1 Epilli 17:1 - Mawu a Mulluku

¹ Davide akeraattheyille mu enyumbaaye yoomwene, nllapo nimodda aallota wa Natani, namallotella wi, “Ngoonani, miyaano kinakhalla mu enyumba yoomwene yoomakiwa ni miteekho ddamukunguza koma nibokosi na echipangano na Apwiya ninakhalla m'musasani.”

1 Epilli 17:1 ပူးပေါင်းရင်းမြစ်များ

1 Epilli 17:5

Miyaano nginakhalleke mu enyumba waambeella nllapo nne kaakhumihalleemi Aisraele mu ellapo ya Iguputo ophiyera ollello. Kookhalla kiyaaka nngu ni nngu nave mookhalla mwaka mwaari m'musasani.

1 Epilli 15:1

Davide aamaka enyumba ddimodda mu muzinda wa Davide. Nave aakhoza nipuro na nibokosi na echipangano na Apwiya atthipella musasa moohiyamo nibokosinno.

Hagai 1:9

“Mookhalla mutiyerellaka ddoohata ddinchichi koma muhatille vang'ono. Mvo mwahateenyu ddoohata ddanyu, miyaano kaaddivaviha. Vano mi Apwiya Amasiva Mattheene kinnallota wi, keerella tini valle ddenndda? Ekaambiiwa tti yawi miyaano enyumbaaka tti ntepe vawi arive muthu aviheeriwalle ni omaka enyumbaaye.

Hagai 1:4

“Ethiyo ddenndda tti ddaphaama wi nyuwaano mukhalleke mu enyumba ddoomakiwa phaama, enyumbaaka eri ntepe ddiidda?

Daniele 4:4

Miyaano Nebukadinezara kaanakhalla mwamurendelle mpa mwaka nave ddaanakeetella phaama mu enyumbaaka yoomwene.

Yeremiya 22:15

Ethiyo onaganiza wi ori mwene kaambiiwa enyumba ddawo tti ddamukunguza? Attiittho yaakhalla ni erive ello, yaaneeruza moolungama ni moohiweha ekhove, ddittheddene ddaanaweetella phaama.

Masalimo 132:5

ophiyera kaaphwanyenlle Apwiya nipuro, mookhalla Amasiva Mattheene a Yakobo.”

2 Epilli 1:4

Koma Davide aawaana nibokosi na echipangano na Apwiya ovenyera o Kiriyati Yearimu aphiyana o nipuro nko akhozilleeye vawi aanitthipellella musasa o Yerusalemu.

1 Epilli 29:29

Vano mitteko dda mwene Davide ovenyera vawaamba ophiyera omamallihello wiwa ddoolembiwa mu nibukhu na epilli ya namallotella Samuele ni mu nibukhu na epilli ya namallotella Natani ni mu nibukhu na epilli ya namallotella Gadi.

1 Epilli 16:1

Vano athu yaawaana nibokosi na Mulluku nave yaanihiya va nipuro niwa muwari mwa musasa atthipenlle Davide. Vano yaavelleella mikutho ddooshellelliha ni dda eyaattano wa Mulluku.

1 Epilli 14:1

Nave Hiramu, mwene a o Tiro ahaarumiha amithenga wa Davide ni miteekho ddamukunguza vamodda ni athu eeruso yoodduwella omaka voopharihellani mutteko malluku ni matabwa wi yamumakelle enyumba yoomwene.

1 Mamwene 1:44

Ahaarumiha mullupa mukutho Zadoki, namallotella Natani, Benaya mwaana a Yehoyada, Akereti ni Apeleti emuwellihe va bulu a mwene.

1 Mamwene 1:23

Sika athu yaamulleella mwene wi, “Namallotella Natani oophiya.” Nave Natani aphiyalleeye vamiitthoni va mwene aakokhora moovelleella olemu.

1 Mamwene 1:8

Koma mullupa mukutho Zadoki, Benaya mwaana a Yehoyada, namallotella Natani, Shimeyi, Reyi ni akhoto amasiva a Davide kheyaamuthwanre Adoniya.

2 Samuele 12:25

Nave yaarumiha mawu oweella mwa namallotella Natani wi mwaanooyo nnddina naye nikhalle Yedidiya kaambiiwa Apwiya yaamukonda.

2 Samuele 12:1

Vatulli viwa Apwiya yaamuruma namallotella Natani wa Davide, aamulleella niphwanaphwaniho nawi, “M'muzindani mmodda mwaakhalla athu eelli, mmodda eeyuuma, mmodda oohoowa.

2 Samuele 6:17

Vano athu yaawaana nibokosi na Apwiya nave yaanihiya va nipuro niwa muwari mwa musasa atthipenlle Davide. Vano yaavelleella mikutho ddooshellelliha ni dda eyaattano wa Mulluku.

Mitteko 7:46

Mulluku aamukonda Davide nave olliyooyo aamukoha Mullukooyo wi amwaakhullelle wi am'makelle enyumba Mulluku a Yakobo.

1 Mamwene 8:17

Nave Solomoni aavirellella wi, “Attiitthaaka Davide yaaganiza ddoomaka enyumba ya Apwiya mowaallapellellamo Apwiya Mulluku a Aisraele.

1 Epilli 17:2

Nave Natani aallota wa Davide wi, “Erani erive ello munapaalleenyu m'murimani mwanyu vawi Mulluku ari ni nyuwaano.”

1 Epilli 22:7

Davide aallota wa Solomoni wi, “Mwanaka, mi kaganiza m'murimani mwaka wi kaamakelle enyumba Apwiya Mullukwaaka.

1 Epilli 28:2

Vano mwene Davide ahiimella allota wi, “Nyu asinnaka ni athwaaka, kaapelleni maaru. Kaakhalla ni maganizo m'murimani mwaka awi kimake enyumba yoohiyamo nibokosi na echipangano na Apwiya nno ninaakhalle wonanko nipuro noonyingallavo Apwiya Mullukwaahu. Nave kaakhozekella khalle ddoomaka enyumbeeyo.”

Eksodo 26:1

“Amake musasa wamutthukumano voopharihani mutteko ekuwo ddabafuta aphaama khumi navettho ni ekuwo ddabululu, ddooreera ddoofiira ni ddoofiira. Ekuwo ddenndda addipete phaama ni ezithuzi dda akerubi.*

1 Epilli 22:6

Vano aamwiithana mwanaye Solomoni amulamula wi amake enyumba ya Apwiya Mulluku a Israele.