1 Epilli 15:29 - Mawu a Mulluku

²⁹ Vano nibokosi na echipanganonne niphiyalle mu muzinda wa Davide, Mikala, mwaana aamutthiyana a Saulo aatthurumella vaniwindoni nave aamoona mwene Davide iinaka navettho ahakallallaka. Vaavo mutthiyanooyo ahaamba omuvevusa m'murimani mwaye.

1 Epilli 15:29 ပူးပေါင်းရင်းမြစ်များ

2 Samuele 6:16

Vano nibokosi na echipanganonne niphiyalle mu muzinda wa Davide, Mikala, mwaana aamutthiyana a Saulo aatthurumella vaniwindoni nave aamoona mwene Davide iinaka navettho ahakallallaka. Vaavo mutthiyanooyo ahaamba omuvevusa m'murimani mwaye.

Aheberi 9:4

Mwemmo mwaakhalla nikuwa nagolide vooheraatthella mukutho wa lubani* nave ni nibokosi na echipangano nittheene noomariwa ni golide. Nave muwari mwa nibokosinno mwaakhalla kapu a golide oyo mwahelliwe mana, ekopo ya Aroni yaphuwalle makukhweelle yaari mwemmottho navettho malluku meelli valle valembiwe malamulo a Mulluku.

2 Akorinto 5:13

Naari nooneyaka wonanko athu oohiphara muru niri ddiidda wi nimutitimihe Mulluku. Komattho naari nooneyaka wonanko eezeru niri ddiidda ekaamba yawuukaviherani nyuwaano.

1 Akorinto 2:14

Oyo ahinna Munepa khawora waakhella emphaso ddoovenyera wa Munepa a Mulluku. Athu yaayo kheniiwesesa emphasonnddo, khaddinna mutteko wa alliwaayo kaambiiwa oreera wiwa onadduwanyeya mwa Munepa Waweella.

Mitteko 2:13

Koma amoddaayo yaamoona waattheya ookhulupililaayo ellotaka wi, “Athu yaalla evonille ottheka.”

Yeremiya 33:11

muneerewiiweya mawu oohakallalla ni oothapella, mawu a ootthella ni ootthelliwa. Mu enyumba ya Apwiya muneerewiiweyattho nchipo na athu oovelleella mikutho ddawaathokoza wi, ‘Athokozeni Apwiya Amasiva Mattheene vawi alliwa tti aphaama echikondiiwa tti yoohisintheya.’ “Kineerewaahokollosella ddaphaama ddiwa wonanko vawaamba. Mi Apwiya koollota.”

Yeremiya 30:19

Athu eneerewiipa machipo owaatitimiha, vineerewiiweya okhuwa woohakallalla. Kineerowaatiha, khekhallattho aweerengeya, kineerewaavaha eyuuma, khenyaambusiwa.

Yeremiya 3:16

Vano mwaata mwiillaponimmo, athu khewa ellotattho dda nibokosi na echipangano na Apwiya. Khewa eniganizera m'murimani mwiwa apaalle onuupuwella apaalle onipaalla nave khewa enipangattho nimodda.

Oollalleya 3:4

Vookhalla enthawi yoomoriha miitthori ni enthawi yoottheya, enthawi yawinlla ni enthawi yawiina.

Masalimo 150:4

Mutitimiheni voomwiipellani ekoma ni vawiinani, mutitimiheni ni ezipangizo dda enthambo ni ezitoliro

Masalimo 149:3

Etitimihe nnddina niwa vawiinani, ewiipelle nchipo nooriya ni ekoma owaaka azeze.

Masalimo 30:11

Mootthattusa winlla waka wi okhalle wiina, mookivenyihella ethakarakaaka mukivaha ehakallallo.

1 Samuele 25:44

Vawi Saulo aari amutthellihalle mwanaye Mikala, mwaara a Davide, wa Paliti mwaana a Laishi o Galimu.

1 Samuele 4:3

Yavulluwallaayo ephiyalle omisasani wulle oohoollella a Aisraele yaallota wi, “Kaambiiwa tini Apwiya yaakhullenlliiwa wi Afilisti enigonjihe? Hankoni nakuse nibokosi na echipangano na Apwiya o Shilo wi Apwiya ekhalle ni hiyaano ni onikavihera waagonjiha adanaahwaalle.”

Oweeruza 20:27

Nibokosi na echipangano na Apwiya naari niri wenko mallapo yaayo.

Deuteronomo 31:26

“Kusani nibukhunna na malamulo a Mulluku nave munihiye vakhwipi va nibokosi na echipangano ya Apwiya Mullukwaanyu wi nikhalle wenko wonanko omboni wowuuvaanyihani.

Numeri 10:33

Sika yaatimulla ovenyera va mwaango wa Apwiya, yeeta olendo wa mallapo mararu. Yaahoolla ni nibokosi na echipangano na Apwiya wi athu attheenaalle yaphwanye nipuro nawiithuuwellavo.

Eksodo 15:20

Vano Miriyamu, namallotella aamutthiyana, murokoriye a Aroni, aamukusa maasa nave atthiyana attheene yaamuthwara vatulli ewiipaka amaasiiwa, yiinaka.

1 Epilli 17:1

Davide akeraattheyille mu enyumbaaye yoomwene, nllapo nimodda aallota wa Natani, namallotella wi, “Ngoonani, miyaano kinakhalla mu enyumba yoomwene yoomakiwa ni miteekho ddamukunguza koma nibokosi na echipangano na Apwiya ninakhalla m'musasani.”

Yoswa 4:7

Mwaalleelleke wi, ‘Maaddi a m'muhinjeni wa Yordani yahiimella ehineeta, nibokosi na echipangano na Apwiya nallapuwiiwa muhinjoolla.’ Malluku yaalla ekhalle omboni wa Aisraele.”

1 Epilli 15:28

Vano Aisraele attheene yaawaana nibokosi na echipangano na Apwiya ekhuwaka nave yiipaka eziitolilo, mapallapata ni misangwa. Nave yaaniipattho azeze ni magitala.