1 Epilli 17:16 - Mawu a Mulluku

¹⁶ “Nyu Apwiya Mulluku, mi kiri aani nave nibanja naka tti tini wi mooniphiyiha vaava? Vano mwene Davide aavollowa m'musasani moollapellamo. Ahaamba ollapella vamiitthoni va Apwiya nave aavekella wi miyaano khe ello vooganizellani nnddo mweerilleenyu wa miyaano navettho o nibanja naka.

1 Epilli 17:16 ပူးပေါင်းရင်းမြစ်များ

2 Samuele 7:18

Vano Davide aavollowa mumusasani wowaallapellamo Apwiya. Akeraatthi anavekella allotaka wi, “Nyu Apwiya Mulluku, mi kiri aani nave nibanja naka tti tini wi mooniphiyiha vaava?

Genesis 32:10

Miyaano ngiphwanenlle waakhella echikondi yoohisintheya ni echikhulupililo yoororomelleya mukoonihalleenyu mi oorumeyellaanyu. Kamullapuwalle Yordani kihinna erive ello koma kaarina ekopove koma vano kinahokollowa ni milloko miillinndda.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

Masalimo 144:3

Nyu Apwiya, “Muthu ttaani wi mumuupuwelleke? Muthu ttaani wi mumpwatheke?”

1 Samuele 9:21

Saulo ahaakhulla wi, “Mi tti a nlloko na Benjamini, nlloko ning'onong'ono variyari va malloko mattheene Aisraele. Nibanja naka tti nibanja ning'onong'ono mu nlloko na Benjamini. Kaambiiwa tini munakillotelleenyu ddawi ddiidda?”

1 Samuele 7:12

Enre ddiiddo, Samuele aakusa nlluku aniimesa variyari va Mizipa ni Shene aninnya nnddina nawi Ebenezeri ottaphullella wi, “Nlluku na nikavihero,” Vawi aallota wi, “Ophiyera ollello Apwiya ennanikavihera.”

2 Akorinto 1:10

Aanivullusa ovenyera o ddawoopiha dda okhwa nave aneeronivullusattho nave etiyerellwaahu eri mwa olliye wi aneeronivullusattho wiilli.

Mitteko 26:22

Nave ophiyera ollello Mulluku sika akikavihere nave kiimenlle vaava ovelleella omboni wa athu attheene, attekweene ni aniiwa. Kinalloteeminndda ddaallotiwattho ni anamallotella owaaka Mose wi ddineereweereya,

2 Mamwene 19:14

Hezekiya aamwaakhella kalata ovenyera wa amithengaalle nave aamweerenga. Vaavo aaya o enyumba ya Apwiya amuhiya kalatooyo mwemmo vamiitthoni va Apwiya

Oweeruza 6:15

Gideoni ahaakhulla wi, “Nyu Apwiya, kinaawore mwawiidde waavullusa Aisraele? Erukullwaahu tti yoofooka wunchichi mu nlloko na Manase nave miyaano tti mung'onong'ono munibanjani mwahu.”

1 Epilli 17:15

Natani aallota ni Davide moollikana ni mawaalla nave ni mmo oonilleeye m'masomphenya.

1 Epilli 17:17

Nyu Mulluku, ddittheddenenndda ddaari ddooyeva vamiitthoni vanyu. Nyu Apwiya Mulluku mwaalonjezattho nibanja naka dda enthawi yuullupalli yamuhoollo nave mookooniha mibado ddamuhoollo, nyu Apwiya Mulluku!

1 Epilli 29:14

“Koma mi kiri aani nave athwaaka eri aani wi ttuuwora ovelleella mwa opaalla wahu? Valle ddeko ddittheddene ddinavenyera wa nyuwaano nave ninavelleellaahu tti ddaanyu.

2 Epilli 1:8

Nave Solomoni aallota wa Mulluku wi, “Mwaawooniha echikondi yuullupalli ni yoohisintheya wa attiitthaaka Davide nave mookivollochiha omwene munipuroni mwiwa.