1 Epilli 23:31 - Mawu a Mulluku

³¹ erive enthawi mikutho ddooshellelliha ddaavelleelliwaka wa Apwiya dda masabata, dda wooneya wa mweeri navettho dda erive ehakallallo ya mallapello. Mitteko ddawaarumeyella Apwiyanndda eneeroddeera wa enthawi yoohimalla.

1 Epilli 23:31 ပူးပေါင်းရင်းမြစ်များ

Numeri 10:10

Va mallapwaanyu oohakallalla, ootthoolliwa a Ehakallallo dda Wooneya wa Mweeri, mwiipe mapallapata mwaavelleellaka mikutho ddooshellelliha ni mikutho ddeeyaattano. Mapallapataayo eneerewuukaviherani wi kiwuupuwellekeni. Mi tti Apwiya Mullukwaanyu.”

Levitiko 23:39

“Va nllapo na 15 na mweeri waneetthanu ni piilli, muhatille ddeko m'matani mwanyu, mwaariihe Apwiya wa mallapo matthanu ni meelli. Nllapo nawaamba nikhalle nllapo nuullupalli nawiithuuwa nave nllapo naneetthanu ni raru nikhallettho nllapo nuullupalli nawiithuuwa.

Levitiko 23:24

aalleelle Aisraele wi, “Va nllapo nawaamba na mweeri waneetthanu ni piilli, munisungeke wi nikhalle nllapo nuullupalli nawiithuuwa, nllapo nawuupuwella, noollalleyiwa ni mapallapata, nllapo na mutthukumano woopatuleya.

Akolose 2:16

Sika muhaakhullelle wi arive muthu uuvaheni malamulo a nnddo munacheenyu apaalle owirya apaalle dda Ehakallallo ya Wooneya wa Mweeri apaalle dda nllapo na Sabata apaalle dda ehakallallo ddimodda.

2 Mamwene 4:23

Nave mamunooyo aamukoha wi, “Kaambiiwa tini ollello munayeenyu wa olliye? Ollellothi khe nllapo na Ehakallallo ya Wooneya wa Mweeri apaalle nllapo na Sabata.” Mutthiyanooyo ahaakhulla wi, “Khaviri yookatamiha.”

1 Epilli 23:30

Nave eneerekewaatitimihamo Apwiya orive ohinase ni orive misikuwa

2 Epilli 24:14

Emallihalle, yaawaana makobiri oohalla wa mwene ni Yehoyada ayo yaapangenlliiwa eziwiya dda o enyumba ya Apwiya navettho dda mukutho wooshellelliha. Nave yaapangattho embale ddagolide ni ddasiliva. Vano yaavirellella owaana mikutho ddooshellelliha o enyumba ya Apwiya mu enthawi ya Yehoyada.