1 Epilli 24:6 - Mawu a Mulluku

⁶ Nave milloko miilli dda edduullunndda ddaheera woombesanko moothwarana. Nave namalembella Shemaya mwaana a Netanele Mulevi ahaalemba manddiniiwa vamiitthoni va mwene, enduna ddaye, mullupa mukutho Zadoki, Ahimeleki mwaana a Abiyatara ni oohoollella a mabanja a allupa mukutho ni a Alevi. Nibanja nimodda natthoolliwe ovenyera wa Eleazara nave nimodda ovenyera wa Itamara.

1 Epilli 24:6 ပူးပေါင်းရင်းမြစ်များ

1 Epilli 18:16

Nave Zadoki, mwaana a Ahitubi, ni Ahimeleki, mwaana a Abiyatara, yaari allupa mukutho. Nave Shavisha aari namalembella.

Mateyu 13:52

Vano Yesu ahaalleella wi, “Sika arive muhuddihi a malamulo* oyo anakhalla oohuddera a omwene wa Mulluku ari wonanko mwaneena a nibanja oyo anakhumiha ddeko ddanaanweene ni ddakhalle mu enyumba yoosungellamo.”

Mateyu 8:19

Muhuddihi a malamulo* aawa wa olliye. Aallota wi, “Ahuddihi, miyaano kineerewuuthwarani orive weko munayeenyu.”

Nehemiya 8:1

Voophiyani mweeri waneetthanu ni piilli, Aisraele yaari ekeraattheyille m'mapuroni mwiwa. Vano athu attheene yaatthukumana vamodda vanthatoni moowehana ni mullako wa Maaddi. Vano athwaayo yaamuveka Ezara namalembella wi aweena nibukhu na malamulo a Mose nno Apwiya yaavahilliiwa Aisraele.

Ezara 7:6

Ezaroolla aawa ovenyera o Babiloni. Olliye aari muhuddihi eeruso a malamulo a Mose ayo Apwiya Mulluku a Israele aavelleelleeye. Nave amwene yaamwinnya ddittheddene avekilleeye ekaamba yawi nnatta na Mullukwaaye naari va olliye.

2 Epilli 34:13

yaawehera athu ootukhulla katundu nave enaahoollella attheene yaphara orive mutteko woorumeyella. Nave Alevi amodda yaari anamalemba ni akapitawo navettho alonda.

1 Epilli 23:24

Alla sika yaari anamwani a Levi moollikana ni oohoollella a mabanja a makhollwiiwa moollikana ni mmo yalembelelliiwa. Yathwara echiwerengero ya manddina a athu waambeella a miyakha 20 oya muhoollo ayo yaphwanella orumeyella o enyumba ya Apwiya.

1 Mamwene 4:3

Elihorefe ni Ahiya anamwani a Shisha yaari namalembella. Yehoshafati mwaana a Ahiludi aari oosunga ddoolembiwa,

Mariko 2:26

Abiyatara aariiye mullupa mukutho muullupalli Davide aavollowa mu enyumba ya Mulluku, amuchamo buledi oovelleelliwa wa Mulluku naari malamulo kheyaakhullelle wi olliyooyo amuche. Allupa mukuthove sika enaakhullelliwa omuchamo buledi yoolla. Nave ahaavahattho akhwaaye ayo aariiyena.”

1 Epilli 24:7

Otthoolliwa wawaamba wammorenlle Yehoyaribu, waneepiilli Yedaya,

1 Epilli 24:31

Oohoollella a mabanja yaalla, ang'onong'ono ni uullupalli yahoombesattho wi edduwelle mitteko ddiwa wonanko mmo yeerille abaliiwa, anamwani a Aroni. Yaheera ddenndda vamiitthoni va mwene Davide, Zadoki, Ahimeleki ni oohoollella a mabanja a allupa mukutho ni a Alevi.