1 Epilli 15:16 - Mawu a Mulluku

¹⁶ Vatulli viwa Davide ahaalamulattho oohoollella a Alevi wi yaatthoolle amodda mwa abaliiwa wi yiipeke ni murimiiwa muttheene voopharihani mutteko azeze, magitala ni mapallapata wi mawu eehakallallo yiiweyeke phaama.

1 Epilli 15:16 ပူးပေါင်းရင်းမြစ်များ

1 Epilli 13:8

Vano Davide ni Aisraele attheene yaari ehakallallaka ni murimiiwa muttheene vamiitthoni va Mulluku, enamwiipella machipo ni azeze, magitala, ekoma, misangwa ni mapallapata.

Nehemiya 12:36

Vaakhallattho abaliiwa monga Shemaya, Azarele, Milalayi, Gilalayi, Maayi, Netanele, Yuda ni Hanani ayo yatukhulla ezida ddawiipella machipo dda Davide muthu a Mulluku ni Ezara namalembella oyottho aahoollella.

2 Epilli 5:13

Nave yaaniipa ni mawu oophwanaphwana voollapellani ni voowaatitimihani Apwiya. Ni misangwa, azeze ni magitala, yaaniipa wi, “Ddawoona, Apwiya tti aphaama, echikondiiwa yoohisintheya tti yoohimalla.” Vaavo enyumba ya Apwiya yaaddalliwa ni murapo.

1 Epilli 23:5

4,000 enaakhalle alonda avamullakoni nave 4,000 enaakhalle owaallapella Apwiya voopharihani mutteko ezida ddawiipella nnddo kiddipangilleemi.”

1 Epilli 16:42

Hemani ni Yedutuni yahoollella wiipa misangwa, mapallapata ni ezida ddimodda navettho ezida ddimodda ddawiipella machipo oollapella. Anamwani a Yedutuni yaahiyalle wi ekhalle alonda a va mullako.

Tito 1:5

Kahuuhiya o Krete wi otthopoolle ddeko ddennddo ddihinatthopoowe ni wi waatthoolle attekweene a mpingo* mu erive etawoni wonanko mmo kuulamulalleemi wi

2 Timoteo 2:2

Vano nnddo wiiwalleewe wa miyaano vamiitthoni va amboni anchichi, waalleellettho ddennddo athu oororomelleya ayo enaawore waahuddihattho amodda.

Mitteko 14:23

Va orive mpingo yahaatthoollavo attekweene nave ni mavekello owaakattho ohalla ocha* yahaavelleella wa Apwiya, ayo yaakhulupililiiwa.

Yeremiya 33:11

muneerewiiweya mawu oohakallalla ni oothapella, mawu a ootthella ni ootthelliwa. Mu enyumba ya Apwiya muneerewiiweyattho nchipo na athu oovelleella mikutho ddawaathokoza wi, ‘Athokozeni Apwiya Amasiva Mattheene vawi alliwa tti aphaama echikondiiwa tti yoohisintheya.’ “Kineerewaahokollosella ddaphaama ddiwa wonanko vawaamba. Mi Apwiya koollota.”

Yesaya 49:23

Mamwene enaakhalle wonanko attiitthi awuullellani, mamweene aatthiyana enaakhalle wonanko amoowe oowaamwihani. Eneeromoriha ekhove ddiwa ni wuukokhorellani, eneerollanndda nthupi na m'manyalloni mwanyu mwawiiyeviha. Vaavo muneerodduwella wi mi tti Apwiya oyo anakiroromella miyaano khawa awulliwa muru.”

Masalimo 149:3

Etitimihe nnddina niwa vawiinani, ewiipelle nchipo nooriya ni ekoma owaaka azeze.

Masalimo 100:1

Nyu ellapo yavatthi ettheene, khuwellani wa Apwiya moohakallalla!

Masalimo 95:1

Waawoni niwiipelle Apwiya, hankoni nikhuwe moohakallalla wa alliwa, nlluku na ovullusiwa wahu.

