1 Epilli 25:1 - Mawu a Mulluku

¹ Vano Davide ni oohoollella oorumeyella yahaapatulattho athu amodda oorumeyella mwa anamwani amodda a Asafu, a Hemani ni a Yedutuni ayo yallotella vawiipani machipo voopharihani mutteko ezida dduullupalli ni dding'onong'ono. Nna sika ntthopoollo na manddina a ayo yapharille mutteko ni mitteko ddiwa.

1 Epilli 25:1 ပူးပေါင်းရင်းမြစ်များ

1 Epilli 6:33

Alla sika yarumeyella ni edduullu ddiwa. Va nibanja na Kohati vaakhalla Hemani muthu eeruso yawiipa, mwaana a Yowele mwaana a Samuele,

2 Mamwene 3:15

Koma vano mukiithanelle muthu oodduwella wiipa phaama zeze.” Awiipa zeze awiille, ahiipa nave masiva a Apwiya yaawa va Elisha.

1 Samuele 10:5

Mweeddiiddo muneerophiya o mwaango wa Mulluku o Gibea nko ori akhoto a Afilisti. Nave mwaawaatamellaka muzindooyo muneerokumana ni mulloko wa anamallotella ekitthaka ovenyera o nipuro noollapellamo yiipaka azeze, ekoma ni ezitoliro, ellotellaka.

1 Epilli 6:39

Asafu aari oohoollella mulloko waneepiilli wa awiipa machipo. Olliye aari mwaana a Berekiya, mwaana a Shimea,

Nehemiya 12:27

Vano voopatulani mpanda wa Yerusalemu yaawiithana Alevi ovenyera orive weko yakhalliiwa wi ewe o Yerusalemu voopatulani mpanda moohakallalla ni moothokoza vawiipani machipo moophariha mutteko ezida monga mapallapata, magitala ni azeze.

2 Epilli 34:12

Vano athwaayo yaaphara mutteko moororomelleya. Akapitawiiwa yaari Alevi, Yahati ni Obadiya edduullu dda Merari, Zekariya ni Meshulamu edduullu dda Kohati. Alevi attheene eeruso yawiipa ezida ddawiipella machipo

2 Epilli 23:13

Awehille, aamoona mwene iimenlle vanttatthani naye moothwara mutetho wa omwene, oohoollella ni athu awiipa mapallapata emwaaphenlle. Athu attheene a mu echigawommo yaanahakallalla yiipaka machipo ni ezida ddiwa. Sika Ataliya ahaahulla ddoowara ddaye nave mookhuwa ni moosha murima aallota wi, “Owukila! Owukila!”

1 Epilli 25:3

Manddina a anamwani a Yedutuni yaari Gedaliya, Zeri, Yesaya, Shimei, Hashabiya ni Matitiya. Yedutuni, attiitthiiwa sika aahoollella. Alliwa yaanallotella navettho wiipa voopharihani mutteko magitala vawaathokozani ni waallapella Apwiya.

Masalimo 81:2

Ambani nchipo, ipani ekoma vamodda ni gitala awinlla phaama ni zeze.

Nehemiya 12:24

Oohoollella a Alevi, Hashabiya, Sherebiya ni Yeshuwa mwaana a Kadimiyele ni abaliiwa yaakaviherana vawiipani machipo oollapella ni oothokoza moollikana ni mmo Davide muthu a Mulluku alamulalleeye wi mulloko wiipeke moowaakakhana.

2 Epilli 31:2

Hezekiya aakeraatthihattho milloko dda allupa mukutho ni Alevi wi ephareke mitteko dda mikutho ddooshellelliha, mikutho ddeeyaattano, ollalleya m'millako dda enyumba ya Apwiya ni waathokoza ni waatitimiha Apwiya.

2 Epilli 23:9

Olliye aawinnya oohoollellaayo mavaka ni ddootetezella dduullupalli ni dding'onong'ono nnddo ddaari dda mwene Davide. Ddenndda ddasungiwa mu enyumba ya Mulluku.

2 Epilli 23:1

Koma m'muyakha waneetthanu ni piilli Yehoyahada aallipa murima nave aawiithana athu ayo yaari oohoollella a akhoto anchichi, Azariya mwaana a Yerohamu, Ishmaele mwaana a Yehohanani, Azariya mwaana a Obedi, Maaseiya mwaana a Adaya ni Elishafati mwaana a Zikiri.

1 Epilli 23:2

Davide ahaatthukumaniha oohoollella attheene a Israele, allupa mukutho ni Alevi.

1 Epilli 12:28

Zadoki, musombwe amasiva awiille ni abalaaye 22.

1 Epilli 6:44

Etani a nibanja na Merari aari oohoollella mulloko waneeraru wa awiipa machipo. Etani aari mwaana a Kishi, mwaana a Abidi, mwaana a Maluki,

1 Epilli 9:33

Nave attekweene amodda a Alevi yaawehera athu awiipa machipo mu enyumba ya Apwiya. Alliwa yakhalla mu ezipinda mu enyumba ya Apwiya, oohaatelliwa ni mitteko ddimodda vawi yaphara mutteko ni mahiiyweene.

