1 Epilli 12:17 - Mawu a Mulluku

¹⁷ Davide aakhuma akumanana nave ahaalleella wi, “Mwaarimi muwaaka wa miyaano wonanko akhwaaka wi mukikavihere, murimaaka oneerewiiwanana ni nyuwaano. Koma mwaarimi muweellaka okivelleella wa adanaaka naari kihuuchimwenlleni, Mulluku a makhollwaahu awooneni nave uullakeni.”

1 Epilli 12:17 ပူးပေါင်းရင်းမြစ်များ

Yuda 1:9

Koma naari Mikaele, muullupalli a angelo, ahoova omwiipa mullatu Satana voomullotellani epewe. Nave akanganeeye ni Satana voovaanyihana dda mutembo wa Mose wi ttaani aphwanenlle owuukusa koma aallotille wi, “Apwiya yuullake.”

1 Petro 2:23

Allotelliweeye epewe, khaawaakhullalle epewe, ahoosiweeye khoopopihalle koma ahiivelleella wa Mulluku oyo aneeruza moolungama.

Afilipi 1:27

Vano yoopaalleya tti yawi mukhalleke moollikana ni othenga wa Khrisitu. Sika naari kiwe apaalle kihiwe wi kiwooneni kineerewiiwa wi mohiimella moohitikheya moowiiwanana moophara mutteko moollipa nimodda ekaamba ya echikhulupililo mu othenga waphaama.

2 Akorinto 13:11

Asinnaka ni arokoraka, hallani phaama! Mullipihelleke okhalla aphaama wunchichi, mwiiwellelleke nnddo kinuuvekeemini, mwiiwananeke mmodda ni mukhwaaye, mukhalleke m'murendelleni. Vano Mulluku a echikondi ni murendelle aneerokhalla ni nyuwaano.

1 Akorinto 1:10

Mu nnddina na Apwiihu Yesu Khrisitu kinimuuvekani nyuwaano attheene, asinnaka ni arokoraka wi mwiiwananeke va nnddo munalloteenyu wi vihikhalle okawaneya variyari vanyu. Mukhalleke awaattana m'murimani mwanyu ni m'maganizoni mwanyu.

Mitteko 4:32

Mulloko wa ookhulupililaayo waari wowiiwanana m'murimani mwiwa mutthemwene ni m'maganizoni mwiwa mutthemwene. Khaarivo oyo allotille wi ello aariiyena tti yaayeyaaye koma yaanakawana attheene ddeko ddittheddene yaariiwana.

Zekariya 3:2

Mungelo a Apwiya aamulleella Satana wi, “We Satana, ddawoona, Apwiya yuuhumullulle! Apwiya ayo yamutthoollille Yerusalemu yuuhumullullesese. Ethiyo muthu khari wonanko ekhuni yoothumulliwa viikho?”

Yeremiya 32:39

Kineerewaavaha murima mmodda ni meetello mamodda wi ekooveke enthawi ddittheddene. Sika alliwa ni aniiwa ddeko ddineerekoweetella phaama.

Masalimo 86:11

Nyu Apwiya, kihuddiheni ettilla ddanyu wi keeteke mu ddawoona ddanyu. Mukivahe murima woohikawaneya wi kooveke nnddina nanyu.

Masalimo 7:6

Apwiya venyani moosha murima, mullipane ni adanaaka oowalli. Tthupulluwani nyu Mullukwaaka, lamulani wi echilungamo yeereye.

2 Mamwene 10:15

Yehu avenyillewo, aakumana ni Yehonadabu mwaana a Rekabu oomuchingamella. Vano aamullochella amukoha wi, “Ethiyo maganizwaawo enniiwanana ni miyaano monga ekhallelle aaka ni aawo?” Yonadabu ahaakhulla wi, “Ee, ddaahu tti ddimodda.” Yehu aallota wi, “Ddaari ddiri ddiiddo, kiphare nnatta.” Yehonadabu aavelleella nnatta naye, Yehu aniphara, amuwelliha va nigareta.

2 Mamwene 9:22

Yoramu amoonille Yehu aamukoha wi, “We Yehu, ethiyo tti ddamurendelle?” Olliye ahaakhulla wi, “Ttuukhallattho ddamurendelle mwawiidde ollapella mafano ni dda okhwiri nnddo yaambille amaayo ddivirillellakave?”

1 Mamwene 2:13

Nllapo nimodda Adoniya mwaana a Hagiti aawa wa Batesheba, amennya a Solomoni. Nave Batesheba aamukoha wi, “Ethiyo oweelle murendelle?” Ahaakhulla wi, “Ee, tti murendelle”

1 Samuele 18:3

Yonatani aakeraatthiha echipangano ni Davide vawi aamukonda wonanko iikondelleeye yeekhaaye

1 Samuele 18:1

Davide amallihalle ollota ni Saulo, Yonatani ahaattana wunchichi ni Davide vawi Yonatani aamukonda Davide wonanko iikondelleeye yeekhaaye.

1 Samuele 16:4

Samuele aheera nnddo Apwiya yamulamulalliiwa, aphiya o Betelehemu. Oohoollella a m'muzindanimmo yamuchingamella etthukumellaka nave yamukoha wi, “Ethiyo mwaweella waarera?”

Genesis 31:53

Mulluku a Abrahamu, Mulluku a Nahori, Mulluku a attiitthiiwa, sika anaaneeruze eellihi.” Sika Yakobo aallupella vamiitthoni va Mulluku oyo attiitthinnya Isaki yamooviiwa.

Genesis 31:42

Mulluku a attiitthaaka, Mulluku a Abrahamu, Mulluku oyo Isaki amooveye, ahikhanlleke ni miyaano, ddaano mukiikarihalle khalle mattave. Koma Mulluku ahoona ddookatamiha ddaka ni mitteko ddaka nave mahiiyu evirallaalla ohuuhumullullani.”

1 Epilli 12:16

Nave Abenjamini ni Ayuda amodda yaawa ompandani wa Davide.

1 Epilli 12:18

Vaavo Munepa a Mulluku aamukitthella Amasai, oohoollella athu makhumi mararwaalle nave aallota wi, “Nyu Davide, hiyaanothi niri aanyu, niri nimodda ni nyu mwaana a Yese. Murendelle okhalle ni nyuwaano ni athu ayo enuukaviherani vawi Mullukwaanyu annuukaviherani.” Vano Davide aawaakhella nave ahaatthattusa oohoollella a milloko ddaye ddakhoto.