1 Epilli 15:28 - Mawu a Mulluku

²⁸ Vano Aisraele attheene yaawaana nibokosi na echipangano na Apwiya ekhuwaka nave yiipaka eziitolilo, mapallapata ni misangwa. Nave yaaniipattho azeze ni magitala.

1 Epilli 15:28 ပူးပေါင်းရင်းမြစ်များ

1 Epilli 13:8

Vano Davide ni Aisraele attheene yaari ehakallallaka ni murimiiwa muttheene vamiitthoni va Mulluku, enamwiipella machipo ni azeze, magitala, ekoma, misangwa ni mapallapata.

1 Epilli 15:16

Vatulli viwa Davide ahaalamulattho oohoollella a Alevi wi yaatthoolle amodda mwa abaliiwa wi yiipeke ni murimiiwa muttheene voopharihani mutteko azeze, magitala ni mapallapata wi mawu eehakallallo yiiweyeke phaama.

Masalimo 68:25

Oowiipa machipo eri vahoollo, oowiipa ni ezipangizo eri mutulli, anamwalli awiipa asikoma eri variyari.

2 Samuele 6:15

Sika olliye ni Aisraele attheene yaawa ni nibokosi na echipangano na Apwiya ekhuwaka nave yiipaka mapallapata.

2 Samuele 6:5

Vano Davide ni Aisraele attheene yaari ehakallallaka ni murimiiwa muttheene vamiitthoni va Apwiya, enawiipella machipo ni azeze, magitala, ekoma, misangwa ni eziwaya dda malipenga.

1 Epilli 15:24

Allupa mukutho, Shebaniya, Yoshafati, Natanele, Amasai, Zekariya, Benaya ni Eliyezere sika yaphwanella wiipa mapallapata vahoollo va nibokosi na echipangano na Mulluku. Obedi Edomu ni Yehiya alliwa yaarittho alonda a nibokosinno.

1 Epilli 15:27

Nave Davide aari awarille mukanjo wabafuta wonanko mmo yawarelle Alevi ayo yatukhulla nibokosi na echipangano navettho athu awiipa machipo woonjereravo Kenaniya oohoollella machipo. Sika Davide aawarattho Efodi.

1 Epilli 15:29

Vano nibokosi na echipanganonne niphiyalle mu muzinda wa Davide, Mikala, mwaana aamutthiyana a Saulo aatthurumella vaniwindoni nave aamoona mwene Davide iinaka navettho ahakallallaka. Vaavo mutthiyanooyo ahaamba omuvevusa m'murimani mwaye.

Nehemiya 12:27

Vano voopatulani mpanda wa Yerusalemu yaawiithana Alevi ovenyera orive weko yakhalliiwa wi ewe o Yerusalemu voopatulani mpanda moohakallalla ni moothokoza vawiipani machipo moophariha mutteko ezida monga mapallapata, magitala ni azeze.

1 Epilli 25:1

Vano Davide ni oohoollella oorumeyella yahaapatulattho athu amodda oorumeyella mwa anamwani amodda a Asafu, a Hemani ni a Yedutuni ayo yallotella vawiipani machipo voopharihani mutteko ezida dduullupalli ni dding'onong'ono. Nna sika ntthopoollo na manddina a ayo yapharille mutteko ni mitteko ddiwa.

Masalimo 47:6

Ipani machipo oomutitimiha Mulluku, ipani machipo ootitimiha! Ipani machipo oomutitimiha mwenaahu, ipani machipo ootitimiha!