1 Epilli 22:2 - Mawu a Mulluku

² Davide aalamula wi yaatthukumanihe alleto ayo yaari mu ellapo ya Israele. Nave ahaatthoolla athu oopwesa malluku wi epotokose malluku oomakella enyumba ya Mulluku.

1 Epilli 22:2 ပူးပေါင်းရင်းမြစ်များ

2 Epilli 2:17

Vano Solomoni aheerenga alleto attheene ayo yaari mu Israele wonanko Davide attiitthinnya khalle. Nave yaakwakhwana 153,600.

Aefeso 2:12

Va enthawi yeeyo khamwaarina Khrisitu. Mwaari alleto nave khamwaari mmodda a athu ootthoolliwa a Mulluku. Nyuwaano khamwaapwesereriwemo mu echipangano eyo yaalonjeziwe ni Mulluku wa athwaaye. Nave mwaakhalla mu ellapo yavattheella muhinna otiyera navettho muhinna Mulluku.

Ezara 3:7

Athu yaavelleella makobiri wa athu eeruso yoosema malluku ni oopala matabwa. Yaarumiha ddoocha, ddoowirya ni makhura wa Asidoni ni Atiro wi eweena miteekho ddamukunguza ovenyera o Lebanoni oyaana o enyanja, o Yopa moollikana ni waakhullelliwa wiwa ni Kirusi mwene a o Persiya.

1 Epilli 14:1

Nave Hiramu, mwene a o Tiro ahaarumiha amithenga wa Davide ni miteekho ddamukunguza vamodda ni athu eeruso yoodduwella omaka voopharihellani mutteko malluku ni matabwa wi yamumakelle enyumba yoomwene.

2 Mamwene 22:6

Sika yaallivelle eeruso ya matabwa, yoomaka enyumba, yoomaka ni malluku navettho ekullelle miteekho ni malluku oosema ddoopotokosella enyumbeeyo.

2 Mamwene 12:12

Yaanaallivellattho oomaka ni malluku ni oosema malluku navettho yaanakulla miteekho ni malluku oovuhulliwa oopotokosella enyumba ya Apwiya owaakattho ddeko ddoopaalleya voopotokosani.

1 Mamwene 6:7

Enyumbeeyo yamakiwa ni malluku oosemasema wi vihiiweye mahamala, akottokwa apaalle erive echipangizo yamukoko.

2 Samuele 5:11

Nave Hiramu, mwene a o Tiro, ahaarumiha amithenga wa Davide ni miteekho ddamukunguza vamodda ni athu eeruso yoodduwella omaka voopharihellani mutteko malluku ni matabwa wi yamumakelle enyumba yoomwene.

1 Epilli 29:1

Mwene Davide aallota wa mutthukumano muttheene wi, “Mwanaka Solomoni oyo Mulluku amutthoonlleeye tti mung'onong'ono nave khanadduwella ddinchichi. Vano muttekoolla tti muullupalli vawi enyumbeella khekhalla ya muthu koma ya Apwiya Mulluku.

2 Epilli 2:16

Nave nineerophadda ddirive miteekho munapaalleenyu ovenyera o Lebanoni ni owaana wa nyu vooddimakani vamodda ni oddibellusa vanyanjani ophiya o Yopa ni oyaana o Yerusalemu.”