1 Epilli 17:8 - Mawu a Mulluku

⁸ Nave kaari ni weyaano orive weko wayeewewo nave kahaagonjiha adanaawo attheene weyaano woonaka. Vano kineerewuuvuwiha wonanko athu oovuwesesa va ellapo yavatthi.

1 Epilli 17:8 ပူးပေါင်းရင်းမြစ်များ

1 Epilli 17:2

Nave Natani aallota wa Davide wi, “Erani erive ello munapaalleenyu m'murimani mwanyu vawi Mulluku ari ni nyuwaano.”

1 Samuele 18:14

Davide aanapambana va ddeko ddittheddene eereeye vawi Apwiya yaari ni olliye.

Masalimo 75:7

Koma tti Mullukuve oyo anakamulla millatu, annamukitthiha mmodda amuwelliha mmodda.

Masalimo 71:21

Muneerewoonjerera olemwaaka, muneerokikhurumusattho murima.

Masalimo 46:7

Apwiya Amasiva Mattheene eri ni hiyaano, Mulluku a Yakobo sika woothawella wahu.

1 Samuele 18:28

Koma Saulo adduwenlleeye wi Apwiya yaakhalla ni Davide navettho mwanaye Mikala aanamukonda Davidooyo,

Genesis 28:15

Ngoona, miyaano ngiwa kuuhiya, kineerewuuteteza orive weko oneereewe oyeewo nave kineerewuuhokollosella o ellapo yeella. Ngiwa kuuhiya ophiyera kenre ddittheddene kuulonjezilleeminndda.”

Luka 1:52

Ohaavenyiha mamwene vamipandoni ddiwa dda omwene, koma athu oovevuwa ohaawelliha.

Masalimo 18:1

Kinnuukondani Apwiya, masivaaka.

Ezara 4:20

Nave mamwene amasiva yaakhalla elamulellaka mu Yerusalemu ni echigawo ettheene ya vakhopella wa muhinje yaakhellaka kasitomu, musonkho ni erive ello.

1 Epilli 17:17

Nyu Mulluku, ddittheddenenndda ddaari ddooyeva vamiitthoni vanyu. Nyu Apwiya Mulluku mwaalonjezattho nibanja naka dda enthawi yuullupalli yamuhoollo nave mookooniha mibado ddamuhoollo, nyu Apwiya Mulluku!

2 Samuele 22:1

Nllapo nno Apwiya yamuvullusalliiwa wa adanaaye attheene owaaka wa Saulo,

2 Samuele 8:8

Mwene Davide aawaana mikoko ddamukuwa ddinchichi ovenyera o Beta ni o Berotayi, mizinda ddalamulelliwa ni Hadadezere.

2 Samuele 8:6

Vatulli viwa Davide aatthipella misasa ddakhoto o Damasiko mu ellapo ya Siriya. Nave Asiriya yaakhalla oorumeyella a Davide nave yahaamba okhoma musonkho wa olliye. Sika Apwiya yaanampambaniha orive weko ayeeyewo.

2 Samuele 7:9

Nave kaari ni weyaano orive weko wayeewewo nave kahaagonjiha adanaawo attheene weyaano woonaka. Vano kineerewuuvuwiha wonanko athu oovuwesesa va ellapo yavatthi.

1 Samuele 26:10

Nave Davide ahaalleella wi, “Kinnadduwella wi Apwiya sika enaamwiiphe apaalle nllapo naye nakwakhwana wi akhwe apaalle aniiphiwe okhotoni.

Masalimo 46:11

Apwiya Amasiva Mattheene eri ni hiyaano, Mulluku a Yakobo sika woothawella wahu.

1 Epilli 17:7

“Sika vano wamulleelle oorumeyellaaka Davide wi mi Apwiya Amasiva Mattheene kinallota wi, ‘Kahuukusa woochiha enkhosa wi okhalle mwene owaalamulella athwaaka Aisraele.

1 Epilli 17:9

Nave kineerewaatthoollella nipuro athwaaka Aisraele nave kineerewaakeraatthiha wenko wi ekhalle ni nipuro nayiwanayiwa wi ehihoowekettho. Nave athu oohilungama khewa yaahoosattho wonanko khalle

1 Epilli 14:17

Ovuwa wa nnddina na Davide waamwareyella mu ellapo ddittheddene nave Apwiya yaaweeriha athu a mitundu ddittheddene wi emooveke.