1 Epilli 23:4 - Mawu a Mulluku

⁴ Nave Davide aallota wi, “Mwa athwaalla 24,000 enaakhalle oowehera mitteko dda mu enyumba ya Apwiya, 6,000 enaakhalle enduna ni aweeruza,

1 Epilli 23:4 ပူးပေါင်းရင်းမြစ်များ

2 Epilli 19:8

Mu Yerusalemu Yehoshafati ahaatthoolla Alevi ni allupa mukutho ni oohoollella mabanja a Israele wi yeeruzeke mu nnddina na Apwiya ni okamulla millatu dda athu a o Yerusalemu.

Deuteronomo 16:18

“Mwaatthoolleke aweeruza ni attekweene mu nirive nlloko ni nirive nipuro Apwiya Mullukwaanyu enuuvahiiwani. Athu yaalla yeeruzeke moohiweha ekhove.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Malaki 2:7

“Vawi tti mutteko wa mullupa mukutho osunga ehuddiho yawoona nave athu yaasheke malangizo ovenyera wa olliye vawi olliye sika amithenga a Apwiya Amasiva Mattheene.

Nehemiya 11:22

Kapitawo a Alevi o Yerusalemu aari Uzi mwaana a Bani, mwaana a Hashabiya, mwaana a Mataniya mwaana a Mika oyo aari mmodda mwa edduullu dda a Asafu, awiipa machipo va mutteko wa enyumba ya Mulluku.

Nehemiya 11:9

Yowele mwaana a Zikiri sika aari oohoollelliiwa nave Yuda mwaana a Heshenuwa sika aari aneepiilli wa oohoollella a m'muzindanimmo.

1 Epilli 6:48

Nave Alevi amodda sika yatthoolliwe wi ephareke mitteko ddimodda dda mu enyumba ya Mulluku.

Ezekiele 44:24

Vakhalla millatu allupa mukutho yeeruzeke nave ekamulleke millatunnddo voopharihani mutteko malamulwaaka. Ethwareke malamulwaaka ni malangizwaaka mattheene a ehakallallo. Yapwathekettho mallapwaaka a Sabata wi ekhalle aweella.

2 Epilli 23:18

Vano Yehoyada ahaahiyavo allupa mukutho a nlloko na Levi wi ewehereke enyumba ya Apwiya. Vawi Davide ahaakeraatthiha Alevi wi ewehereke enyumba ya Apwiya ni ovelleella mikutho ddooshellelliha moollikana ni mmo ddalembelliwiiwa m'malamuloni a Mose. Yehoyada ahaalleellattho wi ehakallalleke yiipaka machipo moollikana ni lamulo na Davide.

2 Epilli 34:13

yaawehera athu ootukhulla katundu nave enaahoollella attheene yaphara orive mutteko woorumeyella. Nave Alevi amodda yaari anamalemba ni akapitawo navettho alonda.