Masalimo 87:7

Awiipa ni awiina eneerollota wi, “Aneetuutwaaka attheene eri mwa weyaano.”

Masalimo 81:1

Ipani moothapella wa Mulluku amasivaahu, khuwani moohakallalla wa Mulluku a Yakobo.

Nehemiya 12:46

Vawi khalle mu enthawi ya Davide ni Asafu waakhalla oohoollella a awiipa machipo oomutitimiha ni oomuthokoza Mulluku.

Nehemiya 12:43

Nave va nllapo nenno yaavelleella mikutho ddinchichi nave yaahakallalla wunchichi vawi Mulluku aaweeriha wi ehakallalle. Atthiyana ni anamwani yaahakallallattho nave ohakallalla wa athu a o Yerusalemu wahiiweya wuuteete.

2 Epilli 30:12

Nnatta na Mulluku naari va athu a o Yuda wi aavahe murima mmodda wi yeere nnddo mwene ni enduna ddaye alamulelleeye moollikana ni mawu a Apwiya.

1 Epilli 15:12

Nave ahaalleella wi, “Nyu tti oohoollella a mabanja a makhollo a Alevi. Muddeellihe weekhiinyu ni abalaanyu wi mwakuse nibokosi na echipangano na Apwiya Mulluku a Aisraele nave mwanihiye o nipuro nno kakhozilleemi.

Eksodo 15:20

Vano Miriyamu, namallotella aamutthiyana, murokoriye a Aroni, aamukusa maasa nave atthiyana attheene yaamuthwara vatulli ewiipaka amaasiiwa, yiinaka.

2 Epilli 5:12

Nave Alevi attheene awiipa machipo monga Asafu, Hemani ni Yedutuni, aniiwa ni abaliiwa oowara ekuwo ddabafuta aphaama eri ni misangwa, azeze ni magitala, yahiimella o embali ya wookhuma nndduwa wa nikuwa ni allupa mukutho 120 ayo yiipa mapallapata.

2 Epilli 7:6

Allupa mukutho yahiimella m'mapuroni mwiwa mvo Alevi yiipiiwa machipo waatitimiha Apwiya voopharihani mutteko ezida ddiwa. Ezidanndda ddapangiwe ni Davide nave ddapharihiwa mutteko vawiipani nchipo na echikondi yoohisintheya ni yoohimalla ya Apwiya. Moowehana ni alliwaayo allupa mukutho yaaniipa mapallapata nave Aisraele attheene yaaniimella.

Nehemiya 12:27

Vano voopatulani mpanda wa Yerusalemu yaawiithana Alevi ovenyera orive weko yakhalliiwa wi ewe o Yerusalemu voopatulani mpanda moohakallalla ni moothokoza vawiipani machipo moophariha mutteko ezida monga mapallapata, magitala ni azeze.

Masalimo 150:5

Mutitimiheni ni eziwaya dda malipenga, mutitimiheni ni eziwaya dda malipenga ddawinllesesa.

Amosi 6:5

Munnapeka ni wiipa machipo voopharihani mutteko azeze munaganiza wi muri wonanko Davide.

1 Epilli 6:16

Levi aamuyara Gereshomo, Kohati ni Merari.

1 Epilli 16:5

Asafu sika aari oohoollella nave oomukavihera yaari Zekariya, Yeiyele, Shemiramoti, Yehiyele, Matitiya, Eliyabu, Benaya, Obedi Edomu ni Yeiyele. Yaalla sika yatthoolliwe wi ekhalle awiipa asikoma ni azeze. Asafu sika aari awiipa misangwa,

2 Epilli 20:19

Nave Alevi, edduullu dda Kohati ni Kora ddahiimella wi ddaatitimihe Apwiya Mulluku a Israele mookhuwa wunchichi.

Masalimo 81:3

Ipani nipallapata va wooneya wa mweeri, wooneya wamututha va nllapo na ehakallallo.