1 Epilli 14:15 - Mawu a Mulluku

¹⁵ Vano wiiwa onyakulla wa etthoka dda miteekhonnddo sika vaavo okhume wawanena vawi Apwiya eneerewuuhoollella wi waagonjihe akhoto a Afilisti.”

1 Epilli 14:15 ပူးပေါင်းရင်းမြစ်များ

Mitteko 2:2

Moorurumusa wahiiweya ovenyera oddullu wonanko woopa wa ephevo yawoopiha nave yahiiweya mpa mutthemwene yakhanlliiwammo.

Yesaya 13:4

Ngiiwani otokollolla omwaangoni, ntapha na mulloko wa athu. Ngiiwani othuruma variyari va moomwene nave mitundu dda athu dditthukumanille vamodda. Apwiya Amasiva Mattheene enaakhozekelliha akhotwiiwa ekhoto.

2 Mamwene 19:7

Kineerohiya m'murimani mwa mwene maganizo mamodda awi iiwa ephevove aneerowatiheriwa ohokollweella o ellapwaaye nave mi kineeromwiiphiha owaniwa wenko.’ ”

2 Mamwene 7:6

Apwiya yaaweeriha Asiriya wiiwa onyakulla wa magareta ni akavalo navettho mukhito wa mulloko wa akhoto variyari va akhoto a Asiriya. Sika yahaamba olleellana wi, “Ngiiwani onyakullanko, mwene a o Israele ohaalemba mamwene a Ahiti ni a Aiguputo wi enihelle ekhoto!”

Oweeruza 7:15

Gideoni iiwalle nnddo ddallohiwe ni ottaphullella wiwa, aakokhora amuthokoza Mulluku nave aahokollweella omisasani wa Aisraele aalleella wi, “Venyani, Apwiya ahaavelleella m'mattani mwahu Amidiyani.”

Oweeruza 7:9

Mahiiyu vaavo Apwiya yaamulleella Gideoni wi, “Venya khawe wawane ekhoto ni Amidiyani ayo eri m'misasanimmo vawi kooddivelleella m'mattani mwawo.

Oweeruza 4:14

Debora aamulleella Baraki wi, “Venyani, ollello Apwiya aamuvelleella Sisera m'mattani mwanyu. Apwiya ahuuhoollellani khalle” Sika Baraki aakittha o mwaango wa Tabori, athu 10,000 emuthwaraka.

Levitiko 26:36

Nave naari nyuwaano munaahalle, kineerowiikaatthi murima wawoova mwa nyuwaano mwakhalla mu ellapo ya adanaanyu. Muneerekothawa muttottoroso wa makattha. Muneerothawa wonanko mmo muthu anathawelleeye nsupada nave muneerowiikuha muhiikarihiwaka.

2 Samuele 5:23

Vano Davide aamukohattho Apwiya nave Mulluku aamulleella wi, “Ohinawanana moowehanana koma owaapheelle nave waaphiyere otulli wiwa nave waahelle ekhoto vanipuroni noowehana ni miteekho.

1 Epilli 14:14

Vano Davide aamukohattho Mulluku nave Mulluku aamulleella wi, “Ohinawanana moowehanana koma owaapheelle nave waaphiyere otulli wiwa nave waahelle ekhoto vanipuroni noowehana ni miteekho.

1 Epilli 14:16

Vano Davide aheera moollikana ni mmo Mulluku amulamulelleeye. Nave yaagonjiha mulloko wakhoto wa Afilisti ovenyera o Gibiyoni ophiya o Gezere.

Deuteronomo 20:4

Apwiya Mullukwaanyu eneerothaanana ni nyuwaano wi yuukavihereni va ekhotweeyo nave wi yuupambaniheni.’