1 Epilli 18:2 - Mawu a Mulluku

² Nave ahaagonjihattho Amowabu ayo yatthattuwalle oorumeyellaaye nave yaanakhoma musonkho wa olliye.

1 Epilli 18:2 ပူးပေါင်းရင်းမြစ်များ

Yesaya 16:1

Amowabu yaarumihe anamwanankhosa wa oolamulella ellapo ovenyera o muzinda wa Shela, voovirella ettilla ya mu echipululu ophiya o mwaango wa Ziyoni.

Yesaya 11:14

Koma Yuda ni Efuremu eneerewaahella ekhoto Afilisti woovollowa nndduwa. Eneerollipana ni Aedomu ni Amowabu nave eneerewaagonjiha Aamoni.

Masalimo 60:8

Mowabu tti embalaaka yoonawellamo, Edomu tti voonyingallavo esapato ddaka, kineerokhuwa moohakallalla kimugonjihalle Filistiya.

1 Mamwene 10:25

Arive muthu aanawaana emphaso ddaye ddinchichi, ddeko ddoopangiwa ni siliva ni golide, ddoowara, mure,* makhura awunkhella, akavalo ni enyuru.* Nndda ddaaneereya orive muyakha.

1 Mamwene 10:2

Ayiille o Yerusalemunko ni mulloko muullupalli wa oomurumeyellaaye ni ekamira* nnddo ddatukhunlle makhura awunkhella, golide munchichi ni malluku oowallamella mutengo. Aphiyalleeye wa Solomoni aamukoha makoho mattheene aariiyena.

2 Samuele 8:2

Davide ahaagonjihattho Amowabu. Ahaalamula wi ekonaatthi vatthi m'mizereni miraru orive mulloko. Nave orive mulloko aanawiipha athu ayo yaari m'mizereni miilli ddawaamba anaahiya athu a muzere waneeraru. Sika Amowabu attheene yaakhalla akaporo a Davide nave yahaamba okhoma musonkho wa olliye.

1 Samuele 10:27

Koma athu amodda oonanara murima yaallota wi, “Ethiyo muthu yoolla anaawore onivullusa mwawiidde?” Sika yahaamba omuvevulla Saulooyo vawi kheyaamwinnyattho emphaso ddaye. Koma Saulo khallota ello.

Numeri 24:17

Kinooneemi ddiri muhoollo, kinaweheemi ddiri woorekamella. Mwene aneerokhuma mwa Yakobo, wonanko etheneeri aneerokhuma mwa Israele. Aneerewaanyenya oohoollella a Amowabu eneerewaagonjiha athu a Seti.

1 Epilli 18:1

Vatulli viwa Davide ahaahella ekhoto Afilisti nave ahaagonjiha. Sika ahaakha muzinda wa Gati ni mizi ddaye ovenyera wa Afilisti.

1 Epilli 18:3

O Hamati Davide aamugonjihattho Hadadezere, mwene a o Zoba, ayeeye omutundani wa muhinje wa Yufurate wi akeraatthihewo omwenaaye.