1 Epilli 23:13 - Mawu a Mulluku

¹³ Amuramu aamuyara Aroni ni Mose. Aroni aapatuliwa wi awehereke ddeko ddaweellesesa mwawi olliye ni anaaye yavelleellesesa mikutho ddawoosa lubani* vamiitthoni va Apwiya ni orumeyella ni waadalisa athu mu nnddina na Apwiya wa enthawi yoohimalla.

1 Epilli 23:13 ပူးပေါင်းရင်းမြစ်များ

Deuteronomo 21:5

Allupa mukutho Aalevi eyeewottho wenko ekaamba yawi alliwa sika enaphwanella weeruza millatu ddittheddene dda ohiiwanana ni wiiphanana. Apwiya Mullukwaanyu yohaatthoolla alliwa wi ekhalle oorumeyella navettho wi yaadaliseke athu mu nnddina niwa.

Eksodo 6:20

Amuramu aamutthella murokoriwa a attiitthinnya nnddina naye Yokebede. Yokebedooyo aamuyara Aroni ni Mose. Amuramu aakhalla ni okumi wa miyakha 137.

1 Samuele 2:28

Nave kaatthoolla nlloko nanyu variyari va malloko mattheene a Aisraele wi nikhalle allupa mukuthwaaka nave wi eyeeke onikuwani naka namukutho yathuwiheke lubani* nave yawareke yoowara yoopangiwa ni ekuwo yaweella wunchichi yookhalla ni efodi ni odduwella nnddo kinapaalleemi wi athwaaka yeereke. Kaanaakawella embali emodda ya ddoovelleella mukutho ddawoosiwa viikho nnddo Aisraele yavelleelliiwa mukutho wa miyaano.

Yawuupullulla 8:3

Mungelo mmodda ookhalla ni embale ya golide aawa iimella va nikuwa na mukutho. Aavahiwa lubani munchichi wi aanjerere vamodda ni mavekello a athu a Mulluku ni wi aheraatthi va nikuwa nagolide nno niimenlle vamiitthoni va mpando woomwene.

Aheberi 5:4

Khaavo aniivaha olemu yeekhaaye vawiitthoollani wi akhalle mullupa mukutho muullupalli. Koma Mulluku sika anamutthoolla mullupa mukutho, wonanko mmo amutthoollelleeye Aroni.

Agalatiya 1:15

Koma Mulluku mu echisomwaaye aakitthoolla naari kaari kihinayariwe nave aakiithana wi kimurumeyelle. Nave enthawi eyo Mulluku apanlleeye,

Aroma 1:1

Ovenyera wa miyaano Paulo, oorumeyella a Khrisitu Yesu, murummwa awiithaniwa ni ootthoolliwa ni Mulluku wi killalleye othengaaye waphaama.

Mitteko 13:2

Yaallapelliiwa Apwiya ni ohalla ocha,* Munepa Waweella aallota wi, “Okitthoollelle Baranaba ni Saulo wi yaphare mutteko oyo kawiithanelleemi.”

Luka 1:9

Moollikana ni makhallello a allupa mukutho, olliyooyo aatthoolliwa mwawoombesa wi oose mukutho wa lubani* mu enyumba ya Apwiya.

Masalimo 106:16

Enthawi emodda athwaayo yaamweerella ehache Mose ni Aroni oorumeyella oopatuleya a Apwiya.

Masalimo 99:6

Mwa allupa mukuthwiiwa mwaakhalla Mose ni Aroni, Samuele aari mmodda awiithana nnddina niwa yaaninllella wa Apwiya, alliwa enawaakhulla.

1 Epilli 6:3

Amuramu aamuyara Aroni, Mose ni Miriyamu. Aroni aamuyara Nadabu, Abihu, Eleazara ni Itamara.

Numeri 26:59

Mwaara a Amuramu aari Yokebedi mwaana a Levi oyo ayarelliwe o Iguputo. Yokebedooyo aamuyarella Amuramu anamwani eelli, Aroni ni Mose owaaka Miriyamu, murokoriwa.

Numeri 18:1

Vatulli viwa Apwiya yaamulleella Aroni wi, “We, anaawo ni nibanja na makhollwaawo sika munaawiireye ddoolakweya dda musasa wa mutthukumano. Nave weyaano ni anaawo sika munaawiireye ddirive ddoolakweya dda omullupa mukutho.

Numeri 3:27

Aamuramu, Aizihara, Ahebroni ni Auziyele yaari mabanja oovenyera mwa Kohati. Yaalla sika yaari mabanja a Akohati.

Levitiko 10:10

Muhiyaniheke variyari va ddeko ddoopatuleya ni ddeko shisha, variyari va ddeko ddaweellihiwa ni ddeko ddooripihiwa.

Eksodo 29:44

Kineerowupatula musasa wamutthukumano ni nikuwa nene. Nave kineerewaapatula Aroni ni anaaye wi ekhalle allupa mukutho.

1 Epilli 23:12

Kohati aamuyara Amuramu, Izara, Hebroni ni Uziyele.

Eksodo 28:36

“Opangettho malluwa agolide aphaama, ogobevo wonanko echidindo mawu awi, ‘Yoovelleelliwa wa Apwiya.’

Deuteronomo 10:8

Enthawi yeeyo Apwiya yahaatthoolla athu a nlloko na Levi wi etukhulleke nibokosi na echipangano, ekhalleke vamiitthoni va Apwiya ni orumeyella navettho wi yaadaliseke athu mu nnddina na Apwiya. Alliwa sika eneera ddenndda ophiyera ollello.

1 Epilli 6:34

mwaana a Elikana, mwaana a Yerohamu, mwaana a Eliyele, mwaana a Towa,