1 Epilli 17:24 - Mawu a Mulluku

²⁴ Sika nnddina nanyu nineerovuwihiwa ni otitimihiwa wa enthawi yoohimalla voollotani wi, ‘Apwiya Amasiva Mattheene, Mulluku a Israele, tti Mulluku a Israele.’ Nave nibanja na oorumeyellaanyu Davide nineerokeraattheya vamiitthoni vanyu wa enthawi yoohimalla.

1 Epilli 17:24 ပူးပေါင်းရင်းမြစ်များ

Yawuupullulla 21:3

Kahiiwa mawu oowella ellotiwaka ovenyera o mpando woomwene awi, “Vano enyumba ya Mulluku eri variyari va athu! Aneerokhalla ni athwaayo navettho eneerokhalla athwaaye. Mulluku aneerokhallana vamodda nave aneerokhalla Mullukwiiwa.

1 Petro 4:11

Arive muthu anallalleya, allalleyeke othenga wa Mulluku, arive muthu anarumeyella, arumeyelleke ni masiva oovenyera wa Mulluku wi mu ddeko ddittheddene ntitimiho niyeeke wa Mulluku oweella mwa Yesu Khrisitu. Wa olliye okhalle ntitimiho ni masiva wa enthawi yoohimalla. Amen.

Aheberi 11:16

Koma yatiyera ellapo yaphaama oddullu ohiyana ni ellapo yoowaniwa. Ella sika ekaambiiwa Mulluku ahinawulliweeyena muru yaamuromollaka wi Mullukwiiwa. Nave ahaamakella muzinda woohimalla.

Aheberi 8:10

Vano ella sika echipangano kineereemi kikeraatthihe ni Aisraele m'mallaponi enawaayo, enallota tti Apwiya. Kineerewiiyaatthi malamulwaaka m'maganizoni mwiwa ni waalemba m'murimani mwiwa. Kineerokhalla Mullukwiiwa, nave alliwa eneerokhalla athwaaka.

Afilipi 2:11

Nave ddittheddene ddineerewaakhullella wi, “Yesu Khrisitu tti Apwiya,” o ntitimiho na Mulluku Attiitthiihu.

Yohane 17:1

Yesu amanlleeye ollota nndda aaweha oddullu allota wi, “Attiitthaaka, enthawi yoophiya. Kititimiheni miyaano Mwaninyu wi nameenettho kuutitimiheni nyuwaano.

Yohane 12:28

Sika Attiitthaaka onihellani ntitimiho nanyu!” Vano mawu yahiiweya ovenyera oddullu awi, “Kohooniha ntitimiho naka nave kineerewooniha wiilli.”

Mateyu 6:13

Muhinikuselle woweesiwa, koma munivulluse wa Oonanarooyo.

Mateyu 6:9

Vano muvekelleke mwawi ddiidda, Attiitthiihu ooddullu, nnddina nanyu naweella nititimihiwe,

Yeremiya 31:1

Apwiya enallota wi, “Va enthawi yeeyo kineerokhalla Mulluku a mabanja mattheene a Israele nave alliwa eneerokhalla athwaaka.

Masalimo 90:17

Nyu Apwiya Mullukwaahu, muneerelle echifundo, mukeraatthihe nnddo nineereehu, ddawoona, mukeraatthihe mitteko dda mattaahu.

Masalimo 72:19

Nnddina niwa nootitimiheya nidaliseye wa enthawi yoohimalla, otitimiheya wiwa oddalle ellapo yavatthi ettheene. Amen! Amen!

Masalimo 21:13

Nyu Apwiya mutitimiheye ekaamba ya masivaanyu, nineerewiipa ni otetheella masivaanyu muullupalli.

2 Epilli 6:33

nyu mwiiwe oddullu munakhalleenyuwo nave mweere nnddo mulletooyo uuvekilleeyeni. Mweere ddenndda wi athu attheene a va ellapo yavatthi edduwelle nnddina nanyu nave ewoovekeni monga eneerella Aisraele athwaanyu nave edduwelle wi enyumba ella kiyimankeemi enadduwanyeya ni nnddina nanyu.

1 Epilli 17:23

Nyu Apwiya musungeke lonjezo nanyu mwallotilleenyu wa oorumeyellaanyu navettho dda nibanja naye wi nikeraatthihiwe wa enthawi yoohimalla nave mweere moollikana ni mmo mwallotilleenyu.

1 Epilli 17:25

Nyu Mullukwaaka, mookiwululella mi oorumeyellaanyu wi muneerokeraatthiha nibanja naka. Sika miyaano oorumeyellaanyu koollipa murima wi kuuvekelleni.

Yeremiya 38:17

Vano Yeremiya aamulleella Zedekiya wi, “Apwiya Amasiva Mattheene, Mulluku a Israele, eni, ‘Mwiivelleella wa enduna dda mwene a o Babiloni muneerokhalla ni okumi nave muzindoolla khewuhella munllo navettho nyu ni nibanja nanyu muneerokhalla ni okumi.