1 Epilli 21:12 - Mawu a Mulluku

¹² ethiyo vikhalle miyakha miraru dda ettalla apaalle miyeri miraru ddawoonongiwa ni adanaanyu nngu yuugonjihakani apaalle mallapo mararu mvo mungelo a Apwiya anaawiipheeye athu anchichi mu ellapo ettheene ya Israele?’ Vano ganizerani yawaakhulla wi kamulleelle oyo akirumalle kaahokollowaka.”

1 Epilli 21:12 ပူးပေါင်းရင်းမြစ်များ

Mitteko 12:23

Enthawi yeeyo mungelo a Apwiya aamweeriha Herode wi avoriiweke kaambiiwa khaamutitimihalle Mulluku. Aakhuma miingu nave aakhwa.

Luka 4:25

“Ddawoona, kinimuulleellani wi mwaakhalla anaamukhwelle anchichi mu Israele m'mallaponi a namallotella Eliya, waramilliiwa murimu wa miyakha miraru ni miyeri mitthanu ni mmodda nave waakhalla ettalla yuullupalli mu ellapo ettheeneeyo.

Maliro 4:9

Anakari tti ayo yiiphiwe vakhotoni, okhwaranya ayo yakhwille ni ettalla. Vawi attallaalla yamalliheya vang'ono vang'ono ekaamba yoorama yoocha.

Yeremiya 47:6

Munallota wi, ‘Ha, Apwiya aatukhulla nsupada! Nihokolloselleni munthumbani mwiwa, nikhalle mwemmo, niithuuwe.’

Yeremiya 42:16

sika wi ekhoto munayooveenyu eneerewuugonjihani o Iguputo wenko. Ettalla munayooveenyu eneerewuuhoosani naari o Iguputo nave munaakhwelle wenko.

Yeremiya 12:12

Athu awoononga aapallalleyella o asimiyaango a muutthakoni. Mi Apwiya kohaaruma akhoto wi yoononge ellapo ettheene, khaavo arive muthu anaakhalle mwamurendelle.

Yesaya 66:16

Eneerewaallaka athu attheene a va ellapo yavatthi ni munllo ni nsupada nave anchichi eneerewiiphiwa ni Apwiya.

Masalimo 91:6

mullilli wa mwiipiphini ni ddawoononga dda otthaana.

2 Mamwene 19:35

Sika mahiiyu yaayo mungelo a Apwiya aaya o misasa ddakhoto dda Aasiriya awiiphawo akhoto 185,000. Ohinase athu yaawoona akhoto attheenaayo ekhwille, eri millumillu!

2 Mamwene 8:1

Elisha aari amulleellille mutthiyana olle amuvenyihelleeye mwanaye wi, “Timulla ni a va nibanja nawo wakhalle orive weko onaaworeewe vawi Apwiya enimawaana ettalla ya miyakha mitthanu ni miilli va ellapo.”

1 Mamwene 17:1

Namallotella Eliya Mutishibe a o Giliyadi aamulleella Ahabu wi, “Kinimallupella vamiitthoni va Apwiya Mulluku a Israele oyo kinamurumeyelleemi wi khavikhalla nikame naari murimu miyakha ddenndda ophiyera killotille.”

2 Samuele 21:1

Enthawi ya omwene wa Davide waakhalla ettalla wa miyakha miraru ddoothwarana. Nave Davide aaveka ezeru wa Apwiya nave Apwiya yaamulleella wi, “Saulo ni nibanja naye aakhalla ni mullatu woowiipha Agibiyoni.”

Deuteronomo 28:35

Apwiya eneerewuullakani ni ddawiipa ddoovoreya ni ddoohichiriheya m'metoni mutthemwene nave etthuku ddineerewuukhumani mwiilli muttheene ovenyera ometoni ophiyera omuruni.

Deuteronomo 28:27

Apwiya eneerewuullakani ni etthuku wonanko dda o Iguputo. Muneerokhalla ni makhwata, ovelle ni oneena, ddittheddenenndda ddoohiiwa murete.

Deuteronomo 28:25

“Apwiya eneerewaakhullella wi adanaanyu yuugonjiheni. Vowaawukilani munaayeelle ettilla emodda koma voothawani munaapallalleyelle ettilla dditthanu ni piilli. Nave mamwene mattheene a ellapo yavatthi eneerotthukumella vawoonani ddawuumorellaninnddo.

Deuteronomo 28:22

Apwiya eneerewuullakani ni ereta ddoovahana, ddawiipawiipa ni ddooviha mwiilli. Aneerewuurumihellanittho nndduwa nawoopiha, ettalla, ephevo ni nkhuwawe ddawoononga mmiddo ddanyu. Ddineerewuuthwarani ophiyera moonongeyille ni okhwa attheenenyu va enthawi yooyeva.

Deuteronomo 28:15

Koma mwaahiwiiwellella Apwiya Mullukwaanyu nave mwaahithwara malamulo ni malangizwiiwa mattheene kinawinnyeemini ollellova muneerotembeleliwa.

Levitiko 26:17

Kineerewuureyani etulli nave adanaanyu eneerewuugonjihani, awiitana ni nyuwaano eneerewuulamulellani nave muneerekothawa muhiikarihiwaka.

Levitiko 26:10

Muneerekoocha ddookonella nave muneerekovenyihamo ddookonellannddo wi vikhalle mapuro oohiyamo ddishannddo.

Eksodo 12:23

Apwiya eneerovira mu ellapo ettheene ya Iguputo wi ewiiphe anamwani attheene aallopwana awaamba a Aiguputo. Yaawoonaka nikhamenno va embali ddiraru dda eferemu ya vamullakoni eneerekokhwaranya mullakooyo nave khemwaakhullellaka mungelwaaye awoononga wi avollowe mpa mwanyu wi awiipheni.

1 Epilli 21:11

Sika Gadi aawa wa Davide amulleella wi, “Apwiya enallota wi, ‘Mutthoolle munapaalleenyu,