1 Epilli 14:1 - Mawu a Mulluku

¹ Nave Hiramu, mwene a o Tiro ahaarumiha amithenga wa Davide ni miteekho ddamukunguza vamodda ni athu eeruso yoodduwella omaka voopharihellani mutteko malluku ni matabwa wi yamumakelle enyumba yoomwene.

1 Epilli 14:1 ပူးပေါင်းရင်းမြစ်များ

Ezara 3:7

Athu yaavelleella makobiri wa athu eeruso yoosema malluku ni oopala matabwa. Yaarumiha ddoocha, ddoowirya ni makhura wa Asidoni ni Atiro wi eweena miteekho ddamukunguza ovenyera o Lebanoni oyaana o enyanja, o Yopa moollikana ni waakhullelliwa wiwa ni Kirusi mwene a o Persiya.

2 Epilli 2:3

Vano Solomoni aarumiha mawu wa Huramu mwene a o Tiro wi, “Mukeerelle wonanko mmo mweerelleenyu ni attiitthaaka Davide vawaarumihellani miteekho ddamukunguza wi emakelle enyumbiiwa wi ekhallekemo.

1 Epilli 22:2

Davide aalamula wi yaatthukumanihe alleto ayo yaari mu ellapo ya Israele. Nave ahaatthoolla athu oopwesa malluku wi epotokose malluku oomakella enyumba ya Mulluku.

1 Epilli 17:1

Davide akeraattheyille mu enyumbaaye yoomwene, nllapo nimodda aallota wa Natani, namallotella wi, “Ngoonani, miyaano kinakhalla mu enyumba yoomwene yoomakiwa ni miteekho ddamukunguza koma nibokosi na echipangano na Apwiya ninakhalla m'musasani.”

1 Mamwene 5:18

Eeruso yoomaka enyumba a Solomoni ni a Hiramu vamodda ni a o Gebala sika yasema ni opotokosa miteekho ni malluku ddoomakella enyumbeeyo.

1 Mamwene 5:6

Sika vano mwaalamule athwaanyu wi ekuuhelle miteekho ddamukunguza dda o Lebanoni. Allupa muttekwaaka eneerophara mutteko vamodda ni aanyu. Kineerewuullivellani moollikana ni mmo munaallotelleenyu ekaamba ya allupa muttekwaanyu vawi variyari vahu khaavo anadduwella wuuha miteekho wonanko athu a o Sidoni.”

1 Mamwene 5:1

Mwene Hiramu a o Tiro ahaarumiha oomurumeyellaaye wa Solomoni iiwalleeye wi oozoziwa* omwene wa attiitthinnya vawi ahaattana ni Davide.

2 Samuele 7:2

Vano aallota wa namallotella Natani wi, “Mi kinakhalla mu enyumba yoomwene yoomakiwa ni miteekho ddamukunguza koma nibokosi na echipangano na Apwiya ninakhalla m'musasani.”

1 Epilli 14:2

Vano Davide aadduwella wi Apwiya yaamukeraatthiha wi akhalle mwene a Israele navettho wi aawelliha omwenaaye ekaamba ya Aisraele, athwiiwa.

1 Mamwene 5:15

Solomoni aakhallattho ni athu 70,000 ootukhulla katundu ni amodda 80,000 oosema malluku m'miyaangoni.

2 Epilli 2:2

Nave Solomoni ahaalemba allopwana 70,000 ootukhulla katundu, 80,000 oopwesa malluku o ellapo yamiyaango navettho 3,600 owaawehera athwaayo.