu a Mulluku

² Anamwani asese a Asafu yaari Zakuri, Yosefe, Netaniya ni Asharela. Aahoollella tti Asafu oyo allotella moolamuliwa ni mwene.

1 Epilli 25:2 ပူးပေါင်းရင်းမြစ်များ

1 Epilli 25:6

Alliwa yiipesa ni misangwa, magitala ni azeze voorumeyellani o enyumba ya Mulluku moohoollelliwa ni attiitthiiwa. Asafu, Yedutuni ni Hemani yalamulelliwa ni mwene.

1 Epilli 25:1

Vano Davide ni oohoollella oorumeyella yahaapatulattho athu amodda oorumeyella mwa anamwani amodda a Asafu, a Hemani ni a Yedutuni ayo yallotella vawiipani machipo voopharihani mutteko ezida dduullupalli ni dding'onong'ono. Nna sika ntthopoollo na manddina a ayo yapharille mutteko ni mitteko ddiwa.

1 Epilli 16:5

Asafu sika aari oohoollella nave oomukavihera yaari Zekariya, Yeiyele, Shemiramoti, Yehiyele, Matitiya, Eliyabu, Benaya, Obedi Edomu ni Yeiyele. Yaalla sika yatthoolliwe wi ekhalle awiipa asikoma ni azeze. Asafu sika aari awiipa misangwa,

Yesaya 3:6

Enthawi yeeyo muthu aneerekompharella mmbale a mpa mwa attiitthinnya ni omulleella wi, “We wookhalla ni mukanjo sika okhalle oohoollellaahu nave ntepenna nikhalle m'mattani mwawo.”

Masalimo 83:1

Nyu Mulluku, muhimaalleye, muheere phee, muheere ellapo tuu nyu Mulluku.

Masalimo 82:1

Mulluku annahoollella mutthukumano wooddullu, annakamulla millatu dda milluku.

Masalimo 81:1

Ipani moothapella wa Mulluku amasivaahu, khuwani moohakallalla wa Mulluku a Yakobo.

Masalimo 80:1

Nyu mbusa a Israele, ngiiwani nyu oyo munaahoollella athu a Yosefe wonanko mulloko wa enkhosa, nyu oyo munakhalla va akerubi* wonanko mpandwaanyu woomwene,

Masalimo 79:1

Nyu Mulluku, athu a mitundu ddimodda aavollweella mu yoohallanaanyu, aaripiha enyumbaanyu yaweella aamutthattusa Yerusalemu ntepe.

Masalimo 78:1

Nyu athwaaka iwesesani nnddo kinuuhuddiheemini, apellani maaru wi mwiiwe mawu avayanoni vaka.

Masalimo 77:1

Kinninllella moollipiha wa Mulluku, kinnakhuwella wa Mulluku wi akiiwe.

Masalimo 76:1

Mulluku tti oodduwanyeya mu Yuda, nnddina naye tti nuullupalli mu Israele.

Masalimo 75:1

Nyu Mulluku, ninnuuthokozani, ddawoona, ninnuuthokozani vawi nnddina nanyu nohaatamella, ninnallalleya mitteko ddanyu ddoottikhiniha.

Masalimo 74:1

Nyu Mulluku, kaambiiwa tini munanikhooteenyu wa enthawi yoohimalla? Kaambiiwa tini onanariwa wanyu onoosiiwa enkhosa woochihella enama wanyu?

Masalimo 73:1

Ddawoona, Mulluku tti aphaama wa Israele, wa athu aweella murima.

1 Epilli 25:3

Manddina a anamwani a Yedutuni yaari Gedaliya, Zeri, Yesaya, Shimei, Hashabiya ni Matitiya. Yedutuni, attiitthiiwa sika aahoollella. Alliwa yaanallotella navettho wiipa voopharihani mutteko magitala vawaathokozani ni waallapella Apwiya.

1 Epilli 15:17

Sika Alevi yaamutthoolla Hamani, mwaana a Yowele nave mwa abalaaye yaamutthoolla Asafu, mwaana a Berekiya ni Etani, mwaana a Kushaya Mwa edduullu dda Merari.

1 Epilli 6:39

Asafu aari oohoollella mulloko waneepiilli wa awiipa machipo. Olliye aari mwaana a Berekiya, mwaana a Shimea,

1 Epilli 25:8

Nave yahoombesa wi ekawane phaama mitteko ddiwa, ang'onong'ono ni uullupalli, oodduwella phaama apaalle awaamba wene.

Ezara 3:10

Vano oomakattho enyumba yamakilliiwa matthipello a enyumba ya Apwiya, allupa mukutho yaaphiya yiipaka mapallapatiiwa ewarille ddoowara ddamukutho. Nave Alevi a mu nibanja na Asafu yaaphiya yiipaka misangwa mowaatitimiha Apwiya voothwarani malangizo a Davide mwene a Aisraele.