1 Epilli 25:2

Anamwani asese a Asafu yaari Zakuri, Yosefe, Netaniya ni Asharela. Aahoollella tti Asafu oyo allotella moolamuliwa ni mwene.

2 Epilli 5:12

Nave Alevi attheene awiipa machipo monga Asafu, Hemani ni Yedutuni, aniiwa ni abaliiwa oowara ekuwo ddabafuta aphaama eri ni misangwa, azeze ni magitala, yahiimella o embali ya wookhuma nndduwa wa nikuwa ni allupa mukutho 120 ayo yiipa mapallapata.

2 Epilli 8:14

Moollikana ni malangizo a Davide attiitthinnya, ahaakawa allupa mukutho mu milloko milloko aavaha mitteko ddiwa. Nave aakeraatthihattho milloko dda Alevi ni mitteko ddiwa dda nllapo ni nllapo ddookavihera allupa mukutho ollapella. Aatthoollattho milloko dda oowehera vamillakoni ddoohiyanahiyana vawi Davide muthu a Mulluku aalamulalle mwawi ddiiddo.

2 Epilli 23:18

Vano Yehoyada ahaahiyavo allupa mukutho a nlloko na Levi wi ewehereke enyumba ya Apwiya. Vawi Davide ahaakeraatthiha Alevi wi ewehereke enyumba ya Apwiya ni ovelleella mikutho ddooshellelliha moollikana ni mmo ddalembelliwiiwa m'malamuloni a Mose. Yehoyada ahaalleellattho wi ehakallalleke yiipaka machipo moollikana ni lamulo na Davide.

2 Epilli 35:15

Athu awiipa machipo, anamwani a Asafu, yaari munipuroni mwiwa moollikana ni lamulo na Davide, Asafu, Hemani ni Yedutuni, oollohella a mwene. Vano alonda a va mullako yaari va orive mullako nave kheyaavenyillevo vamuttekoni viwa vawi abaliiwa, Alevi, yahaakhozella mikutho.

Ezekiele 40:44

Vano muthoolle aakikusella muwariwari mwa nthato nave muwari mwa nthatonno kahoonamo ezipinda piilli, emodda vakhuviru ni mullako wa ompoto moowehana ni omwera nave emodda vakhuviru ni mullako wa omwera moowehana ni ompoto.

1 Mamwene 10:12

Nave mwenooyo aapangella miteekho ddampawannddo apoto a enyumba ya Apwiya ni enyumba ya mwenooyo. Miteekhonnddo aapangellattho gitala. Ddawi ddiidda kheddiniiweyeke apaalle wooneya ovenyera khalle.

1 Epilli 6:16

Levi aamuyara Gereshomo, Kohati ni Merari.

1 Epilli 13:8

Vano Davide ni Aisraele attheene yaari ehakallallaka ni murimiiwa muttheene vamiitthoni va Mulluku, enamwiipella machipo ni azeze, magitala, ekoma, misangwa ni mapallapata.

1 Epilli 15:28

Vano Aisraele attheene yaawaana nibokosi na echipangano na Apwiya ekhuwaka nave yiipaka eziitolilo, mapallapata ni misangwa. Nave yaaniipattho azeze ni magitala.

1 Epilli 25:9

Woombesa wawaamba waammorelle Yosefe a o nibanja na Asafu, waneepiilli wammorenlle Gedaliya, abalaaye ni anaaye, attheene vamodda khumi ni eelli,

2 Epilli 29:13

A mu nibanja na Elizafani yaari Shimiri ni Yeuwele. A mu nibanja na Asafu yaari Zekariya ni Mataniya.

2 Epilli 29:14

A mu nibanja na Hemani yaari Yehuwele ni Shimei. A mu nibanja na Yedutuni yaari Shemaya ni Uziyele.

Ezara 2:41

Awiipa machipo, edduullu dda Asafu yaari 128.

Ezara 6:18

Vano yahaakeraatthiha allupa mukutho ni Alevi mu milloko ddiwa wi emurumeyelleke mu enyumba o Yerusalemu moollikana ni mmo ddalembelliwiiwa mu nibukhu na Mose.

Nehemiya 11:17

Vaakhallattho Mataniyo mwaana a Mika, mwaana a Zabidi, mwaana a Asafu oyo aari oohoollella wiipa machipo oothokoza mu enyumba ya Mulluku navettho Bakibukiya oyo aari oohoollella aneepiilli variyari va abalaaye. Vaakhallattho Abida mwaana a Shamuwa, mwaana a Galali, mwaana Yedutuni.

Masalimo 81:3

Ipani nipallapata va wooneya wa mweeri, wooneya wamututha va nllapo na ehakallallo.