1 Epilli 15:26 - Mawu a Mulluku

²⁶ Voopaallani wi Mulluku aakavihere Alevi ootukhulla nibokosinno, athwaayo yaavelleella mukutho wa anankhoro eeng'ombe atthanu ni eelli ni anankhoro eenkhosa atthanu ni eelli.

1 Epilli 15:26 ပူးပေါင်းရင်းမြစ်များ

Numeri 23:29

Vano Balaki aamulleella Balamu wi, “Mukimakelle makuwa matthanu ni meelli vaava nave mukikhozelle anankhoro a eng'ombe dditthanu ni piilli owaakattho anankhoro a enkhosa dditthanu ni piilli.”

Yobu 42:8

Sika vano kusani anankhoro a eng'ombe atthanu ni eelli ni anankhoro a enkhosa atthanu ni eelli nave muyeena wa oorumeyellaaka Yobu wi mwiivelleellelle mukutho. Nave oorumeyellaaka Yobu aneerewuuvekellani vawi kineerewaakhullella ovekella waye wi kihiweerelleni ello moollikana ni okarangeya wanyu. Vawi nyuwaano khemwaallonte ddaphaama dda miyaano wonanko eerelle oorumeyellaaka Yobu.”

1 Epilli 29:14

“Koma mi kiri aani nave athwaaka eri aani wi ttuuwora ovelleella mwa opaalla wahu? Valle ddeko ddittheddene ddinavenyera wa nyuwaano nave ninavelleellaahu tti ddaanyu.

2 Akorinto 3:5

Kheyiivo erive ello enaaneerihe ollota wi hiyaano ninnawora ophara mutteko yoolla koma masiva yaalla enavenyera wa Mulluku.

2 Akorinto 2:16

Wa ayo ehinaavullusiwe, tti wunkha wawiipha. Koma wa ayo enaavullusiwe, tti nthuko naphaama noovaha okumi. Khaya vano ttaani anaawore mutteko yoolla?

Mitteko 26:22

Nave ophiyera ollello Mulluku sika akikavihere nave kiimenlle vaava ovelleella omboni wa athu attheene, attekweene ni aniiwa. Kinalloteeminndda ddaallotiwattho ni anamallotella owaaka Mose wi ddineereweereya,

Ezekiele 45:23

Va mallapo matthanu a ehakallallweeyo, mwene avelleelleke mikutho ddooshellelliha dda anankhoro a eng'ombe atthanu ni eelli, anankhoro a enkhosa atthanu ni eelli ddittheddenennddo ddikhalleke ddoohirakalla. Nirive nllapo aavelleellekettho anankhoro a epuri atthanu ni eelli opepesella machimo.

2 Samuele 6:13

Athu yatukhullalle nibokosi na echipanganonno yeeta vang'ono Davide aanawiimesa avelleella mukutho wa nankhoro a eng'ombe ni wa musaanaang'ombe ooneneva.

1 Samuele 7:12

Enre ddiiddo, Samuele aakusa nlluku aniimesa variyari va Mizipa ni Shene aninnya nnddina nawi Ebenezeri ottaphullella wi, “Nlluku na nikavihero,” Vawi aallota wi, “Ophiyera ollello Apwiya ennanikavihera.”

Numeri 29:32

“Va nllapo naneetthanu ni piilli mwaavelleelle anankhoro a asaanaang'ombe atthanu ni eelli, anankhoro a enkhosa piilli, anankhoro a asaanaankhosa khumi ni asese a muyakha mmodda, ddittheddene ddikhalle ddoohirakalla,