1 Epilli 12:18 - Mawu a Mulluku

¹⁸ Vaavo Munepa a Mulluku aamukitthella Amasai, oohoollella athu makhumi mararwaalle nave aallota wi, “Nyu Davide, hiyaanothi niri aanyu, niri nimodda ni nyu mwaana a Yese. Murendelle okhalle ni nyuwaano ni athu ayo enuukaviherani vawi Mullukwaanyu annuukaviherani.” Vano Davide aawaakhella nave ahaatthattusa oohoollella a milloko ddaye ddakhoto.

1 Epilli 12:18 ပူးပေါင်းရင်းမြစ်များ

Oweeruza 6:34

Koma Munepa wa Apwiya waavollowa mwa Gideoni. Sika Gidiyonooyo ahoopa nipallapata nave a Abiyezeraalle yahiithaniwa wi emuthware.

Oweeruza 3:10

Munepa wa Apwiya waakitthella mwa olliyooyo nave aatthattuwa oweeruza Aisraele nave aaya awana ekhoto nave Apwiya yaamuvelleella m'mattani mwaye Kushani Rishataimu, mwene a o Mesopotamiya.

2 Samuele 17:25

Abishalomu aamweeriha Amasa wi akhalle oohoollella ekhoto munipuroni na Yowabu. Amasa aari mwaana a muthu mmodda nnddina naye Yetere Muishmaele oyo amutthenlle Abigaile, mwaana a Nahashi, murokora a Zeruya, amennya a Yowabu.

Rute 1:16

Koma Rute ahaakhulla wi, “Muhinakiwatihera wi kuuhiyeni apaalle wi kihuuthwareni. Nko munaayeenyu miyaanottho kinaaye wenko, nko munaakhallekeenyu miyaanottho kinaakhalleke wenko. Abalaanyu enaakhelle abalaaka nave Mullukwaanyu anaakhalle Mullukwaaka.

Agalatiya 6:16

Nave ayo eniiwellella lamulo nenna, murendelle ni echifundo ddikhalle ni yaayo ni athu a Mulluku attheene!

Mateyu 12:30

“Muthu oyo ahiniiwanana ni miyaano, yooyo annakikhoota miyaano; navettho oyo ahinakikavihera waatthukumaniha athu mu omwene wa Mulluku yooyo annaamwaramwasa athu mu omwene wa Mulluku.

Yesaya 59:17

Yaawara echilungamo wonanko yoowara yawiitetezella ekhakadda nave ovullusa wonanko echipewa yawiitetezella omuruni. Yaawara ohokollosella ddoonanara wonanko mukanjo nave osha murima wiwa wonanko yawiikhuneelliiwa.

1 Epilli 2:17

Abigaile aamuyara Amasa nave attiitthinnya Amasa yaari Yetere Muishmaele.

2 Mamwene 10:5

Sika muthu oowehera enyumba yoomwene, oowehera muzinda, attekweene, ni awaallella anamwani yaarumiha mawu wa Yehu wi, “Hi tti athwaanyu nave nineereweera ddittheddene munaanilleelleenyu. Khaniwa nimuvollochiha omwene arive muthu. Erani erive ello enuuddivelleni.”

2 Mamwene 9:32

Yehu aaweha va niwindo allota wi, “Ethiyo aniiwanana ni mi ttaani?” Vano oorumeyella eelli apaalle araru a o enyumba yoomwene yaamuweha Yehu.

1 Mamwene 9:22

Koma Aisraele attheene, Solomoni khaapharihalle mutteko wa okaporo. Yaalla yaari akhoto, enduna ddaye, akhoto uullupalli, oolamulella ekhoto, oolamulella magareta ni oowella va akavalo.

Zekariya 8:23

Va mallapo yaayo athu khumi oovenyera o mitundu dda athu ddoohiyanahiyana eneeromuwanddeellella Muyuda ni ollota wi, ‘Nithaananena kaambiiwa nohiiwa wi Mulluku ari ni nyuwaano.’ ”

2 Samuele 19:13

Nave mwamulleelle Amasa mawu awi, ‘Ethiyo weyaano khohiyo mbalaakabalaaka?’ Mulluku akillake ophiyera kikhwe kaahuutthoolla weyaano wi okhalle akhoto muullupalli ovollowa munipuroni na Yowabu waambeella ollello?”

