1 Epilli 13:11 - Mawu a Mulluku

¹¹ Vano Davide aasha murima ekaamba yawi Apwiya yaamwiipha Uza. Sika nipuro nenno ninaromolliwa wi Pereziuza ophiyera ollello.

1 Epilli 13:11 ပူးပေါင်းရင်းမြစ်များ

Yona 4:9

Koma Mulluku aamwaakhulla Yona wi, “Ethiyo weyaano ori ni tini yooshella murima?” Navettho Yona aawaakhulla Apwiya wi, “Ee kinanariwelle ddawoona. Vawi onanariwa wene ttiwookhwana.”

Yona 4:4

Apwiya yaamwaakhulla wi, “Ethiyo weyaano ori ni tini yooshella murima?”

2 Samuele 6:9

Vano nllapo nenno Davide aawoova Apwiya nave aakoha wi, “Ethiyo nibokosi na echipangano na Apwiya ninaaphiye mwawiidde owanihu?”

2 Samuele 6:7

Enthawi yeeyo Apwiya yaamushella murima Uza nave yaamwiipha kaambiiwa khaaganizalle phaama voopharani nibokosinne. Sika akhwenlle vaavo vamiitthoni va Apwiya.

Yoswa 4:9

Yoswa ahiimesa malluku khumi ni meelli yaari variyaririyari va muhinje wa Yordani, vanipuroni valle viimellille allupa mukutho ootukhulla nibokosi na echipangano na Apwiyaalle. Malluku yaalla aakhallawo ophiyera ollello.

Deuteronomo 34:6

Apwiya yaamuvittha o Mowabu wenko muntaponi moowehana ni Betepeori. Koma ophiyera ollello khaavo naari mmodda anadduwella nipuro na mahamaaye.

Genesis 32:32

Sika ekaamba ya yeella ophiyera ollello edduullu ddittheddene dda Israele kheddinacha musempha wa voomellella kasambara ekaamba yawi tti vamusemphani wa voomellella kasambara mvo Yakobo akurukunyulliweeye.

1 Epilli 13:10

Enthawi yeeyo Apwiya yaamushella murima Uza nave yaamwiipha kaambiiwa aatukhulla nnatta naye aphara nibokosinne. Sika akhwenlle vaavo vamiitthoni va Apwiya.

1 Epilli 13:12

Vano nllapo nenno Davide aamoova Mulluku nave aallota wi, “Ethiyo kinaaphiyena mwawiidde nibokosi na Mullukunna?”

Eksodo 19:22

“Naari allupa mukutho ayo enaaphiye vakhuviru ni miyaano eddeellihe weekhiiwa, woova wi kinaallake.”

1 Epilli 15:13

Vawi khe nyuwaano mwanitukhullalle vawaamba valle, Apwiya Mullukwaahu yaanillaka ekaamba yawi khenaanipwathille moollikana ni mmo yapaallelliiwa.”