1 Epilli 21:16 - Mawu a Mulluku

¹⁶ Vano Davide aatukhulla miitthwaaye nave aamoona mungelo a Apwiya iimenlle variyari va ellapo yavatthi ni ellapo yooddullu. Nave m'mattani mwaye mwaari nsupada anitukhunlle onitthoonyihera o Yerusalemu. Vano Davide ni attekweene amodda yaawara ddoowara dda eziguduli, ewarama ni opopheya ekhove.

1 Epilli 21:16 ပူးပေါင်းရင်းမြစ်များ

Numeri 14:5

Mose ni Aroni yaamora ekhove ddiwa vamiitthoni va mulloko wa Aisraele.

1 Mamwene 21:27

Ahabu iiwalle mawu yaalla, ahaahulla ddoowara ddaye, awara eziguduli. Aahalla ocha,* akona va ezigudulinnddo nave ahaamba weeta mwawiiyeviha.

2 Mamwene 19:1

Hezekiya iiwalleeye ddenndda, ahaahulla ddoowara ddaye mwathakaraka nave aawara echiguduli avollowa mu enyumba ya Apwiya.

2 Mamwene 6:17

Vano Elisha aavekella wi, “Nyu Apwiya, kinuuvekani wi mukhunuulle miitthwaaye, oone.” Sika Apwiya yaakhunuulla miittho a oorumeyellooyo ahoona mwaango oddanlle ni akavalo ni magareta amunllo emwaaphenlle Elisha.

Numeri 22:31

Vano Apwiya yaahulla miittho a Balamu nave aamoona mungelo iimellille m'musewuni ahullullalle nsupada m'mattani mwaye. Vano Balamu aakokhora nave apopheya ekhovaaye vatthi.

Numeri 16:22

Koma alliwa yaakokhora ellota wi, “Nyu Mulluku, mwaneena a minepa dda athu attheene, ethiyo mwaashenlle murima athu attheenaalla ekaamba ya ochimwa wa muthu mmodda?”

Genesis 3:24

Yaamwiikarella otte Adamu. Nave Mulluku ahaahiya akerubi* wookhuma nndduwa wa emata ya Edeni. Navettho aahiya nsupada na munllo nno naapheella embali ddittheddene, owehera muteekho woovaha okumi wi arive muthu ahaatamellevo.

Oweeruza 13:20

Mallumi amunllo yakhariiwa ovenyera vanikuwani, mungelo a Apwiyoolle aawella nimodda ni munllooyo, Manowa ni mwaariye yoonaka. Vano alliwaayo yaakonaatthi moopopheya ekhove ddiwa vatthi.

Ezekiele 9:8

Yawiiphiiwa miyaano kahanlle meekha. Vano kahiivokhella vatthi, kikhuwa wi, “Apwiya Mulluku, ethiyo mohaashella murima athu a o Yerusalemu, sika wi muneerowiipha attheene oohalla a o Yerusalemu?”

Ezekiele 30:25

Kineerollipiha matta a mwene a o Babulo koma matta a mwene a o Iguputo eneerofooka. Sika athu eneerodduwella wi mi tti Apwiya Mulluku, kahiya nsupada naka m'mattani mwa mwene a o Babulo. Aneerophariha mutteko voowanani ni Iguputo.

Numeri 22:23

Buloolle aamoona mungelo iimellille m'musewuni, ahullullalle nsupada. Vano bulu aahiya musewu ahapuwella m'matani nave Balamu aamuukutha wi ahokollweelle m'musewuni.