1 Epilli 21:17 - Mawu a Mulluku

¹⁷ Nave Davide aallota wa Mulluku wi, “Ethiyo ngihiyo mi kalamulalle wi aweerenge athu? Mi sika kichimwalle nave koheera ddoonanara. Koma enkhosanndda ddilakwille tini? Kinavekella wa nyu Apwiya Mullukwaaka wi nnatta nanyu nikillake mi ni nibanja na attiitthaaka koma ohiri naallake athwaanywaalla.”

1 Epilli 21:17 ပူးပေါင်းရင်းမြစ်များ

Ezekiele 16:63

Kuukhululukella ddoonanara ddawo ddittheddene nnddo weerilleewe, oneerodduupuwella nave khokhalla ni yoollota ekaamba ya owulliwa muru wawo. Mi Apwiya Mulluku koollota.”

1 Yohane 3:16

Ninnadduwella wi echikondi tti tini kaambiiwa Khrisitu aapaalla okhwa ekaamba ya hiyaano. Navettho hiyaano ninaphwanella nipaalleke okhwa ekaamba ya asinnihu ni arokorihu!

Aroma 9:3

va athu aakaaka! Vawi kapaalla wi miyaano meekhaaka kitembeleliwe ni Mulluku ni omwallanihiwa ni Khrisitu ekaamba ya alliwaayo.

Masalimo 74:1

Nyu Mulluku, kaambiiwa tini munanikhooteenyu wa enthawi yoohimalla? Kaambiiwa tini onanariwa wanyu onoosiiwa enkhosa woochihella enama wanyu?

Masalimo 51:14

Mukaakihe o mullatu wa nikhame, nyu Mulluku, Mulluku oovullusaaka, kineerowelliha mawaaka vawiipani dda ovullusa wanyu.

Masalimo 51:4

Kohuuchimwellani nyuwaano, nyuwaano nyookha, koheera ddoonanara vamiitthoni vanyu. Wi mukhalle oolungama vaweeruzani, mukhallettho aweella vaweeruzani vookamullani mullatwaaka

Masalimo 44:11

Nyuwaano moonitthattusa enkhosa ddooya wowiiphiwa, moonipallallesa variyari va mitundu ddimodda athu.

1 Epilli 21:8

Vano Davide aallota wa Mulluku wi, “Koochimwa wunchichi vaweerani yeella. Sika vano kinimuuvekani wi mukikhululukelle nichimo na mi oorumeyellaanyu vawi koheera ddookarangeya wunchichi.”

1 Mamwene 22:17

Mikaya ahaakhulla wi, “Kaawoona Aisraele attheene emwareyelle va miyaango wonanko enkhosa ddoohikhalla ni mbusa.” Sika Apwiya yaallota wi, “Yaalla khenna pwiiwa owaahoollella. Arive muthu ayeeke owaniwa mwamurendelle.”

2 Samuele 24:17

Davide aamoona mungeloolle nave aallota ni Apwiya wi, “Mi sika kichimwalle nave koheera ddoonanara. Koma enkhosanndda ddilakwille tini? Vano nnatta nanyu nikillake mi ni nibanja na attiitthaaka.”

2 Samuele 24:1

Enthawi emodda Apwiya yahaananariwellattho Aisraele, sika yaamweeriha Davide wi aahoose alliwa. Yaamulleella wi, “Khawe waweerenge Aisraele ni Ayuda attheene.”

2 Samuele 12:10

Ekaamba ya yeella ekhoto khewa emalla vanibanjani vawo kaambiiwa wookivevulla miyaano nave woomutthella mwaara a Uriya Muhiti.

2 Samuele 7:8

Sika vano wamulleelle oorumeyellaaka Davide wi mi Apwiya Amasiva Mattheene kinallota wi, ‘Kahuukusa woochiha enkhosa wi okhalle mwene owaalamulella athwaaka, Aisraele.

Yoswa 22:18

Ethiyo vano moohiya waathwara Apwiya Mullukwaanyu? Mwaawukila ollello alliwa eneeronanariwella mutundu muttheene wa Aisraele osiisello.

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Genesis 44:33

Sika vano apwiya, kinimuuvekani wi miyaano kihalle wuno wi kikhalle kaporwaanyu munipuroni mwa musomboolla. Mwaakhullelleni wi olliyoolla aroweke ni asinnaalla.

Yona 1:12

Yona ahaakhulla wi, “Mukivokhelle munyanjanimmo, mweeddiiddo enyanjeeyo eneerokhurumuwa. Kinnadduwella wi oolakwa tti miyaano, sika ekaambeene ephevo yawoopiheella yuumorenlleni nyuwaano.”