1 Epilli 12:40 - Mawu a Mulluku

⁴⁰ Naarittho athu oovenyera wuuteete monga o Isakara, o Zebuloni ni o Nafutali yaawaana ddoocha va abulu, va ekamira,* va enama enyuru ni va magaretiiwa. Yahiireya ddoocha ddinchichi, makeke anamukuyu, mpesa wawumma, vinyo ni makhura. Yaawattho ni eng'ombe, enkhosa ddinchichi vawi mwaakhalla ehakallallo mu Israele.

1 Epilli 12:40 ပူးပေါင်းရင်းမြစ်များ

1 Samuele 25:18

Vano Abigaile mwawaakuva aakusa mitthi dda buledi 200, mathumba anttapara a vinyo meelli, enkhosa dditthanu ddawoosawoosa, makilogramu 17 a tirigu awaarika, mpesa wawumma wookwakhwana matta 100 owaaka makeke a namukuyu 200. Aadditukhulliha ddittheddenennddo va abulu.

2 Samuele 16:1

Davide akhwaranyille vang'ono vaddullu va mwaango, aakumana ni Ziba, oorumeyella a Mefibosheti, ari ni abulu eelli a esaduro vamutthanani etukhullalle mitthi dda buledi 200, mpesa wawumma 100 ezipaso ddeellimwe 100 owaakattho nthumba na vinyo.

Miyambo 29:2

Athu oolungama yakhalla vampandoni athu ennahakallalla koma oonanara aalamulellaka athu enniipullella.

Miyambo 11:10

Ddaweetella phaama athu oolungama muzinda onnahakallalla nave oonanara yoonongeya athu ennakhuwa moothapella.

2 Mamwene 11:20

Sika athu a mwiillaponimmo yaahakallalla nave m'muzindanimmo mwaamaalleya Ataliya iiphiweeye o enyumba yoomwene.

1 Mamwene 1:40

Nave athu attheene yaatimulla enamuthwara yiipaka ezitoliro ni ohakallalla wunchichi mwawi ellapo yaatikheya ekaamba ya okhuwa.

1 Epilli 12:39

Nave yaakhalla wenko ni Davide wa mallapo mararu echaka ni owirya va machellello ayo abaliiwa yaakhozelliiwa.

1 Epilli 13:1

Vano mwene Davide aaveka ezeru ovenyera wa oohoollella akhoto uullupalli ni ang'onong'onweene.

Hoseya 3:1

Vano Apwiya yaakilleella wi, “Khawettho wamukonde mwaariyo ooraruwa oyo ari ni ezibwenzi ddaye. Omukonde wonanko mmo kinamukondelleemi Israele naari allapellaka milluku ddimodda ni ooddivelliwa ovelleella mikutho ddampesa wawumma.”

1 Epilli 29:22

Nave nllapo nenno yaacha ni owirya nave yaahakallalla wunchichi vamiitthoni va Apwiya. Vatulli viwa Solomoni mwaana a Davide yaamuvollochiha omwene waneepiilli. Vano yaamuzoza omwene mu nnddina na Apwiya nave yaamuzoza Zadoki omullupa mukutho.