1 Epilli 16:29 - Mawu a Mulluku

²⁹ Tthamallani ntitimiho na nnddina na Apwiya, wannani ddoovelleella m'mathatoni a enyumbiiwa. Allapelleni Apwiya antitimiho ni aweella,

1 Epilli 16:29 ပူးပေါင်းရင်းမြစ်များ

Masalimo 100:4

Vollowani va millako ddiwa mwaathokozaka, khaweni m'mathatoni mwiwa mwaatitimihaka, athokozeni Apwiya, titimihani nnddina niwa.

Yesaya 6:3

Aserafaayo yaanakhuwellana wi, Aweella, aweella, aweella tti Apwiya Amasiva Mattheene! Ntitimiho niwa nooddalla ellapo yavatthi ettheene.

Masalimo 96:9

Allapelleni Apwiya antitimiho ni aweella, tthukumellani vamiitthoni viwa, nyu athu attheene a va ellapo yavatthi.

Masalimo 96:6

Ntitimiho ni omwene ddiri vamiitthoni viwa, masiva ni oreera ddiri mpa mwiwa.

Masalimo 95:2

Hankoni naphiye vamiitthoni viwa, naathokoze, hankoni naakhuwelle moohakallalla ni machipo.

Masalimo 29:2

Titimihani oriiheya wa nnddina na Apwiya, llapellani oreera wa weella wiwa.

Masalimo 72:15

Akhalle ni okumi wawaata! Golide o Sheba avahiwe wa olliye. Athu emuvekellelleke enthawi ettheene, emuvekellelleke moohihiyerera madaliso oohimalla.

Yawuupullulla 7:12

Yaanallota wi, “Amen! Odalisa, otitimiha, ezeru, othokoza, oriiheya, masiva, ollipiha tti dda Mullukwaahu wa enthawi yoohimalla! Amen!”

Masalimo 110:3

Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

2 Epilli 20:21

Vano aakohilleeye ezeru athwaayo, ahaatthoolla amodda wi ewiipelleke ni waatitimiha Apwiya mu ottekweeniiwa nave yaaya vahoollo va mulloko wa akhoto ellota wi, “Athokozeni Apwiya, vawi echikondiiwa yoohisintheya tti ya o enthawi yoohimalla.”

Ezekiele 24:25

Vatulli viwa Apwiya yaakilleella wi, “We mwaana a muthu, nllapo nimodda athu yaalla kineerewaakumullella mpanda yakotelliiwa oreera wiwa, oyo waaya m'mwiitthoni yaawoonaka nave yawuhiyiiwa vamurimani. Kineerewaavenyiherattho aniiwa aallopwana ni aatthiyana.

Masalimo 72:10

Mamwene a o Tarishishi ni a o ezilumba eneerowaana mituka navettho mamwene o Sheba ni o Seba eneerowaana emphaso.

Masalimo 50:2

Apwiya ennawala mu Ziyoni, muzindiiwa wooreeresesa.

Ezekiele 7:20

“Khalle yaanakota ekaamba ya ddawiirerihella ddiwa nnddo yaddipharihiiwa mutteko voopangani mafano oonanara. Ekaamba ya yeella kineerewaatthattusa ooripihiwa.

1 Samuele 6:5

Vano mupange maphwanaphwaniho a etthuku ni a amuthoro ayo enoononga mwiillaponi mwanyu nave mumutitimihe Mulluku a Aisraele. Mwaamodda eerohiya wuullakani nyuwaano ni milluku dda mwiillaponi mwanyu.

1 Epilli 16:28

Atitimiheni Apwiya, nyu athu a mitundu ddittheddene, akhullellani wi ntitimiho ni masiva tti ddayiwa.

1 Epilli 16:30

tthukumellani vamiitthoni viwa, nyu athu attheene a va ellapo yavatthi, ddawoona, ellapo yavatthi yookeraattheya moollipa, yoohitikheya!

Masalimo 29:1

Atitimiheni Apwiya, nyu ookhalla muddullu, titimihani oriiheya wiwa ni masiviiwa.

Masalimo 96:7

Atitimiheni Apwiya, nyu athu a mitundu ddittheddene, akhullellani wi ntitimiho ni masiva tti ddayiwa.

Yesaya 52:1

We Ziyoni, venya venya, llipa murima. We Yerusalemu, muzinda waweella, wara ddoowara ddawo ddaphaama, athu oohiphaddiwa ni ooripihiwa khewa evollowattho va millako ddawo.