2 Samuele 15:21

Koma Itai ahaakhulla wi, “Kinimallupella vamiitthoni va Apwiya ni vamiitthoni vanyu, apwiyaaka amwene, orive weko nko nyuwaano apwiyaaka munaakhalleenyuwo, khaya va makhwello apaalle vookumini, mi oorumeyellaanyu kinaakhalle wenko.”

2 Samuele 5:2

Ovenyera khalle naari Saulo aariiye mwenaahu nyuwaano mwaanaahoollella Aisraele okhotoni. Nave Apwiya yaallota ni nyuwaano wi, ‘Oneerokhalla wonanko mbusa a athwaaka Aisraele nave oneerokhalla mwene a Aisraele.’ ”

1 Samuele 22:7

Saulo ahaalleella oohoollella ekhoto wi, “Ngiiwani nndda nyu Abenjamini akhwaaka! Mwaana a Yese, Muyudoolla akhalla mwene khawa awinnyani emata, khawa aweerani wi mukhalle akhoto awaahoollella akhoto 1,000 wonanko miyaano keerelleemi.

1 Samuele 8:12

Amodda aneeroweera wi ekhalle oolamulella akhoto ma 1,000 nave amodda ma 50. Nave amodda enaallimeke m'matani mwaye ni ohata ddoollimiwannddo, ohana ezida ddakhoto ni ezipangizo dda magereta akhoto.

Oweeruza 13:25

Vano munepa a Apwiya ahaamba omuvaha masiva akhalleeye omisasani dda Adani, variyari va Zora ni Eshitaoli.

1 Samuele 16:4

Samuele aheera nnddo Apwiya yamulamulalliiwa, aphiya o Betelehemu. Oohoollella a m'muzindanimmo yamuchingamella etthukumellaka nave yamukoha wi, “Ethiyo mwaweella waarera?”

1 Epilli 11:11

Ntthopoollo na akhoto amasiva a Davide naari Yashobeamu mwaana a Muhakimoni, muullupalli a akhoto araru oovuwesesa. Nave nllapo nimodda aawiipha athu 300 ni nivaka naye enthawi emodda.

1 Epilli 12:17

Davide aakhuma akumanana nave ahaalleella wi, “Mwaarimi muwaaka wa miyaano wonanko akhwaaka wi mukikavihere, murimaaka oneerewiiwanana ni nyuwaano. Koma mwaarimi muweellaka okivelleella wa adanaaka naari kihuuchimwenlleni, Mulluku a makhollwaahu awooneni nave uullakeni.”

1 Samuele 16:5

Samuele ahaakhulla wi, “Ee, kaweella waarera. Kaweella waaheraatthella mukutho Apwiya. Muddeellihe nave niye naheraatthi mukutho.” Samuele aamupatula Yese ni anaaye aallopwana nave aamwiithana wi yavelleellena mukutho.

1 Samuele 24:12

Apwiya sika enaawoonihe wi oolakwa ttaani variyari va nyuwaano ni miyaano. Apwiya yuuhokolloselleni ddoonanara ekaamba ya nndda munakeerelleenyu. Koma miyaano ngiweerellani erive ello yoovoreya.

1 Samuele 24:13

Athu akhalle yaallota wi, ‘Muthu oonanara mitteko ddaye tti ddoonanara.’ Sika miyaano nguuvoreyani iyaayi.

1 Samuele 24:16

Davide amallihalle ollota mawu yaalla, Saulo aakoha wi, “Ethiyo tti we mwanaka Davide?” Vaavo Saulo ahinlla mookhuwa.

2 Mamwene 10:15

Yehu avenyillewo, aakumana ni Yehonadabu mwaana a Rekabu oomuchingamella. Vano aamullochella amukoha wi, “Ethiyo maganizwaawo enniiwanana ni miyaano monga ekhallelle aaka ni aawo?” Yonadabu ahaakhulla wi, “Ee, ddaahu tti ddimodda.” Yehu aallota wi, “Ddaari ddiri ddiiddo, kiphare nnatta.” Yehonadabu aavelleella nnatta naye, Yehu aniphara, amuwelliha va nigareta.