1 Epilli 19:6 - Mawu a Mulluku

⁶ Vano Hanuni ni Aamoni yoonilliiwa wi aamullika Davide, yaarumiha makilogaramu 34,000 a siliva wi yiithanihelle magareta navettho athu oowella va akavalo a o Mesopotamiya, a o Aramaaka ni a o Zoba.

1 Epilli 19:6 ပူးပေါင်းရင်းမြစ်များ

1 Epilli 18:9

Tou, mwene a o Hamati, iiwalleeye wi Davide ahaagonjiha akhoto attheene a Hadadezere, mwene a o Zoba,

1 Epilli 18:5

Vano Asiriya a o Damasiko yawiilliiwa wi emukavihere Hadadezere, mwene a o Zoba, Davide aawiiphavo athu 22,000.

2 Samuele 10:6

Vano Aamoni yoonilliiwa wi aamullika Davide yahaaruma athu wi yaalembe mutteko Asiriya a o Beterehobu ni a o Zoba, akhoto aweeta vatthi 20,000. Yaamulembattho mwene a o Maaka ni athwaaye 1,000 owaakattho athu a o Tobu 12,000.

Genesis 34:30

Yakobo aamulleella Simeoni ni Levi wi, “Hii! Mookittatthamullella ekhoto nave mohunkhiha nnddina naka variyari va athu mwiillaponimmu, Akanani ni Aperezi. Miyaano nginna athu anchichi, sika alliwaalla yatthukumana wi ekihelle ekhoto, miyaano ni nibanja naka nittheene, attheene nineerewoonongiwa.”

1 Atesalonika 4:8

Sika vano, oyo anakhoota ehuddiho yeella khanamukhoota muthu koma Mulluku, oyo anuuvahani munepaaye Waweella.

Luka 10:16

Vano Yesu ahaalleella athu aarumalleeyaalle wi, “Oyo anawiiwellellani nyuwaano anakiiwellella miyaano nave oyo anuukhootani nyuwaano anakikhoota miyaano nave oyo anakikhoota miyaano anamukhoota oyo akirumalle miyaano.”

Masalimo 46:9

Ennamalliha ekhoto va ellapo yavatthi ettheene. Enninttaka muura, ennakotholla nivaka, ennaahella munllo magareta akhoto.

Masalimo 14:3

Koma athu attheene aahollowa, attheene aananara moophwanaphwana, khaavo naari mmodda aneera ddaphaama, khaavo naari ni mmoddeene.

2 Epilli 27:5

Aawana ni mwene Aamoni nave ahaagonjiha. Nave muyakha yooyo Aamoni yaamuvaha makobiri 100 a siliva, mataani 10,000 a tirigu ni mataani 10,000 a barele. Yahaakullella weera ddenndda wa muyakha waneepiilli ni waneeraru.

2 Epilli 25:6

Ahaalembattho akhoto 100,000 amasiva ni oollipa murima ovenyera o Israele va mutengo wa makobiri 3,400 a siliva.

2 Epilli 18:9

Enthawi yeeyo mwene a o Israele ni mwene Yehoshafati a o Yuda yaakeraatthi m'mipandoni ddiwa ddoomwene ewanre ddoowara ddiwa ddoomwene va nipuro noomuuputhellavo tirigu va mullako wa Samariya. Nave anamallotella attheene yaallotella vamiitthoni va mamwenaayo.

2 Epilli 18:5

Vano mwene a o Israele ahaatthukumaniha anamallotellaaye 400 aakoha wi, “Ethiyo niye nawane ekhoto ni Ramoti Giliyadi apaalle kihiyeewo?” Anamallotellaayo yaamwaakhulla wi, “Khaweni vawi Mulluku aneerowuvelleella muzindooyo m'mattani mwanyu.”

2 Epilli 18:3

Ahabu mwene a o Israele aallota wa Yehoshafati mwene a o Yuda wi, “Ethiyo oneerothaanana ni miyaano o Ramoti Giliyadi?” Olliye ahaakhulla wi, “Mi kiri ni nyuwaano nave athwaaka tti aanyu. Hiyaano ninaakhalle ni nyuwaano vakhotoni.”

2 Samuele 8:3

Davide aamugonjihattho Hadadezere, mwaana a Rehobu, mwene a o Zoba, Davidooyo ayeeye omutundani wa muhinje wa Yufurate wi akeraatthihewo omwenaaye.

1 Samuele 27:12

Nave Akishi aanamukhulupilila Davide vooganizani wi, “Davide ohiitthattusa muthu oonanara, awiitiwa ni athwaayeene Aisraele. Ekaamba ya yeella anaakhalle oorumeyellaaka okumaaye muttheene.”

1 Samuele 14:47

Saulo aariiye mwene owaalamulella a Aisraele, aawana ekhoto ni adanaaye attheene. Aawana ni Amowabu, Aamoni, Aedomu, mamwene o Zoba owaakattho Afilisti. Orive weko ayeeyewo aanaagonjiha.

1 Samuele 13:4

Aisraele attheene yahiiwa wi Saulo oomwiipha akhoto muullupalli a Afilisti nave Afilisti ahaashella murima Aisraele. Athu yahiithaniwa wi eye wa Saulo o Giligala.

Eksodo 5:21

Nave yahaalleella wi, “Apwiya yoone mweerilleenyunndda nave yuullakeni vawi mooninanariha vamiitthoni va Farao ni enduna ddaye. Nyuwaano sika muhiyalle nsupada m'mattani mwiwa wi eniiphe hiyaano.”

1 Epilli 19:5

Davide iiwalle ddaweereyelle athwaalle, ahaaruma athu wi yakumanena vawi yaawullihiwa muru wunchichi. Vano mwene aallota wi, “Mukhalleve o Yeriko ophiyera ereru ddanyu ddimelle, vatulli viwa eweeke wuno.”