1 Epilli 13:5 - Mawu a Mulluku

⁵ Sika Davide ahaatthukumaniha Aisraele attheene ovenyera o muhinje wa Shihori o Iguputo ophiya o mullako wa Hamati wi eweena nibokosi na echipangano na Mulluku ovenyera o Kiriyati Yearimu.

1 Epilli 13:5 ပူးပေါင်းရင်းမြစ်များ

1 Samuele 6:21

Vano yaarumiha othenga wa athu a o Kiriyati Yearimu waalleella wi, “Afilisti aahokollosa nibokosi na echipangano na Apwiya, waawoni munikuse muyeena owaninyunko.”

1 Mamwene 8:65

Sika enthawi yeeyo Solomoni aakeraatthiha ehakallallo vamodda ni Aisraele attheene. Waari mutthukumano muullupalli ovenyera woovollowella wa Hamati ophiya o ntapo na Iguputo. Ehakallallweella yaari yowaatitimiha Apwiya Mullukwaahu mallapo matthanu ni meelli.

2 Samuele 6:1

Davide ahaatthukumanihattho akhoto 30,000, ayo aatthoonlleeye mu Israele.

1 Epilli 15:3

Nave ahaatthukumaniha Aisraele attheene a o Yerusalemu wi yakuse nibokosi na echipangano na Mulluku, eweena o nipuro niwa nko anikhozelleeye.

1 Epilli 13:6

Nave Davide ni Aisraele attheene yaaya o Baala, o Kiriyati Yearimu o Yuda wi yakuse nibokosi na echipangano na Mulluku. Nibokosinno nadduwanyeya moollikana ni nnddina na Apwiya ayo yakhalla va akerubi* wonanko va mpando woomwene.

2 Mamwene 25:21

Nave mwene a o Babiloni aalamula wi ewuukuthe ni owiiphella o Ribula mu echigawo ya Hamati. Sika athu a o Yuda yaaphariwa okaporo waavenyiha mwiillaponi mwiwa.

1 Mamwene 4:21

Solomoni aanalamulella moomwene mattheene ovenyera o muhinje wa Yufurate ophiya o ellapo ya Afilisti, o malire a Iguputo. Moomwene mattheene yaanakhoma misonkho ni omurumeyella Solomoni mallapo mattheene a okumaaye.

Yeremiya 2:18

Munaaphurevo tini mwaya o Iguputo, woowirya maaddi a mu Nailo? Munaaphurevo tini mwaya o Asiriya, woowirya maaddi a mu Yufurate?

Yoswa 9:17

Vano Aisraele yaavenya eya owaniwa wa athwaayo nave omuroto wiwa yaaphiya o mizinda ddiwa nnddo ddaari Gibiyoni, Kefira, Beeroti ni Kiriyati Yearimu.

1 Samuele 7:1

Athu a o Kiriyati Yearimu yaaya yakusa nibokosi na echipangano na Apwiya eyaana o enyumba ya Abinadabu vamwaangoni. Yaamupatula mwanaye, Eleazara wi akhalle oowehera nibokosinno.

1 Epilli 13:4

Nave mutthukumano muttheene wahaakhullella weera ddennddo vawi ella yaari ello yaphaama vamiitthoni va athu attheene.

Yesaya 23:3

Mphurwaanyu waari tirigu a o Shihore, ddoohata dda o Nailo nave mwaaneera malonda ni athu a mitundu ddittheddene.

1 Samuele 7:2

Nibokosi na echipangano na Apwiya naakhalla o Kiriyati Yearimu enthawi yoorekama, miyakha 20. Enthawi ettheeneella Aisraele attheene yaanawinllella Apwiya wi yaakavihere.