1 Epilli 13:6 - Mawu a Mulluku

⁶ Nave Davide ni Aisraele attheene yaaya o Baala, o Kiriyati Yearimu o Yuda wi yakuse nibokosi na echipangano na Mulluku. Nibokosinno nadduwanyeya moollikana ni nnddina na Apwiya ayo yakhalla va akerubi* wonanko va mpando woomwene.

1 Epilli 13:6 ပူးပေါင်းရင်းမြစ်များ

Yoswa 15:9

Vano yaavenyerattho vaddullu va mwaango yaphiya o aneetuutu o Nefitowa, yakhumellella o mizinda dda mwaango wa Efuroni. Ovenyera wenko yaakitthella o Baala, (sika wi Kiriyati Yearimu)

2 Mamwene 19:15

nave aavekella wi, “Nyu Apwiya, Mulluku a Israele, munakhalla va mpandwaanyu woomwene va akerubi,* nyookhave tti Mulluku oolamulella moomwene mattheene a ellapo yavatthi. Mwaaphatusa ellapo yooddullu ni ellapo yavatthi.

Eksodo 25:22

Kineerekokumana ni olliye vaavo nave ovenyera vaddullu va yookhuneelleeyo, variyari va akerubi eri vaddullu va nibokosaayo, kineeromulleella malamulwaaka mattheene wa Aisraele.

1 Samuele 4:4

Vano yahaaruma athu oya o Shilo wookusa nibokosi na echipangano na Apwiya Amasiva Mattheene ayo enakhalla va akerubi.* Anamwani a Eli, Hofini ni Finehasi yaaya nimodda ni nibokosinne omisasani ddakhotonndde.

Yoswa 15:60

Vaakhallattho Kiriyati Baala (sika wi Kiriyati Yearimu) ni Raba. Mizinda ddittheddene vamodda ddaari miilli ni matawoni oowaapheella.

Yesaya 37:16

“Nyu Apwiya Amasiva Mattheene, Mulluku a Israele, munakhalla vampandwaanyu woomwene va akerubi,* nyookhave tti Mulluku oolamulella moomwene mattheene a ellapo yavatthi. Mwaaphatusa ellapo yooddullu ni ellapo yavatthi.

Masalimo 99:1

Apwiya tti mwene, mitundu dda athu dditthukumelle! Ennakeraatthi variyari va akerubi,* ellapo yavatthi etikheye!

Masalimo 80:1

Nyu mbusa a Israele, ngiiwani nyu oyo munaahoollella athu a Yosefe wonanko mulloko wa enkhosa, nyu oyo munakhalla va akerubi* wonanko mpandwaanyu woomwene,

1 Mamwene 8:16

Yaallota wi, ‘Ovenyera nllapo nno kaakhumihalleemi Aisraele, athwaaka mu Iguputo, ngawuutthoonlle orive muzinda variyari va malloko mattheene a Aisraele wi mumakiwe enyumba yoollapellamo nnddina naka. Koma kaamutthoolla Davide wi aalamulelleke athwaaka Aisraele.’ ”

Numeri 7:89

Vano Mose avollowille mu musasa wamutthukumano wi allote ni Apwiya, aawiiwa ellotoka mawu ovenyera va yookhuneelleeyo, variyari va akerubi* va nibokosi na echipangano.

Numeri 6:27

Nave Apwiya yaallota wi, “Yaaromollaka nnddina naka vawaadalisani Aisraele, miyaano kineerewaadalisa.”

Eksodo 23:21

Mumwiiwelle olliyooyo nave mwiiwesese nnddo anaalloteeye. Muhimuwukile vawi khawa uukhululukellakani nichimo nawi ddiidda vawi masivaaka eri mwa olliyooyo.

Eksodo 20:24

Mukillapelleke va nikuwa na ethaya nave vaavo muheraatthikivo mikutho ddanyu ddooshellelliha, dda eyaattano ni dda enkhosa, epuri ni eng'ombe ddanyu. Miyaano kineeroowa wi kuudaliseni va mapuro mattheene ayo kinuulleelleemini wi mukillapellekevo.

Yoswa 9:17

Vano Aisraele yaavenya eya owaniwa wa athwaayo nave omuroto wiwa yaaphiya o mizinda ddiwa nnddo ddaari Gibiyoni, Kefira, Beeroti ni Kiriyati Yearimu.

1 Samuele 6:21

Vano yaarumiha othenga wa athu a o Kiriyati Yearimu waalleella wi, “Afilisti aahokollosa nibokosi na echipangano na Apwiya, waawoni munikuse muyeena owaninyunko.”