1 Epilli 21:23 - Mawu a Mulluku

²³ Vano Orinani aallota wa Davide wi, “Apwiyaaka, kusani nave erani eyo munapaalleenyu. Ngoonani kinapaalla kivelleelle eng'ombe wi ddikhalle mukutho wooshellelliha ni miteekho ddoomuuputhellana tirigu wi ddikhalle ekhuni navettho tirigu wi akhalle mukutho wa yoocha. Koovelleella ddittheddenenndda.”

1 Epilli 21:23 ပူးပေါင်းရင်းမြစ်များ

1 Samuele 6:14

Nigaretanne naaphiya omata wa Yoswa o Beteshemeshi, niimella wenko. Wenko waakhalla nlluku nuullupalli. Athu a mutawoni yeella yaanitthalla nigaretanne enitthattusa ekhuni, eddiipha, eddiphaddaphadda eng'ombenndde eddivelleella wa Apwiya wonanko mukutho wooshellelliha.

Yeremiya 32:8

Wonanko mmo Apwiya yallotelliiwa, Hanamele musuwanaaka aakaaryeryella o nthato na alonda. Olliye aallota wi, ‘Kulla emataaka o Anatoti mu ellapo ya Benjamini vawi weyaano sika oophwanella wi woopolle wi ekhalle yoohallanaawo. Sika kaadduwella wi olla tti othenga wa Apwiya.

1 Mamwene 19:21

Vano Elisha aahiya omuthwara, aahokollowa. Aakusa eng'ombe ddaye piilli addiipha. Sika magolaayo aviddeellellana munllo wawaapeyella enameeyo nave ahaavaha athu wi eche. Vatulli viwa aatimulla, anamuthwara Eliya monga oomurumeyellaaye.

1 Epilli 21:22

Nave Davide aamulleella Orinani wi, “Kivahe nipuro noomuuputhellavo tirigunna wi kaamakellevo Apwiya nikuwa wi mullilloolla ovenye wa athu. Okikullihelle va mutengwiiwa muttheene.”

1 Epilli 21:24

Koma mwene Davide aamulleella Orinani wi, “Kookoma, kineerokulla va mutengwiiwa muttheene. Ngikusa ellwaawo wi kayivelleelle wa Apwiya naari ovelleella mukutho wooshellelliha voopharihani mutteko ello yawi ngikullalle.”