1 Epilli 17:21 - Mawu a Mulluku

²¹ Ethiyo tti athu aavi va ellapo yavatthi enaphwanaphwana ni athwaanyu Aisraele ayo mwaavullusalleenyu wi ekhalle aanyu? Mwahaavullusa ovenyera o Iguputo nave mwaheera ddeko dduullupalli ddawoopiha voowiikarihani mitundu ddimodda vamiitthoni viwa. Mmu sika mwavuwihelleenyu nnddina nanyu.

1 Epilli 17:21 ပူးပေါင်းရင်းမြစ်များ

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Yesaya 64:3

Enthawi emodda mwaakittha vatthimva mweera ddeko ddawoopiha nnddo nahidditiyerelleehu. Miyaango ddaatthukumella ni woova voowoonani.

Yesaya 63:12

Ethiyo ttaani oyo eerille ddeko ddoottikhiniha ni masivaaye muullupalli oweella mwa Mose? Ahaakawa maaddi a mu enyanja athwaaye yoonaka wi nnddina naye nititimihiwe wa enthawi yoohimalla.”

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Yesaya 48:9

Kineeroselliha osha murima waka ekaamba ya nnddina naka kineerohokollosa osha murima waka ekaamba ya ntitimiho naka.

Masalimo 147:20

Kheyaaweerille nndda wa athu a mitundu ddimodda sika kheyaadduwella malangizwiiwa. Aleluya!

Masalimo 111:9

Yahaavullusa athwiiwa, yaakeraatthiha echipanganwiiwa wi ekhalle ya enthawi yoohimalla. Nnddina niwa tti naweella ni nawoopiha.

Masalimo 107:2

Ellote ddiiddo awoopolliwa a Apwiya, ayo yaavullusalliiwa o ddookatamiha.

Masalimo 77:15

Ni nnatta nanyu namasiva, mwaawoopolla athwaanyu, edduullu dda Yakobo ni Yosefe.

Masalimo 65:5

Nyu Mulluku, oonivullusaahu, munnanaakhulla voonivullusani ni mitteko ddanyu ddoottikhiniha. Athu a va ellapo yavatthi ettheene vakhopella va enyanja ya woorekamella attheenaayo ennuuroromellani.

Nehemiya 9:10

Mwaheera ezizindikiro ni ddoottikhiniha ddoomuvaanyihana Farao, allupa muttekwaaye ni athu attheene a mwiillaponi mwaye vawi mwaadduwella mmo aahooselleeye makhollwaahu. Sika ekaambiiwa epillaanyu evuwalliiwa ophiyera ollello.

Yoswa 10:42

Yoswa ahaagonjiha mamwene mattheenaalla ni ellapo ddiwa enthawi yeella ekaamba yawi Apwiya Mulluku a Aisraele sika aawanella ekhotweeyo.

Deuteronomo 15:15

Muupuwelleke wi nyuwaano mwaari akaporo o Iguputo nave Apwiya Mullukwaanyu yaawoopollani. Ella sika ekaambiiwa kinawinnyeemini lamulo nenna ollellova.

Deuteronomo 4:7

“Ethiyo tti mutundu muullupalli oovi oyo ori ni milluku ddookhalla vakhuviru ni alliwa wonanko mmo Mullukwaahu anakhallelleeye ni hiyaano? Vawi erive enthawi namwiithana olliye annanaakhulla.

Eksodo 6:6

Sika weyaano waalleelle Aisraele mawaaka awi, ‘Mi tti Apwiya. Nave kineerewuukhumihani mu okaporo m'mattani mwa Aiguputo nave kineerewuuvullusani o mutteko wa kalavulagaga. Nave kineerowoopollani ni nnatta naka namasiva ni ollaka wawoopiha.

1 Epilli 17:20

Moollikana ni nnddo niiwalleehu khaavo ari oophwanaphwana ni nyuwaano nave khaavo Mulluku mmodda koma nyeeneve.

1 Epilli 17:22

Nave mwaaweera Aisraele, okhalla aanyu aanyu wa enthawi yoohimalla nave nyu Apwiya mwaakhalla Mullukwiiwa.

Yeremiya 32:21

Ni nnatta nanyu namasiva muullupalli ni muwonwaanyu weekophollo mwahaakhumiha athwaanyu Aisraele o Iguputo vaweerani echizindikiro ni ddoottikhiniha nnddo ddawoopihalle adanaahu.