1 Epilli 14:2 - Mawu a Mulluku

² Vano Davide aadduwella wi Apwiya yaamukeraatthiha wi akhalle mwene a Israele navettho wi aawelliha omwenaaye ekaamba ya Aisraele, athwiiwa.

1 Epilli 14:2 ပူးပေါင်းရင်းမြစ်များ

Numeri 24:7

Maaddi eneerekottekhuma mu ddoorikella maaddi ddawo mmiddwaawo oneerokhalla ni maaddi manchichi. Mwenaawo aneerovuwa omukhwaranya Agagi nave omwenaaye oneerowellihiwa.

Daniele 2:30

“Yoovittheyeella yuupullullelliwe wa miyaano, ohiri ekaamba yawi kiri eezeru waakhwaranya athu amodda attheene koma wi nyu amwene mudduwelle ottaphullella wiwa nave mudduwelle maganizo ayo evollowille m'murimani mwanyu.

Estere 4:14

Nyuwaano mwaaheeravo ello va enthawi ella, nikavihero ni ovullusiwa wa Ayuda ddinaavenyere waamodda koma nyuwaano ni nibanja na attiitthaanyu muneere woonongiwa. Apaalle anadduwella ttaani wi nyuwaano mwatthoolliwe okhalla mwaaramwene ekaamba ya enthawi wonanko yeella!”

2 Epilli 2:11

Vano Huramu, mwene a o Tiro aamwaakhulla Solomoni voomulembellani kalata wi, “Ekaamba yawi Apwiya ennaakonda athwiiwa yohuukeraatthiha wi okhalle mweniiwa.

1 Mamwene 10:9

Oodalisiwa tti Apwiya Mulluku ayo ehakallanlle ekaamba ya nyuwaano ni wuukeraatthihani va mpando woomwene wa Israele vawi Apwiya yaamukonda Israele wa enthawi yoohimalla sika aaweerani wi mukhalle mwene wi mwalamulelle mwa echiweruzo ni mwa echilungamo.

2 Samuele 7:16

Vano kineerokeraatthiha nibanja nawo ni omwenaawo wa enthawi yoohimalla vamiitthoni vaka. Ddawoona, kinallota wi omwenaawo oneerokhalla wa enthawi yoohimalla.’ ”

1 Epilli 17:17

Nyu Mulluku, ddittheddenenndda ddaari ddooyeva vamiitthoni vanyu. Nyu Apwiya Mulluku mwaalonjezattho nibanja naka dda enthawi yuullupalli yamuhoollo nave mookooniha mibado ddamuhoollo, nyu Apwiya Mulluku!

2 Samuele 7:8

Sika vano wamulleelle oorumeyellaaka Davide wi mi Apwiya Amasiva Mattheene kinallota wi, ‘Kahuukusa woochiha enkhosa wi okhalle mwene owaalamulella athwaaka, Aisraele.

Deuteronomo 28:1

“Mwiiwellella mawu a Apwiya Mullukwaanyu ni othwara moororomelleya malamulo mattheene ayo kinawinnyeemini ollellova, Apwiya Mullukwaanyu eneerewuuwellihani okhwaranya mitundu ddimodda ddittheddene dda va ellapo yavatthi.

1 Epilli 14:1

Nave Hiramu, mwene a o Tiro ahaarumiha amithenga wa Davide ni miteekho ddamukunguza vamodda ni athu eeruso yoodduwella omaka voopharihellani mutteko malluku ni matabwa wi yamumakelle enyumba yoomwene.

1 Epilli 14:3

Davide ahaatthella atthiyana amodda o Yerusalemu nave ahaayara anamwani amodda aallopwana ni aatthiyana.

2 Epilli 2:10

Allupa muttekwaanyu oophadda miteekho kineerewaavaha tirigu awuuputha mataani 2,000, malita 400,000 a vinyo navettho malita 400,000 a makhura.”