1 Epilli 12:30 - Mawu a Mulluku

³⁰ A nibanja na Efuremu yaarivo 20,800, athu amasiva, oovuwa o mabanja a makhollwiiwa.

1 Epilli 12:30 ပူးပေါင်းရင်းမြစ်များ

Genesis 6:4

Va mallapo yaayo naari vatulli viwattho vaakhalla athu amasiva ni oorekama va ellapo yavatthi ayo yaari edduullu dda atthiyana alle yatthelliwe ni anamwani aallopwana a Mullukwaalle. Alliwaalla yaari anamwani oodduwelliwa navettho athu oovuwa va mallapo akhallaayo.

1 Epilli 12:29

Athu a nlloko na Benjamini, abalaaye a Saulo yaarivo 3,000. Koma ophiyera enthawi yeeyo anchichi mwa alliwa yaanavirellellave othwara nibanja na Saulo.

1 Epilli 12:31

Athu a hafu a nlloko na Manase yaarivo 18,000 ayo yaawiithanilliiwa wi emuvollochihena Davide omwene.

2 Samuele 2:8

Enthawi yeella Abinere mwaana a Nere, oyo aari akhoto muullupalli a Saulo aari amukusalle Ishibosheti mwaana a Saulo, oyaana okhopella, o Mahanaimu.

2 Samuele 2:9

Vano yaamuzoza omwene wi akhalle o echigawo ya Giliyadi, Ashere, Yezireele, Efuremu ni Benjamini nikhulle mi ellapo ya Israele ettheene.

2 Samuele 3:19

Vano Abinere aallotattho wa athu a nlloko na Benjamini. Aamulleellattho Davide o Hebroni ddaphaama ddittheddene nnddo Abenjamini ni Aisraele attheene yiiwananniiwa wi yeere.