1 Epilli 17:27 - Mawu a Mulluku

²⁷ Sika vano kinuuvekani wi mudalise nibanja na mi oorumeyellaanyu wi nikhallekewo wa enthawi yoohimalla vamiitthoni va nyu, Apwiya Mulluku. Vawi eyo muyidalisalleenyu enakhalla yoodaliseya wa enthawi yoohimalla.”

1 Epilli 17:27 ပူးပေါင်းရင်းမြစ်များ

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

Aroma 11:29

Vawi Mulluku khanasintha maganizwaaye aawiithanaka athu apaalle aawaavahaka emphaso.

Masalimo 72:17

Nnddina naye nihitiwalliwe naari vang'ono, epillaaye ekhallevove wonanko nndduwa. Athu yaakhelle madaliso ekaamba ya olliye, mitundu dda athu ddittheddene ddimweere oodala.

Genesis 27:33

Vaavo Isaki ahaamba otthukumella wunchichi nave aakoha wi, “Ethiyo olle asayille enama awaana wa miyaano ttaani? Koocha khalle yeeyo, weyaano ohinawe. Koomudalisa khalle nave madaliso yaayo tti aaye wa enthawi yoohimalla.”

1 Epilli 17:26

Vano nyu Apwiya, nyu tti Mulluku nave moolonjeza ello yaphaameella wa oorumeyellaanyu.

1 Epilli 18:1

Vatulli viwa Davide ahaahella ekhoto Afilisti nave ahaagonjiha. Sika ahaakha muzinda wa Gati ni mizi ddaye ovenyera wa Afilisti.

1 Epilli 28:4

Koma Apwiya Mulluku a Israele aakitthoolla variyari va attheene a mu nibanja mwahu wi kikhalle mwene a Israele wa enthawi yoohimalla vawi yaamutthoolla Yuda wi akhalle oohoollella a malloko mattheene nave ovenyera o nlloko na Yuda yaatthoollawo nibanja na attiitthaaka. Nave variyari va anamwani a attiitthaakaayo ddaamuhakallalliha Mulluku okitthoolla wi kikhalle mwene a Israele muttheene.

Masalimo 21:6

Ddawoona, moomudalisa wa enthawi yoohimalla, moomuhakallalliha ni ophwanyeya wanyu.

Numeri 23:20

Ngoonani, koolamuliwa wi kaadalise. Mulluku adalisa, miyaano ngiwora osintha.

Deuteronomo 15:6

Apwiya eneerewuudalisani moollikana ni mmo yalonjezilliiwa. Muneerokongoliha mitundu ddinchichi koma nyuwaano khamuwa mukongola o orive mutundu. Nave muneerolamulella mitundu ddinchichi koma khamuwa mulamuliwa ni orive mutundu.

1 Mamwene 2:33

Sika vano nikhame nineeromorella va Yowabu ni va edduullu ddaye wa enthawi yoohimalla. Koma murendelle wa Apwiya okhalle va Davide ni edduullu ddaye ni va mpandwaaye woomwene wa enthawi yoohimalla.”

1 Mamwene 2:45

Koma Apwiya eneerokidalisa mi Solomoni ni mpando woomwene wa Davide oneerokeraatthihiwa o enthawi yoohimalla.”