1 Epilli 17:11 - Mawu a Mulluku

¹¹ Mallapwaawo yakwakhwana wi okhwe, kineeromutthoolla mmodda a anaawo wi akhalle mwene nave kineerokeraatthiha omwenaaye.

1 Epilli 17:11 ပူးပေါင်းရင်းမြစ်များ

Masalimo 132:11

Apwiya yaamullupellella Davide moomusimikizella wi khewa esintha, yaallota wi, “Kineeromukeraatthiha va mpando woomwene mmodda a edduullu ddawo.

Mitteko 13:36

Vawi Davide amallihalle orumeyella ddoopaalla dda Mulluku mu mallapwaaye aakhwa. Nave aavitthiwa vamodda ni makhollwaaye nave mwiillaaye wahuntella mu mahame.

Mitteko 2:29

“Aisraele akhwaaka, kinaphwanella wi kuulleelleni moosimikizella dda nikhollo nahu Davide. Aakhwa avitthiwa mu mahame nave mahamaaye aakhallavo ophiyera ollello.

1 Epilli 29:28

Vano aakhwa uulluvanlle phaama. Aakhalla ni mallapo manchichi, eyuuma ni olemu nave Solomoni mwanaye aavollowa omwene munipuroni mwaye.

1 Epilli 29:15

Vawi hi tti alleto vamiitthoni vanyu, niri wonanko alleto mwiillaponi yaaneena monga makhollwaahu. Mallapwaahu ookhalla va ellapo yavatthi eri wonanko muuthuuchi nave khe voollekelliwa.

1 Epilli 28:5

Sika Apwiya aakivaha anamwani anchichi nave mwa attheenaayo aamutthoolla Solomoni wi akhalle va mpando woomwene wa Apwiya wi alamulelle Israele.

1 Mamwene 8:20

Solomoni aallota wi, “Vano Apwiya aakwakhwaniha nnddo yalonjezilliiwa vawi koovollowa omwene wa attiitthaaka Davide nave kiri mwene a Aisraele. Nave koomaka enyumba yoollapellellamo nnddina na Apwiya Mulluku a Aisraele.

1 Mamwene 2:10

Vano Davide aakhwa aavitthiwa mu muzinda wa Davide.

1 Mamwene 1:21

Mwaaheera ddiiddo nyu apwiyaaka amwene, mi ni mwanaka Solomoni ninooniwe wonanko oowukila mwakhwa.”

Deuteronomo 31:16

Apwiya yaallota ni Mose wi, “Enthawi ya okumaawo ehanlle vang'ono. Sika vatulli viwa athwaalla eneerotathilla echipangano kikeraatthihalleemi ni alliwa vookihiyani miyaano ni waamba ollapella milluku dda ellapo enaayaakhiiwa.

Genesis 15:15

Vano weyaano oneerokhalla ni okumi enthawi yoorekama nave oneerokhwa mwamurendelle. Oneerovitthiwa mu mahame wuulluvanllesese.

1 Mamwene 8:19

Vano weyaano khomaka enyumbeeyo koma mwanawo sika anaamake enyumbaakeeyo.’ ”

1 Epilli 17:10

ni ovenyera enthawi elle kaatthoollilleemi oweeruza athwaaka Aisraele nave kohaagonjiha adanaawo attheene. Sika kinimuulonjeza wi mi Apwiya kineerokeraatthiha nibanja nawo.

1 Epilli 17:12

Yooyo sika anaakimakelle enyumba nave kineerokeraatthiha mpando wa omwenaaye wa enthawi yoohimalla.

Yeremiya 33:17

Ddawoona, miyaano Apwiya kinalonjeza wi Davide khawa arama edduullu yoovollowa munipuroni mwaye va mpandwaaye woomwene wa Israele.

2 Epilli 6:9

Vano weyaano khomaka enyumbeeyo koma mwanawo sika anaamake enyumbaakeeyo.’ ”

Masalimo 89:5

Nyu Apwiya, ddooddullu ddinnatitimiha ddoottikhiniha ddanyu, ororomelleya wanyu, m'mutthukumanoni wa aweella.