1 Epilli 16:3 - Mawu a Mulluku

³ Vano ahaakawella Aisraele attheene, allopwana ni atthiyana arive muthu mwitthi wa buledi, enthuli ya enama navettho keke ampesa.

1 Epilli 16:3 ပူးပေါင်းရင်းမြစ်များ

Ezekiele 45:17

Nave mwene avelleelleke ddoopaalleya va mikutho ddooshellelliha, mikutho dda yoocha, mikutho dda ddoowirya va mallapo a Ehakallallo ya Wooneya wa Mweeri, a Sabata ni mamodda ayo Aisraele enaasungiiwa. Mwene avelleelleke ddoopaalleya va mikutho ddoopepesella, mikutho dda yoocha, mikutho ddooshellelliha ni mikutho ddeeyaattano wi ddivenyihe machimo a Aisraele.”

Nehemiya 8:10

Sika aallota wi, “Khaweni mwache machellello ni omuwirya vinyo ooddiva. Mukawanena athu ayo ehinna ddookwakhwanella vawi ollello tti nllapo naweella wa Apwiya Mullukwaahu. Vano muhimoriwe ethakaraka vawi ehakallallo ya Apwiya sika masivaanyu.”

1 Petro 4:9

Mwaakhellaneke mu enyumba ddanyu moohiwinya.

2 Epilli 30:24

Hezekiya mwene a o Yuda aavelleella anankhoro eeng'ombe 1,000 ni eenkhosa 7,000 nave enduna ddaye ddaavelleella anankhoro 1,000 eeng'ombe ni eenkhosa 10,000 o mutthukumanonko. Nave allupa mukutho anchichi yaaddeelliha.

1 Epilli 16:2

Vano Davide amallihalle ovelleella mikuthonnddo, ahaadalisa athu mu nnddina na Apwiya.

1 Epilli 16:4

Nave ahaatthoolla Alevi amodda wi erumeyelleke o nibokosi na echipangano na Apwiya ni wi evekelleke, yaathokozeke ni waallapella Apwiya Mulluku a Israele.

Nchipo na Solomoni 2:5

Mukillipihe ni ezipaso ddawumma, mukihihimulle ni mapulosi, vawi kinavoriiwa echikondi.

Yesaya 16:7

Sika ahiyeni Amowabu wi yinlle wunchichi, attheenaayo yinllelle mutundwiiwa. Nave yinlle mootathilla murima ekaamba ya makeke a mpesa ayo yaachiiwa o Kiri Haresefi.

Hoseya 3:1

Vano Apwiya yaakilleella wi, “Khawettho wamukonde mwaariyo ooraruwa oyo ari ni ezibwenzi ddaye. Omukonde wonanko mmo kinamukondelleemi Israele naari allapellaka milluku ddimodda ni ooddivelliwa ovelleella mikutho ddampesa wawumma.”

1 Mamwene 3:15

Solomoni aavenya nave aadduwella wi aamalloha. Vano aaya o Yerusalemu iimella vahoollo va nibokosi na echipangano na Apwiya avelleella mikutho ddooshellelliha ni mikutho ddeeyaattano dda Apwiya. Vano ahaakhozella machellello oorumeyellaaye.