1 Epilli 21:13 - Mawu a Mulluku

¹³ Davide aallota wa Gadi wi, “Mi kinimakhupanya wunchichi, ahiyeni Apwiya ekillake weekhiiwa vawi echifundwiiwa tti yuullupalli koma ohiri killakiwe ni athu.”

1 Epilli 21:13 ပူးပေါင်းရင်းမြစ်များ

Masalimo 130:7

We Israele, atiyerelle Apwiya, vawi wa Apwiya wookhalla echikondi yoohisintheya, wooddalla woopolla.

Aheberi 10:31

Sika ophariwa ni Mulluku Ookumi tti wawoopiha.

Afilipi 1:23

Kinnasimwella yaweera. Kinnapaalla wunchichi okhwa wi kakhalle ni Khrisitu oyo ari ello yaphaama wunchichi.

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

Yohane 12:27

“Vano murimaaka wookatamihiwa. Nave kinaallote tini? Killote wi, ‘Attiitthaaka, muhaakhullelle wi enthawi yookatamiheella ekiphiyere miyaano?’ Koma kaawa ekaamba ya ddookatamiha ddenndda.

Yesaya 63:7

Kineerollota dda echikondi yoohisintheya ya Apwiya, kineerewaatitimiha ekaamba ya ddittheddene eneerenlliiwa. Ahaadalisa wunchichi athu a o Israele, voothwarani echifundwiiwa ni wunnuwa wa echikondiiwa yoohisintheya.

Yesaya 47:6

Kahaashella murima athwaaka, kahaahambulla wonanko khe yoohallanaaka. Kahaavelleella m'mattani mwawo, weyaano khewaaweerelle echifundo waawummella murima naari awuulluvalla.

Yesaya 46:7

Enniireya vamathurini viwa, ennamuhiya vamapuroni vaye immella vaavo, khanawora osusavo. Mmodda avekella wa khamwaakhulla apaalle omuvullusa o ddoohoosa.

Miyambo 12:10

Muthu oolungama annapwatha okumi wa echiwetwaaye koma echifundo ya muthu oonanara tti ekuku.

Masalimo 130:4

Koma nyu, munnakhululuka, wi mooviweke.

Masalimo 106:7

Makhollwaahu yaariiwa o Iguputo, kheyaapwathille ddoottikhiniha ddanyu. Kheyaawuupuwelle wunnuwa wa echikondaanyu yoohisintheya, koma yaamuwukila Mulluku Amasiva Mattheene o Enyanja Yoofiira.

Masalimo 103:8

Apwiya tti eechifundo ni ooreera murima, oohisha murima mwawaakuva, ooddalla ni echikondi yoohisintheya.

Masalimo 86:15

Koma nyu Apwiya, tti Mulluku eechifundo, Mulluku ooreera murima, oohaakuva osha murima, ooddalla ni echikondi yoohisintheya ni oororomelleya wunchichi.

Masalimo 86:5

Nyu Apwiya tti aphaama ni ookhululukella, echikondaanyu yoohisintheya tti yuullupalli wa attheene ayo enawiithanani.

Masalimo 69:16

Nyu Apwiya, kaakhulleni vawi echikondaanyu yoohisintheya tti yaphaama, Kaapelleni maaru vawi echifundwaanyu tti yuullupalli.

Masalimo 69:13

Koma miyaano kinnavekella wa nyu Apwiya, nyu Mullukwaaka, mukaakhulle mu enthawi yaphaama ekaamba ya wunnuwa wa echikondaanyu yoohisintheya ekaamba ya ororomelleya wa ovullusa wanyu.

Masalimo 5:7

Koma miyaano kineerovollowa mpa mwanyu, ekaamba ya echikondaanyu yoohisintheya. Kineerokokhora moowarama, owiitthoni wa enyumbaanyu yaweella nave kineerewuullapellani.

Estere 4:16

“Khaweni mwaatthukumanihe Ayuda attheene a o Susa. Nave yathute ocha ekaamba ya miyaano. Ehiye yacha apaalle owirya mallapo mararu otthaana ni mahiiyu. Miyaanottho ni anamwallaaka nineerothuta ocha moophwanaphwana ni nyuwaano. Vatulli viwa kineerooya wa mwene naari nngu tti ohiiwellella lamulo. Wakhalla okhwa, kikhwe.”

Estere 4:11

“Allupa mutteko attheene ni athu attheene a muzigawo dda ellapo ya mwene ennadduwella wi arive mullopwana apaalle mutthiyana avollowa munthatoni na muwari na mwene ahiithaniwe, viri lamulo nimoddave. Lamulonno ninallota wi, attheenaayo enapaalleya wiiphiwa oohihiyaniha, vaavove muthu oyo mwene amutthoonyilleeye ni ekopwaaye yoomwene yagolide, awi akhalle ni okumi. Koma voomalla mweeri mwene ahikiithanille wi kiye woolliye.”

2 Epilli 28:9

Koma waari namallotella a Mulluku nnddina naye Odedi. Olliye aaya wi akumane ni mulloko wakhoto wawiille o Samariya nave ahaalleella wi, “Apwiya Mulluku a makhollwaanyu yahaashella murima athu a o Yuda nave yahaavelleella m'mattani mwanyu koma moowiipha mwa owalli oyo ophiyalle oddullu.

2 Mamwene 7:4

Navollowa mu muzindammu nineerokhwa ni ettalla nakhallattho vaava, nineerokhwave. Vano hankoni niye o misasa dda Asiriya. Yaahiniipha, ddaphaamave koma yaniipha, kheviri ello.”

2 Mamwene 6:15

Vano oorumeyella a muthu a Mulluku avenyille ohinase akhuma vaatte, ahoona mulloko wa akhoto woowella va akavalo ni magareta, waapheelle muzinda muttheene. Sika olliye aahokollowa allota wi, “Kookhwa, apwiyaaka! Ethiyo neeredde?”

Habakuku 3:2

Nyu Apwiya, kahiiwa epillaanyu ni woova, Apwiya, hihimullani muttekwaanyu mallapo allello, muwudduwanyeyihe mu mallapwaahu. Naari mushille murima, muhitiwalle echifundwaanyu.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Yona 4:2

Sika aavekella wa Apwiya wi, “Nyu Apwiya, khe ddenndda kaakeeminndde kiri owaaniwulle? Miyaano kaheeseesa othawella o Tarishishi ekaambeene yeella. Kaadduwella wi nyuwaano tti Mulluku ooreera murima, awaata ni echifundo ni echisomo. Mookhalla ni echikondi yoohisintheya navettho munnakhululukella machimo enthawi ddittheddene.

Yona 3:9

Anadduwella ttaani apaalle Mulluku ttuurukunusa maganizwaaye, onikhululukella wi nitthollosiwe.’ ”

Maliro 3:32

Naari yaallakaka mweekuku, koma eneerewooniha echifundo, ekaamba ya echikondiiwa yoohisintheya.

Yesaya 63:15

Nyu Apwiya oddullunko, o nipuro nanyu naweella ni nantitimiho, nooneni. Ethiyo opwatha wanyu ni masivaanyu ddiri wuuwi? Moohiya onoonihella echikondaanyu ni echifundwaanyu.

Masalimo 119:156

Nyu Apwiya echifundwaanyu tti yuullupalli, kivaheni okumi moollikana ni echiweruzwaanyu.