1 Epilli 22:5 - Mawu a Mulluku

⁵ Davide aallota wi, “Mwanaka Solomoni tti mung'onong'ono, khanadduwella ddinchichi nave enyumba ya Apwiya enaamakiwe enaphwanella wi ekhalle yooreeresesa, yoovuwa ni yootitimiheya variyari va athu a ellapo ddittheddene. Sika kinaphwanella wi kikhozekelle.” Vano Davide aavelleella ezipangizo ddinchichi ahinakhwe.

1 Epilli 22:5 ပူးပေါင်းရင်းမြစ်များ

1 Epilli 29:1

Mwene Davide aallota wa mutthukumano muttheene wi, “Mwanaka Solomoni oyo Mulluku amutthoonlleeye tti mung'onong'ono nave khanadduwella ddinchichi. Vano muttekoolla tti muullupalli vawi enyumbeella khekhalla ya muthu koma ya Apwiya Mulluku.

1 Mamwene 3:7

Vano nyu Apwiya Mullukwaaka, mookivollochiha omwene wa attiitthaaka mi oorumeyellaanyu naari kiri mwaana mung'onong'ono navettho kihidduwellaka olamulella.

Yohane 13:1

Vano Ehakallallo ya Paska ehinaphiye, Yesu aadduwella wi enthawaaye yoovenyera mu ellapo yavatthi ni oya wa Attiitthinnya yaaphiya. Ahaakonda oomuthwarellellaaye mu ellapo yavatthi nave aanaakonda ophiyera okhwa waye.

Yohane 3:30

Yoolla tti oophwanella wi akhalle oopaalleya wunchichi nave miyaano kikhalle oopaalleya vang'ono.”

Yohane 9:4

Ninaphwanella weera mitteko dda yooyo aakirumalle miyaano ori otthaana. Mahiiyu onimawa nave vano khaavo muthu anaawore ophara mutteko.

Luka 21:5

Amodda yaanallota dda enyumba ya Mulluku wi yaamakiwa ni malluku oophwanelliwa phaama ni oreerihiwa ni ddoovelleella dda wa Mullukunndde. Vano Yesu aallota wi,

Hagai 2:9

Sika ntitimiho na enyumba yaneepiilleella eneerokhwaranya ntitimiho na enyumba yawaambeelle. Navettho vineerokhalla murendelle va nipuro nenno. Mi Apwiya Amasiva Mattheene koollota.”

Hagai 2:3

“Ethiyo mwa nyuwaano ookhallavo oyo oonille otitimiheya wakhalle wa enyumbeella? Munayoona mwawiidde? M'mwiitthoni khenooneya wonanko ello.

Ezekiele 7:20

“Khalle yaanakota ekaamba ya ddawiirerihella ddiwa nnddo yaddipharihiiwa mutteko voopangani mafano oonanara. Ekaamba ya yeella kineerewaatthattusa ooripihiwa.

Yesaya 64:11

Enyumbaanyu yaweella ni yooreera mmo makhollwaahu yuullapelleewanimo yooshellella ni munllo. Navettho mapuro mattheene naakondeehu aatthattuwa matepe.

Oollalleya 9:10

Erive ello munaaweerekeenyu ni masivaawo mattheene. Vallethi onipuroni na ookhwa onayeewenko khori mutteko, oganiza, ezeru apaalle odduwella.

Ezara 3:12

Koma anchichi a allupa mukutho, Alevi, oohoollella a mabanja navettho attekweene ayo yoonille enyumba wawaamba yahinlla mookhuwa yoonilliiwa matthipello a enyumba emakiwakattho naarive anchichi yakhuwaka moohakallalla.

2 Epilli 13:7

Vano athu amodda oohikhalla ni mutteko yaatthukumana wa olliye emunyaambusa Rehobowamu mwaana a Solomoni ari mung'onong'ono ni oohillipa murima wi ttuullipanana athwaalle.

2 Epilli 7:21

Nave va enyumbeella eyo enavahiwa olemu, vano arive muthu oovira vaavo aneerekottikhina ni woopa musoonyo vookohani wi, ‘Kaambiiwa tini Apwiya yenriiwa ddenndda va enyumbeella?’

2 Epilli 2:5

Enyumba kinaamakeemi enaakhalle yuullupalli vawi Mullukwaahu tti muullupalli okhwaranya milluku ddittheddene.

1 Mamwene 9:8

Nave enyumba yeella eneerokumuwa ni otthattuwa ntepe. Vano arive muthu oovira vaavo aneerekottikhina ni woopa musoonyo vookohani wi, ‘Kaambiiwa tini Apwiya yenriiwa ddenndda va enyumbeella?’

Miyambo 4:3

Kaariimi mwaana mpa mwa attiitthaaka, kaariimi mwaana mmoddave a vamurimani va amoowaaka,

2 Epilli 2:4

Kinapaalla wi kaamakelle enyumba Apwiya Mullukwaaka. Wenko moohihiyerera kineerekovelleella wa alliwa lubani* na nthuko naphaama, buledi oopatuleya ni mikutho ddooshellelliha ohinase ni misikuwa, va masabata, va mallapo a Ehakallallo ya Wooneya wa Mweeri ni mallapo mamodda aweella voothwarani malamulo a Israele wa enthawi yoohimalla.

2 Epilli 2:8

Mukirumihellettho matabwa a mukunguza, murompwa ni mpawa ovenyera o Lebanoni vawi kinnadduwella wi mullupa muttekwaanyu ennaphadda phaama miteekho o Lebanoni. Sika mullupa muttekwaaka enaakhalle ni mullupa muttekwaanyu