1 Epilli 16:31 - Mawu a Mulluku

³¹ Ddooddullu ddihakallalle, ddavatthimva ddithapelle! Alleelleni athu attheene wi, “Apwiya sika enalamulella!”

1 Epilli 16:31 ပူးပေါင်းရင်းမြစ်များ

Masalimo 96:10

Llalleyani wa mitundu ddittheddene dda athu wi, “Apwiya sika mwene. Ellapo yavatthi yaakeraatthihiwa moollipa, khewa etikheya. Eneereweeruza mitundu ddittheddene dda athu mweechilungamo.”

Yawuupullulla 19:6

Nave kahiiwa onyakulla wonanko wa mulloko muullupalli wa athu, awiiweya wonanko onyakulla wa maaddi manchichi navettho wonanko ogugudeya wa murimu wuullupalli. Kaawiiwa ellotaka wi, “Aleluya! Vawi Apwiya, Mullukwaahu Amasiva Mattheene, sika ari mwene!

Masalimo 99:1

Apwiya tti mwene, mitundu dda athu dditthukumelle! Ennakeraatthi variyari va akerubi,* ellapo yavatthi etikheye!

Masalimo 97:1

Apwiya sika mwene, athu a va ellapo yavatthi ehakallalle, athu attheene a mukhwipi mwa enyanja ethapelle.

Yesaya 49:13

We oddullu, ipa moohakallalla, we ellapo yavatthi, thapella! Nyu miyaango, ambani nchipo! Apwiya ahaakhurumusa murima athwiiwa, aaweerella echifundo athwiiwa oohoowa.

Masalimo 98:4

Nyu ellapo yavatthi ettheene, khuwellani moohakallalla wa Apwiya, wiipelleni moothapella machipo owaatitimiha.

Luka 15:10

Sika, kinimuulleellani wi, emoddamoddave yeeyo angelo a Mulluku ennahakallalla kaambiiwa muthu oochimwa mmodda oorukunuwa murima.”

Luka 2:10

Koma mungelooyo aallota wi, “Muhoove! Vawi kiwiille wi kuulleelleni othenga waphaama, oyo onaahakallallihe athu attheene a mu ellapwaanyu.

Mateyu 6:13

Muhinikuselle woweesiwa, koma munivulluse wa Oonanarooyo.

Yesaya 44:23

Nyu ddamuddullu, ipani moohakallalla vawi Apwiya aaphara mutteko. Nyu mapuro oowallamella a ellapo yavatthi, khuwani! Nyu miyaango, ambeellani machipo! We otthako ni miteekho ddawo ddittheddene. Ipani kaambiiwa Apwiya aamoopolla Yakobo, yohooniha ntitimiho niwa mwa Israele.

Yesaya 33:22

Vawi Apwiya sika ooneeruzaahu, Apwiya sika oonilamulellaahu, Apwiya sika mwenaahu nave alliwa sika enaanivulluse.

Masalimo 145:1

Nyu Mullukwaaka, mwene, kineerewuutitimihani, kineeroriiha nnddina nanyu wa enthawi yoohimalla.

Masalimo 89:5

Nyu Apwiya, ddooddullu ddinnatitimiha ddoottikhiniha ddanyu, ororomelleya wanyu, m'mutthukumanoni wa aweella.

Masalimo 19:1

Ddooddullu ddinnallalleya otitimiheya wa Mulluku, omiraponi onnooniha mitteko dda mattaaye.

1 Epilli 16:30

tthukumellani vamiitthoni viwa, nyu athu attheene a va ellapo yavatthi, ddawoona, ellapo yavatthi yookeraattheya moollipa, yoohitikheya!

Masalimo 47:8

Mulluku annalamulella mitundu ddittheddene dda athu, annakeraatthi va mpandwaaye woomwene waweella.