Athu yatukhullalle nibokosi na echipanganonno yeeta vang'ono Davide aanawiimesa avelleella mukutho wa nankhoro a eng'ombe ni wa musaanaang'ombe ooneneva.
Enthawi yeeyo Apwiya yahaatthoolla athu a nlloko na Levi wi etukhulleke nibokosi na echipangano, ekhalleke vamiitthoni va Apwiya ni orumeyella navettho wi yaadaliseke athu mu nnddina na Apwiya. Alliwa sika eneera ddenndda ophiyera ollello.
Vano Davide ahiiwa wi Apwiya aamudalisa Obedi Edomu ni nibanja naye nittheene ni ddeko ddaye ddittheddene aariiyena ekaamba ya nibokosi na echipanganonno. Sika aayaawo akusawo nibokosi na echipangano ovenyera o enyumba ya Obedi Edomu, ayaana o muzinda woowaniwa, Yerusalemu, ahakallallaka.