1 Epilli 18:13 - Mawu a Mulluku

¹³ Vano aatthipella misasa ddakhoto mu Edomu virive veko mu ellapo ya Edomu nave Aedomu attheene yaakhalla oomurumeyella Davide. Vano Apwiya yaanampambaniha Davide orive weko ayeeyewo.

1 Epilli 18:13 ပူးပေါင်းရင်းမြစ်များ

1 Epilli 18:6

Vatulli viwa Davide aatthipella misasa ddakhoto o Damasiko mu ellapo ya Siriya. Nave Asiriya yaakhalla oorumeyella a Davide nave yahaamba okhoma musonkho wa olliye. Sika Apwiya yaanampambaniha orive weko ayeeyewo.

Genesis 27:37

Isaki aamwaakhulla Esau wi, “Ngoona, koomweeriha khalle olliyooyo wi akhalle apwiyaawo nave Koomuvaha abalaaye attheene wi ekhalle oorumeyellaaye. Koomuvaha ddoocha ni ddoowirya ddinchichi. Vano vihanlle tini yawi kiweerelle weyaano, mwanaka?”

2 Akorinto 11:32

Kaariimi o Damasiko, enduna yuullupalli ya mwene Areta yahaahiya oowehera va millako dda muzinda wi ekimake miyaano.

Masalimo 144:10

Nyuwaano munnaapambaniha mamwene vakhotoni, munnamwaakhiha Davide oorumeyellaanyu onsupadani.

Masalimo 121:7

Apwiya eneerewuuteteza o ddoonanara ddittheddene, eneerosunga okumaawo.

2 Samuele 23:14

Enthawi yeeyo Davide aari munikhunguni mulle nave mulloko wakhoto wa Afilisti waari o Betelehemu.

1 Samuele 14:1

Nllapo nimodda Yonatani mwaana a Saulo, aamulleella musombwe oyo atukhulla ezipangizo ddaye ddakhoto wi, “Hanko nillapuwe niye omisasani dda akhoto a Afilisti okhopella wulle.” Koma khaawaalleelle attiitthinnya.

1 Samuele 13:3

Yonatani aamwiipha akhoto muullupalli a Afilisti oyo aari o Geba nave Afilisti yahiiwa ddenndda. Saulo ahaaruma athu wi yiipe nipallapata ellapo ettheene waallella Aheberi wi yiiwe yeereyilleeyo nave eye okhotoni.

1 Samuele 10:5

Mweeddiiddo muneerophiya o mwaango wa Mulluku o Gibea nko ori akhoto a Afilisti. Nave mwaawaatamellaka muzindooyo muneerokumana ni mulloko wa anamallotella ekitthaka ovenyera o nipuro noollapellamo yiipaka azeze, ekoma ni ezitoliro, ellotellaka.

Numeri 24:18

Ellapo ya Edomu eneerewaakhiwa, mudani Seiri aneerogonjihiwa Koma Israele aneeropambana.

Genesis 27:40

Muttekwaawo onaakhalle woowana ekhoto nave onaamurumeyelleke mwanamunno. Koma wawora wiittaphulla, oneerovenyamo mu olamulellwaaye.”

Genesis 27:29

Athu yuurumeyelleke, mitundu dda athu dduukokhorelleke. Okhalle oolamulella variyari va abalaawo. Navettho edduullu dda amaayo dduukokhorelleke. Etembeleliwe attheene aawuutembelela weyaano nave edalisiwe attheene anuudalisa weyaano.”

Genesis 25:23

Apwiya yaallota wa oolliye wi, “M'mirimani mwawo muri mitundu miilli dda athu. Oneeroyara mitundu dda athu ddoollipana, mwaana mmodda anaakhalle amasiva omukhwaranya mukhwaaye, muullupalli aneerekomurumeyella mung'onong'ono.”

1 Mamwene 11:15

Vawi khalle Davide aariiye mu Edomu, Yowabu, akhoto muullupalli aaya wenko wi aavuhelle Aisraele awiiphiwa. Nave aawiipha allopwana attheene a o Edomu

1 Epilli 18:12

Nave Abishai, mwaana a Zeruya aawiipha Aedomu 18,000 o ntapo na Mwiinyu.

1 Epilli 18:14

Sika Davide aalamulella ellapo ettheene ya Israele nave aaneetiha ddittheddene mweechilungamo ni moohiweha ekhove.

1 Samuele 18:14

Davide aanapambana va ddeko ddittheddene eereeye vawi Apwiya yaari ni olliye.