1 Epilli 15:2 - Mawu a Mulluku

² Vano Davide aallota wi, “Kheyiivo enaatukhulle nibokosi na echipangano na Mulluku oyaana onipuroni koma Alevive vawi Apwiya yahaatthoolla wi etukhulle nibokosi ni wi yaarumeyelleke wa enthawi yoohimalla.”

1 Epilli 15:2 ပူးပေါင်းရင်းမြစ်များ

Deuteronomo 10:8

Enthawi yeeyo Apwiya yahaatthoolla athu a nlloko na Levi wi etukhulleke nibokosi na echipangano, ekhalleke vamiitthoni va Apwiya ni orumeyella navettho wi yaadaliseke athu mu nnddina na Apwiya. Alliwa sika eneera ddenndda ophiyera ollello.

Deuteronomo 31:9

Vano Mose aalemba lamulonno nave aawinnya allupa mukutho, anamwani a Levi, ayo yapwatha nibokosi na echipangano na Apwiya. Nave aawinnyattho oohoollella a Israele.

Yoswa 6:6

Vano Yoswa mwaana a Nuni aawiithana allupa mukutho aalleella wi, “Tukhullani nibokosi na echipangano nave allupa mukutho atthanu ni eelli etukhulle mapallapata amanyaka ankhosa, ohoollella nibokosi na echipangano ya Apwiya.”

Yoswa 3:3

yaalleella athu wi, “Moona nibokosi na echipangano na Apwiya Mullukwaanyu nitukhulliwe ni Alevi, allupa mukutho, mutimulle m'mapuroni mwanyu nave mwaathwareke.

Yesaya 66:21

Nave amodda mwa alliwa kineerewaatthattusa allupa mukutho ni Alevi. Apwiya sika enallota.

2 Epilli 35:3

Vatulli viwa aallota ni Alevi ayo yaahuddiha Aisraele attheene nave yaari oopatuleya wa Apwiya wi, “Muhiye nibokosi naweella mu enyumba eyo Solomoni mwaana a Davide mwene a o Israele amakilleeye. Vano khemunireyakattho va mathuri vanyu. Arumeyelleni Apwiya Mullukwaanyu ni Aisraele athwiiwa.

Numeri 7:9

Koma Akohati khaawaavahille ello kaambiiwa alliwa yaakhalla ni mutteko woopwatha ddeko ddoopatuleya nnddo yatukhulliiwa vanthurini.

2 Samuele 6:13

Athu yatukhullalle nibokosi na echipanganonno yeeta vang'ono Davide aanawiimesa avelleella mukutho wa nankhoro a eng'ombe ni wa musaanaang'ombe ooneneva.

Eksodo 25:14

Nave ekoponnddo addiherere mu emphetennddo va embali piilli dda nibokosinno wi atukhullekena.

Numeri 3:6

“Oweena wuno athu a nlloko na Levi nave waavelleelle wa Aroni wi emukavihereke.

Numeri 3:9

Alevaayo waavelleelle wa Aroni ni anaaye. Waapatulesese wa alliwaayo munipuroni mwa Aisraele.