1 Epilli 15:25 - Mawu a Mulluku

²⁵ Sika mwene Davide ni attekweene a Aisraele navettho uullupalli a akhoto 1,000, moohakallalla yaaya yakusa nibokosi na echipangano na Apwiya o enyumba ya Obedi Edomu.

1 Epilli 15:25 ပူးပေါင်းရင်းမြစ်များ

Afilipi 4:4

Hakallallani mu eyaattano ni Apwiya enthawi ddittheddene! Kinallotattho yeella wi, hakallallakani!

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Ezara 6:16

Vano athu a o Israele monga allupa mukutho, Alevi ni athu attheene yahokollowille wuukaporoni yaahakallallella opatuliwa wa enyumba ya Mulluku.

1 Mamwene 8:1

Vano mwene Solomoni aawiithana attekweene a o Israele, oohoollella attheene a malloko ni attekweene a mabanja Aisraele wi ewe wa olliye o Yerusalemu wi yakuse nibokosi na echipangano na Apwiya mu Ziyoni, muzinda wa Davide.

1 Samuele 22:7

Saulo ahaalleella oohoollella ekhoto wi, “Ngiiwani nndda nyu Abenjamini akhwaaka! Mwaana a Yese, Muyudoolla akhalla mwene khawa awinnyani emata, khawa aweerani wi mukhalle akhoto awaahoollella akhoto 1,000 wonanko miyaano keerelleemi.

1 Samuele 10:19

Koma ollello, nyuwaano moomukhoota Mullukwaanyu oyo uuvullusalleni mu ddoohoosa ni ddookatamiha ddanyu. Munallota wi, ‘Iyaayi! Koma muninnye mwene oonilamulella.’ Vano mutthukumane vamiitthoni va Apwiya moollikana ni mallokwaanyu ni mabanjaanyu.”

1 Samuele 8:12

Amodda aneeroweera wi ekhalle oolamulella akhoto ma 1,000 nave amodda ma 50. Nave amodda enaallimeke m'matani mwaye ni ohata ddoollimiwannddo, ohana ezida ddakhoto ni ezipangizo dda magereta akhoto.

Deuteronomo 16:15

Mwaatitimiheke Apwiya Mullukwaanyu vaweerani ehakallallweella mallapo matthanu ni meelli va nipuro namallapello nno enaatthoolliiwa. Ekaamba yawi Apwiya Mullukwaanyu enaakhalle edalisalle ddoohata ddanyu ni mitteko ddanyu ddittheddene, muhakallalle wunchichi.

Deuteronomo 16:11

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo munakhalleenyuna m'muzi mwanyu, alleto, akhwaadduni ni anaamukhwelle ayo enakhalla variyari vanyu.

Deuteronomo 12:18

Nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ookhalla m'mizi ddanyu, mwacheke ddoovelleella ddittheddenenndda vamiitthoni va Apwiya Mullukwaanyu va nipuro nimodda nno Apwiya Mullukwaanyu enaatthoolliiwa. Wenkottho mwahakallalleke vamiitthoni va Apwiya Mullukwaanyu ekaamba ya mitteko ddanyu ddittheddene.

Deuteronomo 12:7

Wenkottho nyuwaano ni mabanjaanyu muneerocha ni ohakallalla vamiitthoni va Apwiya Mullukwaanyu ekaamba ya madaliso ayo yuuvahilleewani wi mitteko ddanyu ddittheddene ddeete phaama.

Deuteronomo 1:15

Sika kahaatthoolla oohoollellaanyu, athu eezeru ni oodduwanyeya phaama. Nave kahaakeraatthiha wi ewehereke amodda a milloko dda athu 1,000, amodda a milloko dda athu 100, amodda a milloko dda athu 50 nave amoddattho a milloko dda athu khumi. Amoddattho kahaatthoolla wi ekhalle enduna variyari vanyu.

Numeri 31:14

Mose aananariwa ni akhoto uullupalli, oohoollella akhoto a athu 1,000 navettho oohoollella a athu 100, ayo yavenyera okhotoni.

2 Epilli 1:4

Koma Davide aawaana nibokosi na echipangano na Apwiya ovenyera o Kiriyati Yearimu aphiyana o nipuro nko akhozilleeye vawi aanitthipellella musasa o Yerusalemu.

2 Epilli 5:2

Vano mwene Solomoni aawiithana attekweene a o Israele, oohoollella attheene a malloko ni attekweene a mabanja Aisraele wi ewe wa olliye o Yerusalemu wi yakuse nibokosi na echipangano na Apwiya mu Ziyoni, muzinda wa Davide.